Märeto 11.1-10

Täpati 25 no Mati 2017.

NO TE MAU ÂMAA

Ôroà

Uruaì

Taramo 22

1 Na te Mënätehe, i nià i te Àireta Tahara. Taramo na Tävita. 2 E taù Atua, e taù Atua, e aha òe i faaruè mai ai ia ù. E aha òe i faaätea ê atu ai i te tauturu ia ù nei. E te haapaò òre mai i to ù nei ûuru. 3 E taù Atua, te tiàoro nei au i te ao, aita rä òe i parau mai, e te ruì hoì, aita rä o ù e mäpuhiraa aho. 4 Òe rä Tei Moà ra, e tei pärahi i roto i te haamaitaìraa o Ìteraèra. 5 I tiàturi na to mätou hui-metua ia òe, ua tiàturi rätou, e ua faaorahia rätou e òe 6 ua tiàoro rätou ia òe, e ua faaorahia; i tiàturi na ia òe, e aore i mäheahea. 7 E toè rä vau nei, eere i te taata, e faaìnoraa na te taata, e ta te taata ia tähitohitoraa. 8 Te feiä atoà e hiò mai ia ù nei, te àta tähitohito mai ra ia ù; ua fäita i te ùtu, e ua ueue rätou i te upoo. 9 Te na ô mai ra rätou Oia nei, te tiàturi nei ia i te Fatu, ia faaora o ia ia na; tii mai o ia e haru ia na Inaha, e here hoì o ia na na. 10 Na òe au i rave mai mai roto i te ôpü, o to ù ia tiàturiraa, a òte ai i te ü o taù metua vahine ra. 11 Ua tuuhia atu vau ia òe mai taù fänauraa mai ä; o taù Atua hoì òe mai te ôpü mai ä o taù metua vahine. 12 Eiaha e faaätea ê atu ia ù, ia fätata mai te àti ra; e aita atu e tauturu ia tauturu mai 13 E rave rahi te puaatoro e haaàti mai ia ù nei; te mau puaatoro àito o Pätäna teie e haaàti mai ia ù nei.14 Te hämama mai ra to rätou mau vaha ia ù, mai te riona ûuru ra ia ìmi i te mäa. 15 Mai te pape e niniihia ra vau, e ua paruparu taù mau ivi; mai te täpau nei taù âau, ua tärapape i roto i taù ôpü nei. 16 Ua marô to ù püai mai te àraea a te pötera ra; ua piri taù arero i taù taa; e ua tuu òe ia ù i raro i te repo pohe ra. 17 Ua haaàtihia vau e te ùrï ra; ua haapunihia vau i te âmuiraa taata ìno ra; ua puta o ù puè rima e o ù puè âvae ia rätou.18 E taiò noa vau i o ù mau ivi. Te hiò mai ra rätou, te tiàtonu mai ra ia ù, 19 ua tufa rätou i taù mau àhu ra no rätou, e te haa-maìri-terero nei i taù pereue. 20 Eiaha òe, e te Fatu, e faaätea ê atu ia ù nei; e taù püai, ia peepee mai òe i te tauturu mai ia ù. 21 E faaora òe ia ù i te òè nei, eiaha vau ia riro i te püai o te ùrï. 22 Ia ora vau i te vaha o te riona, ua faaora hoì òe ia ù i te tara o te reema ra. Ua pähono mai òe ia ù. 23 E faaìte au i to iòa i to ù ra mau taeaè; ei rotopü i te âmuiraa ra e haamaitaì atu ai au ia òe 24 O òutou o tei mataù i te Fatu ra, e haamaitaì òutou ia na. Òutou atoà te huaai o Iatöpa, o ia ta òutou e faahanahana. O òutou atoà te huaai o Ìteraèra ra, e mataù òutou ia na 25 aore hoì o ia i vahavaha, aore hoì i faaìno i te àti o te feiä i àti ra; e aore hoì i huna i to na mata ia na, ia tiàoro rä o ia ra, ua faaroo mai ra o ia ia na 26 O òe ta ù e haamaitaì i roto i te âmuiraa rahi ra. E rave au i ta ù i èuhe ra, i te aro o te feiä e mataù ia na ra. 27 E àmu te feiä haèhaa e ia paìa O tei ìmi i te Fatu ra e haamaitaì rätou ia na, e vai ä te ànaanaea o to rätou âau 28 To te fenua nei e tae noa atu i te hopeà ra, e riro ia i te manaò e ua färiu mai i te Fatu E hope te mau fëtii a te ao nei i te haamori i mua ia òe 29 No te Fatu hoì te Pätireia, e o ia te tävana i te mau fenua atoà. 30 E àmu te feiä taoà o te fenua nei, e e haamori; e te feiä atoà e tae i raro i te repo, e piò ia i mua ia na, e e òre e tià i te hoê ia faaora ia na iho ra. 31 Na te tahi pae huaai e faaroo ia na, e e parauhia ia ei taata no te Fatu 32 e haere mai hoì rätou e faaìte i ta na ra parau tià i te tahi mau taata èê ra ia fänau mai, na na hoì teie i rave.

Ìtaia 50.4-7

4 Ua horoà mai te Fatu ra o te Fatu ia ù i te arero o te feiä ìte ia, e haru mai i parau atu i te parau au i tei rohirohi ra. Te faaära nei o ia i tërä poìpoì, i te poìpoì, te faaära nei o ia i taù tarià, ia haapaò vau mai te taata e haapii ra. 5 Ua haafätata te Fatu ra o te Fatu i taù tarià, e aore hoì au i pätoì atu; aore hoì au i ôraì tià i muri. 6 Ua tuu noa atu vau i taù tua i te feiä i täìri mai; e taù päpärià i te feiä i huhuti i te ùmiùmi; aore hoì au i huna ê atu i te vahavaha e te tufatufa haere. 7 E tauturu mai ä te Fatu ra o te Fatu ia ù; i òre ai au i haamä ai; i haamau ai au i taù mata mai te ôfaì ra; ua ìte hoì au, e òre au e haamä

Firipi 2.6-11

6 O te huru ia o ia no te Atua, e aore o ia i parau e haru toroà ia fäito atoà o ia i te Atua. 7 Haapae atu ra rä i to na iho, rave atu ra i to te tävini ra huru, i te fänauraa mai mä te huru o te taata nei. 8 E no te mea o ia i ìteä mai te taata nei i te huru, ua faahaèhaa o ia ia na iho, i te haapaò-mäite-raa e tae noa atu ra i te pohe, i te pohe tätauro ra. 9 I faateitei roa atu ai te Atua ia na, e ua horoà hoì i te iòa i hau ê roa i te mau iòa atoà nei no na 10 ia tuu te mau turi atoà i raro, to te raì, to nià i te fenua e to raro aè i te fenua, i te iòa o Ietu ra 11 e ia fäì te mau vaha atoà, e o Ietu Metia te Fatu, e hanahana atu te Atua Metua ra.

Märeto 11.1-10

Te tomoraa Ietu i roto ia Ierutarëma

(Mät 21,1-11; Ruta èv 19,28-40; Ioane 12,12-19)

1 E fätata mai ra Ierutarëma ia rätou, tae atu ra i Petefäte e Pëtänia i te mouà ra i Òriveta, ua tono aè ra o ia i e toopiti puè pipi a na ra, 2 nä ô atu ra ia räua A haere na òrua i tërä aè ra ôire iti, e ia tomo òrua i roto ra, e ìte òrua i te hoê pinia âtini, ua fëtiihia, aore ä i pärahihia e te taata e tätara e pütö mai i ô nei. 3 E ia parau noa mai te hoê taata ia òrua E aha òrua i rave ai, e parau atu No te Fatu teie e tià ai, e na na ia e tuu noa mai i reira ra.4 Haere atu ra räua e ìte atu ra i taua pinia âtini ra, te fëtiihia ra i räpaeàu mai i te pae ùputa, i te tià àtiraa i nä èà tià e piti ra, ua tätara iho ra räua. 5 Ua nä ô mai ra te hoê pae o te feiä i tià noa i pïhaì iho ra E aha òrua e tätara ai i tënä na pinia. 6 Ua parau atu ra räua ia rätou i ta Ietu i parau mai ia räua ra; ua tuu noa mai ra rätou ia räua ia rave noa na. 7 Ua pütö mai ra räua i taua pinia ra ia Ietu ra, tuu atu ra i to räua àhu i nià iho, pärahi iho ra o ia i nià iho. 8 E e rave rahi tei hohora i to rätou àhu i te èà tià; ôoti atu ra hoì e tahi pae i te âmaa rii räau, vauvau atu ra i te äratià. 9 E ua ûmere iho ra te feiä i haere nä mua e tei pee mai i muri iho, nä ô aè ra Hötana, Ia ora o ia tei haere mai mä te iòa o te Fatu 10 Ia maitaì te pätireia o to tätou metua ra o Tävita e fätata mai nei mä te iòa o te Fatu ra Hötana i te raì teitei ra.

Manaò.

Te taata tei faatupu to na huru, ta na peu, to na fäito, i te au òre i roto i te tahi pae, ua parauhia te huru o te reira taata, e taata tei ora i te ao rupehu, i muri noa mai i reira te parau i te mauraa i nià i te taata i te haapaò òre e te rave òre i te òhipa. Ia haaputuputu te taata i roto i te tahi rururaa, a haere mai ai te tahi, i te àhuraa mai i te àhu tei òre e tuàti e te mä òre i te pape, e parauhia te fäito o te reira taata e, mea hupehupe. Mai te reira atoà te taata e rave mai i te peu të òre e au ia ravehia i te vähi taata, i te parauraa hoì i te tahi mau parau auraa òre ia faaroo, e parau-atoà-hia te huru o te reira taata e, mea hupehupe, e te faatura òre. I tae ai te manaò i nià i teie huru parauraa, no te mea ia ua tuu te Mäòhi i te parau o te òhipa i nià roa, ia au i te manaò e, na te òhipa e horoà i te tura o te taata. Io tätou nei, i mua ra, te taureàreà e faaàpu ta na, e vaa to na, e puaa ta na e parauhia teie taata e taata ora. Te taata maitaì, eere te taata e faatià noa mai i ta tätou mau haapahiraa, e taata faatupu ora, oia hoì e taata e ora i ta na iho òhipa, e ora hoì to na ùtuafare ia na, e tämaa rätou i te mau mahana atoà.

E parau päpü teie, eere te mea òhie no te Mäòhi te färiiraa i te manaò e, te vai ra te taata i färii i te faataa i to na oraraa no te rave i te òhipa a te tahi, te färii ia riro o ia ei faaueueraa na te tahi, e ia rave o ia i te òhipa no te maitaì o te tahi, mai te òre e manaò i to na iho maitaì nä mua roa. Mea tüàti aè te Mäòhi i teie manaò. E mea maitaì e te au hoì i te taata nei ia àmu e ia inu, e ia rave o ia i te maitaì o ta na ra òhipa i te ao nei, e ia hope roa o na puè mahana i ho-mai-hia mai e te Atua no na, ta na hoì teie nei tufaa i teie nei ao. Te taata atoà ta te Atua i horoà mai i te taoà rahi e te maitaì ra, ua horoà atoà mai ia i te rave i taua mea ra, e rave o ia i ta na tufaa, a òaòa ai i ta na ra òhipa.

Aita teie manaò e parau nei e, aita te Mäòhi i rave mai i te òhipa na te tahi taata ; i ô nei, e faataa maitaì tätou i te parau o te tauturu, oia te raveraa i te òhipa no te tatara i te tahi taata i räpae i te tahi fifi ta na i färerei mai, e huru te reira no te taata, eere te faanahoraa òhipa. I te mätamua, e òhipa ta te tahi taata, e tüpaì o ia i te puaa, ta na e täpü àpaapa noa, te taata e rave i te tahi täpü puaa, ua färii atoà ia taata i te rave i te òhipa a te taata na na te puaa. E au rii i te tahi faaäuraa, ia oti te òhipa, e hope atoà te faaäuraa. E parauhia teie puaa, e puaa tärahu. E puaa no te faaäuraa òhipa. Teie ä te tahi huru faaäuraa òhipa, tei parauhia e pupu. No te tau hopeà roa nei rä te reira faanahoraa. E haapupu te feiä âpï no te haere e rave i te òhipa a te tahi, ia oti e haere i nià i ta te tahi, e hope roa aè. No te òhipa rarahi noa rä rätou i haapupu ai, i muri mai, na te taata tätaì tahi noa ihoä e àtuàtu i ta na faaàpu. E hoì noa mai ihoä rä tätou i nià i te manaò e, te taata tätaì tahi te fatu i ta na iho òhipa, aita e parau to te täviniraa i roto i te Mäòhi. Ia au i teie huru faanahoraa teie ia te faaìteraa a na taiòraa e maha nei ia au te haapotoraa, teie atu ra te mau parau,

-Taramo 22, 25 aore i vahavaha, i huna i faaìno te àti ia tiàoro ra, e faaroohia mai.

-Ìtaia 50, 5 Ua haafätata te Fatu i taù tarià, e aore i pätoì i ôraì tià i muri.

-Firipi 2, 11 E fäì te mau vaha o Ietu Metia e hanahana ai te Atua Metua ra.

-Märeto 11, 9 Ia ora tei haere mai mä te iòa o te Fatu.

Ua vahavahahia o Ietu e te mau faatere Âti Iuta i to na tau, no te mea àita to na àhu i fäito i to rätou, aita to na huru ia au i to rätou, àita ta na parau ia au i ta rätou. To na fauraò àita atoà ia au i to rätou. Vahavahahia o Ietu  e te faatereraa Roma, no te mea àita ta na e pupu faèhau, àita ta na mauhaa tamaì faatupu pohe, e âtini to na fauraò, to na pupu taata e âmaa raau tei te rima e to na nià i te fenua, te pii nei i te ora, 9 Ia ora tei haere mai mä te iòa o te Fatu. Ia ìte mai tätou, e parau teie te au i te hoê tävini i te parau no te raveraa i te òhipa, te vai ra te tahi mea hau atu të ìmi i roto i te auraa o teie reo i horoà i ta na iho òhipa, oia te faatupuraa i te ora, te raveraa i te òhipa no te maitaì o te taata, no te tatara i te taata i räpae i te fifi, aore ra te raveraa i te òhipa ia òre te taata, te ùtuafare ia topa i roto i te fifi. E rave o Ietu i ta na tuhaa òhipa, eiaha noa te òhipa i faauehia ia na e rave, te òhipa no reira o ia e faatupu ai te ora e faatupu ra o ia i te värua o te òhipa, no te mea e tiàraa faaora to Ietu. Te reo o teie pupu taata e òhipa to roto i te parau o te täviniraa e te fäìraa, tei uruaì i nià i te märamaramaraa i te parau o te òhipa. Ei faaìteraa i to na âau mehara, e rave o ia i te òhipa i roto i te ùtuafare o to na fatu âpï i faariro ia na ei taata tiàmä, tiaì noa ai i te mahana e tuu-roa-hia ai o ia, oia te mahana aita e taata faahou i nià aè ia na no te parau mai i te òhipa ta na e rave, i te òhipa të òre o ia e tano e rave. I roto i te oraraa âpï ta na e ora nei, eita e moèhia ia na e, e tärahu ta na, ua ìte o ia e, eita o ia e tano e haere noa mai te rave òre i te tahi òhipa e hoo na ai te taata i hoo mai ia na, mai roto mai i te tïtïraa, o te parauhia o ia i te taata hupehupe, oia te taata tei òre i rave i te mea maitaì e tiaìhia ra ia na ia rave, te mea e päpü ai to na pärahiraa i roto i te âmuiraa taata. Eere o ia i te tävini tärahu, oia te taata e àufauhia no te òhipa i anihia ia na e rave, e tävini noa rä. Eere faahou o ia i te tïtï, eita atoà rä o ia e tano e rave i te òhipa ta na i hinaaro, i te taime ta na i hinaaro. I roto i te ùtuafare ta na e pärahi ra, e hinaarohia ihoä te ìte òhipa o te tävini, no te mea rä eere no na te fare, e tiaì ihoä o ia i te faaueraa, te mea atoà te reira e täôtià noa ra i to na tiàmäraa. Ia maitaì te òhipa ta na i rave, e haamauruüruhia o ia, ia òre, e faahapahia o ia. Nä ô paì ia tätou e, ia ätea roa o ia i te haereraa i te pae àtau, te faahoìhia mai ra i röpü e ia ätea roa hoì i te haereraa i te pae àui, te faahoìhia mai ra i röpü  mai te mea atu ra e, eere no na te àtau, eere no na te àui. Ua horoà mai te Fatu ra o te Fatu ia ù i te arero o te feiä ìte ia, e haru mai i parau atu i te parau au i tei rohirohi ra. Te faaära nei o ia i tërä poìpoì, i te poìpoì, te faaära nei o ia i taù tarià, ia haapaò vau mai te taata e haapii ra. 5 Ua haafätata te Fatu ra o te Fatu i taù tarià, e aore hoì au i pätoì atu; aore hoì au i ôraì tià i muri. Ua tuu noa atu vau i taù tua i te feiä i täìri mai; e taù päpärià i te feiä i huhuti i te ùmiùmi; aore hoì au i huna ê atu i te vahavaha e te tufatufa haere.7 E tauturu mai ä te Fatu ra o te Fatu ia ù; i òre ai au i haamä ai; i haamau ai au i taù mata mai te ôfaì ra; ua ìte hoì au, e òre au e haamä Ìtaia 50.4-7.

Teraì  òr Faatura.