Ruta èv. 15, 1-3;11-32
Tāpati 6 no Mati 2016.
ÔROÀ
Haamoriraa
Haamaitaì tätou i te Atua, i tià mai tätou.
Himene
Höroà
Èi ômuaraa i to tätou haamoriraa i teie täpati no te maräma no Mati, o te fenua Ènata e parau nei Pohe. Na te puta Iotua i te pene 5 i te mau ìrava 10 e tae i te ìrava12, ìrava 10 o tei höroà mai i te ua i nià i te fenua nei, e te pape hoì i nià i te mau ô ra 11 o tei faateitei i te feiä haèhaa ra i nià, ia faateiteihia te feiä i òto ra i te ora 12 o tei haapeàpeà i te ìmiraa o te feiä paari, e aore atu ra to rätou rima e tià ia rave i tei ôpuahia ra.
Pärahi tätou
Haamaitaì
Ta tätou parau haamaitaì na te puta Taramo 34 i te mau ìrava 1 e tae i te ìrava 5, ìrava1 E Taramo na Tävita i to na faahuru-ê-raa ia na iho i mua ia Âpïmereta, o tei tiàvaru atu ia na, e ua haere atu ra o ia. 2 E haamaitaì ä vau i te Fatu e òre e faaea. Ia vai tämau mäite ä te haamaitaì ia na i roto i to ù nei vaha 3 E ârue ta ù âau i te Fatu. Ia ìte mai tei pohe ra i te reira a òaòa atoà ai 4 E haamaitaì tätou i te Fatu, tätou atoà të faateitei i to na iòa. 5 Ua ìmi au i te Fatu, e ua parau mai ra o ia ia ù e ua faaora ia ù i te mau mea ta ù i mataù ra.
Haamaitaì tätou i te Atua i te himene.
Himene
Mata
Faaroo mai na ra tätou i te parau no te mata o te taata tiàturi Atua ta te puta Taramo 34 e tià i te täuturu mai ia tätou ìrava 6 Ua hiò atu rätou ia na, e ua haamäramaramahia mai e aore to rätou mau mata i haamä. 7 Ua pii atu ra taua taata i pohe nei, e ua faaroo mai ra te Fatu e ua faaora atu ra ia na i to na atoà ra mau àti. 8 Te pätia nei te merahi a te Fatu i te pühapa e àti noa aè i te feiä i mataù ia na, e ua faaora ia rätou. 9 A tämata na ia ìte i te maitaì o te Fatu E ao to te taata i tiàturi ia na ra 10 A mataù i te Fatu, òutou te feiä moà no na ra. Aore hoì e èreraa to te feiä i mataù ia na ra. 11 Ua ère te mau riona âpï i te mäa, e te pohe ra i te poìa âreà tei ìmi i te Fatu ra, e òre roa e ère i te maitaì. 12 A haere mai na, e te mau tamarii na, e faaroo mai ia ù e haapii au ia òutou ia mataù i te Fatu.13 O vai ia taata i hinaaro i te ora, tei hinaaro ia ìte i te maitaì i to na puè mahana i te ao nei. 14 A täpeà i to arero i te ìno, e to vaha eiaha ia parau i te parau haavare. 15 E haapae i te ìno, e rave i te maitaì, e ìmi i te hau, e àruàru atu. 16 Tei te feiä parau-tià ra to te Fatu mata, e tei ta rätou pure to na tärià. 17 E mata ê rä to te Fatu i te feiä i rave i te ìno ra, e ia òre roa ia manaòhia i te ao nei. 18 Te tiàoro nei te feiä parau-tià e te faaroo mai ra te Fatu, e te faaora nei o ia ia rätou i to rätou mau àti atoà ra. 19 Te fätata nei te Fatu i te feiä âau paruparu ra, e te faaora nei o ia i te taata âau taiä. 20 E àti rahi to te taata parau-tià ra e faaorahia rä o ia e te Fatu i taua mau àti atoà ra. 21 Na te Fatu e tiaì i to na ra mau ïvi, e òre roa te hoê e ôfatihia. 22 E pohe te paieti-òre i te ìno e tei riri i te feiä parau-tià ra, e mou ia. 23 E faaora te Fatu i te värua o to na ra mau tävini e òre hoì te hoê e tiàturi ia na ra e faaruèhia.
Haamaitaì tätou i te Atua i te Himene.
Himene
Faafaite.
Ia na reira anaè te taata tiàturi Atua i te faaâpï ia na te vai nei te parauraa a Pauro i to Torinetia e ia tätou i teie mahana, Torinetia 2 i te pene 5 i te mau ìrava 17 e moti i te ìrava 21, hou ra tätou a faaroo mai ai te vai nei teie täò faafaite, e pae taime e faahitiraahia teie täò e Hau to na auraa, eiaha ra ia täiòhia e faafaìte, oia atoà te öno, i roto i te ìrava e mono o teie atoà ra te tähi parauraa. Te ìrava 17 Tei roto anaè te taata i te Metia ra, ua riro ia ei taata âpï, ua òre te mau mea tahito ra ìnaha, ua riro te mau mea atoà ei mea âpï. 18 Na te Atua rä taua mau mea atoà ra, o tei faafaite ia tätou ia na iho ia Ietu Metia nei, e ua tuu mai hoì ia mätou i te töroà faafaite nei. 19 Teie hoì taua parau ra, ei roto te Atua i te Metia i te faafaiteraa i to te ao nei ia na iho, e te huri òre atu i ta rätou hara ia rätou. E ua tuu mai hoì i te parau faafaite ra ia mätou nei. 20 E teie nei, e veà mätou na te Metia mai te mea e, te aò nei te Atua i te taata ia mätou nei ei öno mätou i te Metia, i te aòraa atu i te taata e, e faafaite òutou i te Atua. 21 Ua faariro hoì o ia ia na, i tei òre i ìte i te hara ra, ei täraèhara na tätou ia faarirohia tätou ei feiä parau-tià i te aro o te Atua ia na ra.
Haamaitaì tätou i te reo himene.
Himene.
Te parau ta tätou e faaroo mai teie nei, teie ta Ruta èv. Faaìteraa i te pene 15, ìrava1 e tae i te3 ; ìrava 11 e moti i te ìrava 32.
Te parapore o te mämoe moè i ìte-faahou-hia mai
(Mät 18,12-14)
1 Ua ruru atoà mai ra te mau feiä òhi tute e te feiä rave hara e faaroo ia Ietu. 2Ua ôhumu iho ra rä te mau Färitea e te mau päpaìparau, nä ô aè ra Te ìte nei teie nei taata i te feiä rave hara, e te àmu atoà nei i ta rätou àmuraa 3 Ua parau atu ra o ia ia rätou i teie nei parapore, nä ô atu ra.
Te parapore o te tamaiti moè i ìte-faahou-hia mai
11 Ua parau atu ra hoì o ia Toopiti a te hoê taata tamarii tämaroa. 12 Ua parau atu rä tei muri aè i te metua täne E ta ù metua, hö mai na i ta ù ra tufaa i te taoà nei. Ua tufa iho ra o ia i te taoà na räua. 13 E muri ïti iho ra, ua haaputu iho ra te tamaïti hopeà i ta na, haere atu ra i te fenua roa, pühura atu ra i ta na taoà i te haapaò òre. 14 E pau roa aè ra, roohia iho ra taua fenua ra i te oè rahi, e àti iho ra o ia i te poìa. 15 Ua täàti atu ra o ia i te hoê taata-tupu no taua fenua ra, o tei tono ia ia na i roto i te âua e faaàmu i te puaa. 16 E ua hiaai atu ra o ia i te pipi i àmuhia e te puaa ra ia paìa o ia aore hoì e taata i hopoi mai i te mäa na na. 17 E iho faahou mai ra to na iho huru mau, ua nä ô aè ra E rave rahi to ta ù metua tävini tärahuhia e mäa rahi ta rätou e e toe te tahi pae, e te pohe nei au i te poìa 18 E tià vau e haere i ta ù metua ra, a parau atu ai ia na, E a ù metua, ua hara vau i te Atua o te raì e ia òe atoà hoì, 19 e eita atu ra e au ia ù ia parauhia e, e tamaïti na òe, e faariro òe ia ù mai te hoê i te mau tävini tärahu no òe nei. 20 Ua tià aè ra o ia, haere atu ra i ta na metua ra.
E tei te ätea ê ä o ia, ìte mai ra ta na metua ia na, aroha mai ra, horo mai ra, tauvahi mai ra i nià i ta na àî, hoìhoì mai ra ia na. 21 Ua parau atu ra taua tamaiti ra ia na, E taù metua, ua hara vau i te Atua o te raì, e ia òe atoà hoì, eita atu ra vau e au ia parauhia e, e tamaiti na òe. 22 Ua parau atu ra rä te metua i te mau tävini A hopoi mai na i te àhu pü maitaì ra, e faaàhu mai ia na nei, e ôomo hoì i te täpeà i ta na rima, e te tämaa i ta na âvae 23 e tii hoì i te täfa faaàmu ra e pätia, e àmu hoì tätou i te mäa, e òaòa hoì tätou 24 o ta ù tamaïti nei hoì, i pohe na, e ua ora mai nei i moè na, e ua ìtea mai nei. Òaòa atu ra rätou. 25 Tei roto i te âua te tamaiti matahiapo ra, te haere mai ra i te ùtuafare. E fätata mai ra te fare ia na faaroo mai ra i te òto vivo e te òri. 26 Ua tiàoro mai ra o ia i te hoê tävini, ua ui mai ra i taua mau mea ra. 27 Ua parau atu ra o ia ia na. Teie mai nei to teina, e ua pätia iho nei to metua i te täfa faaàmu nei, no te mea i haere ora mai nei o ia aore e maì. 28 Riri aè ra o ia aore aè ra i tae i roto i te fare haere atu ra te metua täne i räpae, täparu atu ra ia na. 29 Ua nä ô mai ra o ia i te parauraa mai i ta na metua täne Ìnaha, e rave rahi aè nei o ù mätähiti i te täviniraa ia òe nei, e aita roa aè nei au i faaroo taìàtä i ta òe parau. E aita ä òe i höroà noa mai i te hoê pinia puaaniho na ù, ia faaàmu atu vau i to ù ra tauà 30 te hoìraa mai rä o to tamaiti na, o tei pühura i ta òe taoà na te mau vahine faaturi ra, pätia iho nei òe i te täfa faaàmu nei na na. 31 Ua nä ô atu ra te metua ia na E ta ù tamaïti, e tià òe i ô nei ia ù nei, e te mau taoà atoà na ù nei, na òe ia. 32 E mea tià hoì ia tätou ia faaàmuraa mäa e ia òaòa o to taeaè nei hoì, i pohe na, e ua ora mai nei, i moè na, e ua ìtea mai nei.
Haamaitaì tätou i te Atua i te himene.
Himene.
Faaitoito
Mau parau i faaroohia e tätou i te ômuaraa o to tätou haamoriraa, te faaìte noa ra i te reira i te òhipa i rävehia e te Atua no te fenua, te päpe e te taata. Ua höroà mai te Atua i te ua i nià i te fenua nei, e te pape hoì i nià i te mau ô ra, oia hoì te faaàpu. O tei faateitei i te feiä haèhaa ra i nià, ia faateiteihia te feiä i òto ra i te ora. O tei haapeàpeà i te ìmiraa o te feiä paari, e aore atu ra to rätou rima e tià ia rave i tei ôpuahia ra. E teie taata ua pii atu ra taua taata i pohe nei, e ua faaroo mai ra te Fatu e ua faaora atu ra ia na i to na atoà ra mau àti.
No te mea Tei te feiä parau-tià ra to te Fatu mata, e tei ta rätou pure to na tärià i te faarooraa. Ma te tiàoro te feiä parau-tià e te faaroo mai ra te Fatu, e te faaora nei o ia ia rätou i to rätou mau àti atoà ra.
Te òhipa e ìtehia ra i mua i te mau höroà a te Atua no te maitaì o te mau taata atoà, te parau o te ôhumu teie ia i faaroohia aè nei e tätou i ta te èvaneria päpaìraa te mau Färitea e te mau päpaìparau, nä ô aè ra te ìte nei teie nei taata i te feiä rave hara, e te àmu atoà nei i ta rätou àmuraa. Ua parau atu ra o ia ia rätou i teie nei parapore, te parau ia no te hoê metua ta ne e ta na, na tamarii tämaroa hoê e noho ùtuafare, hoê no te vaiiho i te ôtià o te fare, e tià e haere to räua parau e ìte päpühia te reira i te mau ìrava 17 e tae i te ìrava 32 te àparauraa tara toru, te metua täne, te tamaïti noho fare, e te tamaïti i haere e hiò i te oraraa i ô mai i te ôtià o te fare. Teie huru no teie àparauraa nä ô atu ra. 17 E iho faahou mai ra to na iho huru mau, ua nä ô aè ra E rave rahi to ta ù metua tävini tärahuhia e mäa rahi ta rätou e e toe te tahi pae, e te pohe nei au i te poìa 18 E tià vau e haere i ta ù metua ra, a parau atu ai ia na, E a ù metua, ua hara vau i te Atua o te raì e ia òe atoà hoì, 19 e eita atu ra e au ia ù ia parauhia e, e tamaïti na òe, e faariro òe ia ù mai te hoê i te mau tävini tärahu no òe nei.• 22 Ua parau atu ra rä te metua i te mau tävini A hopoi mai na i te àhu pü maitaì ra, e faaàhu mai ia na nei, e ôomo hoì i te täpeà i ta na rima, e te tämaa i ta na âvae 23 e tii hoì i te täfa faaàmu ra e pätia, e àmu hoì tätou i te mäa, e òaòa hoì tätou 24 o ta ù tamaïti nei hoì, i pohe na, e ua ora mai nei i moè na, e ua ìtea mai nei.• Teie mai nei to teina, e ua pätia iho nei to metua i te täfa faaàmu nei, no te mea i haere ora mai nei o ia aore e maì.• E aita ä òe i höroà noa mai i te hoê pinia puaaniho na ù, ia faaàmu atu vau i to ù ra tauà 30 te hoìraa mai rä o to tamaiti na, o tei pühura i ta òe taoà na te mau vahine faaturi ra, pätia iho nei òe i te täfa faaàmu nei na na.• 32 E mea tià hoì ia tätou ia faaàmuraa mäa e ia òaòa o to taeaè nei hoì, i pohe na, e ua ora mai nei; i moè na, e ua ìtea mai nei.
Tämata na tätou i te ui,
- E aha te hopoià a te Metua ia au i teie àparauraa.
- Te matahiapo e te teina e aha ta räua parauraa.
Na uiraa teie e tià i te täuturu ia tätou i te faatupu i te hau i roto i to tätou âau, te Metua ua faahau te âau o te teina i ta na àparauraa i mua i to na Metua, te Metua ua haamaitaì i ta na tamaïti, i te àhu pü, te täpeà rima, te tämaa, e te faatupuraa i te tämaaraa, no te mea i moè na e ua ìtehia mai, i pohe na e ua ora mai. Âreà no te matahiapo, ua faahau atoà te Metua i to na âau, ua tupu ra maite hoê òhomuraa na na i te Metua e te teina. To na auraa ra, e itoito mau to te Metua i te faatupuraa i te hau i na tamarii. Teie ia e faaìtehia nei e Parau i to Torinetia 2 pene 5 19 Teie hoì taua parau ra, ei roto te Atua i te Metia i te faafaiteraa i to te ao nei ia na iho, e te huri òre atu i ta rätou hara ia rätou. E ua tuu mai hoì i te parau faafaite ra ia mätou nei.
Te ìtehia te peàpeà to te tahi, e te ìnoìno o te tahi, aore ra e fifi rahi, te taime mau te reira e hinaaro ai te taata e paraparau i te tahi âau maitaì, te tahi tärià aroha, o vai rä hoì të ànaànatae mai i te paraparau i te taata mata peàpeà. E peu ìtehia e te Mäòhi te huaìraa i to na mau fifi i mua i te miti, no te mea ua ìte te miti i te faaroo e te mämü, oia hoì te täpeà i te parau. No te taata i roto i te peàpeà, ua roaa roa ia na te faanaìnaì i te moana i roto i te häpaina, e ia maoro rii te uhiuhiraa i te ùtu, te paremo atu ra to na mau peàpeà i roto i te häpaina, e te ìte-faahou-hia mai ra te mata òaòa i nià i te taata peàpeà. Te vähi fifi, maoro aè te âau o teie taata i faarumarumaraa, ua faanaìnaì o ia i te moana i roto i te häpaina ei haaparemoraa atu i to na mau peàpeà. Te taata hopu, ia pinepine o ia i te hopu, e rahi to na aho, e maoro atoà o ia i te faaearaa i raro. Te peàpeà o te taata nei, ia pinepine i te täumihia i roto i te häpaina, eita e paremo faahou, no reira, e haapinepine ia i te rave i te moana i roto i te häpaina, e e maoro atoà hoì te tiäìraa ia paremo atu te peàpeà, no te mea ua haapaari atoà te peàpeà ia na. Ia hapehape anaè, eita te peàpeà e paremo, eita te miti faaî häpaina e pee faahou. Ua nä roto mai i te peàpeà, ua ìte rii mai na i te òaòa, i te pae hopeà rä, aita ihoä i maitaì. O te huru ia o te matahiapo.
Te Metua ra te parau nei E mea tià hoì ia tätou ia faaàmuraa mäa e ia òaòa o to taeaè nei hoì, i pohe na, e ua ora mai nei i moè na, e ua ìtea mai nei.
Haamaitaì tätou i te Atua i te himene.
Himene
Parau Faaära
Pupuraa moni
Pure Ärai
Ôroà a te Fatu.
Pure a te Fatu
Faaitoitoraa
Haamaitaìraa.
Teraì òr.