Mareto 9,30-37

Te faanahoraa o te taiòraa.

Mareto 9 : 30 - 37. Te haapiiraa.

Mau tuhaa o te taiòraa.

E tià ia parauhia e, e maha tuhaa teie e vai nei i roto i te Mareto pene 9 , irava 30 e faaoti i te iarava 37.E mau tuhaa teie e faaite nei te tupuraa no te mau haapiiraa o ta Ietu e faahiti nei i mua i ta na mau pîpî.Te parau nei o Ietu i te mau òhipa e tupu i nià ia na ia tae rätou i mua i te mau taata tiàraa,e faatere nei i te nunaa.E taparahihia O ia,e pohe roa O ia,ei ia tae ra i te rui toru e TIÀFAAHOU O ia.Te mau pîpî i mua teie mau parau e faaea noa rätou ma te taa òre to na auraa.Te hinaaro nei o Ietu ia papu i te mau pîpî i te òhipa e tiaì ra ia rätou,ia òre rätou i faaea noa i roto i te taa òre.

Te huru no te taiòraa.

E haapiiraa teie ta Ietu e horoà nei i roto i ta na mau pîpî,e aha te òhipa a te hoê taata e rave ia hau aè o ia i te tahi ? I roto i te mau mau manaò o Ietu te horoà nei O ia te tahi mau raveà, oia hoì,

a) Ia tiàturi taua taata ra e,e TIÀFAAHOU O IETU IA TAE I TE RUÌ TORU.

e) Eiaha e märö o vai tei rahi i te tahi ?

f) Tei hinaaro i te haere i mua,ia ite ia no te hopeà o ia,ei ia riro ei tavini no te taatoà e tià ai.

h) Te haapapuraa o Ietu i te parau no te FÄRIIRAA.ir 37.

O te ite mai i te hoê tamaiti ïti mai teie nei no to ù nei iòa,ua ite mai ia ia ù,e o te ite mai ia ù ra,e ere ia o vau anaè ra ta na i ite mai ra,oia atoà rä o tei tono mai ia ù nei ra.

Te tupuraa o te taiòraa.

Ua tupu teie parau i nià i na vahi e maha,

1) I raro noa mai i te mouà no te faahuruêraa.

2) I Tarirea

3) I nià i te èà,e haere i Taperenaumi.

4) I Taperenaumi i roto i te fare.

Teie parau aita to na e hopeàraa no te mea eita o Ietu e taui i te vahi,e hope ra teie parau i te irava 50.I muri aè e haere atu ai rätou i te pae Iutea i te hiti Ioritana ra.(Mareto 10 i te irava 1).Te vai nei ra ia te òmuaraa no teie parau,i te irava 30 i te vahi matamua Faaruè atu ra rätou taua vahi ra,tupu aè ra teie parau,no te HAAPIIRAA A IETU NO TE FÄRIIRAA.

E aha te färiiraa e tià i te Etaretia i teie mahana ?

Ei tuatapaparaa.

1)Aita te mau pîpî e haapaò nei i te mau haapiiraa a Ietu,ta na e faaite nei no to na pohe e no te TIAFAAHOURAA.I te mea e vai O ia i roto i te rima o te taata,e taparahi pohehia O ia,ia tae ra i te rui toru e TIAFAAHOU mai O ia.No te faaite i te mau taata atoà i te paruparu o ta rätou òpuaraa.E aha ra te itehia i reira maoti ra te puai ia o te Atua.Te vahi ra i maramaramahia e te mau pîpî i roto i teie parau ,ia pohe o Ietu na vai e mono ia na,oia hoi o vai tei rahi i roto ia rätou.

2) No Ietu te peàpeà nei O ia i teie huru manaò to te mau pîpî, i tià ai Ia na i te parau e, o te taata tei hinaaro i mua o ia, ei hopeà roa o ia e tià ai,e ei tavini no rätou atoà.Ia Ietu eita i te mea faufaa roa,i te ìmiraa,o vai tei rahi,ta na e hinaaro nei ia ite papuhia na roto i ta na mau haapiiraa, ia farii te mau taata atoà e tiàraa to rätou i roto i te òhipa no te taviniraa.Ua haamata anaè na reira,te farii ra ia te tavini i ta te Atua i tono mai.I horoà ai o Ietu i te hiòraa i nià i te parau no te hoê tamaiti ïti,te faahoihia nei te mau pîppî ia haapaò i te parau no te taviniraa,eiaha ia hiò o vai to mua,e o vai te mea faahiahia aè.O tei farii i teie nei tamaiti ïti i to ù nei iòa ua färii ia ia ù,e ua färii atoà tei tono mai.

3) Tuuhia i roto i te rima o te taata,eiaha no te faaite e Atua paruparu,e aore ra Atua puai teie ta Ietu e faaite nei.E aore ra e Atua puai hope teie e tiàturihia nei e te taata.Eita tei teie vahi te manaò o Ietu,tei roto ra i te ra manaò e,E METUA PUAI HOPE,te ATUA.I te mea eita te METUA o Ietu e vaiiho noa i ta na TAMAITI,e i ta na mau TAMARII ia faaea noa na i te vahi no te tahuti e tuuraa O ia i ta na mau TAMARII i te vahi no te tahuti òre.

Ta Pauro ia e faaite nei i to Roma i te pene 4 i te irava 25 O tei tuuhia mai no ta tätou nei hara,e i faatià-faahou-hia ia ia tiàhia tätou nei.

Roma pene 8 irava 32 o tei òre i faaherehere i ta na iho Tamaiti,o te tuu noa mai ra ia na no tätou atoà nei.

Taratia pene 2 irava 20vh o tei aroha mai ia ù,e ua horoà ia na iho no ù

Efetia pene 5 irava 2 vm ei haerea aroha to outou mai te Metia i aroha mai ia tätou. Itaia pene 53 irava 2 e tae 4 Mai te ohi àpi ra hoi oia i te tupuraa i mua ia rätou e mai te aa i te repo märö ra,aita o na huru, e te nehenehe,ia haapaò atu tätou ia na,aita hoi o na e hohoà ,e hinaaro atu ai tätou ia na.I vahavahahia o ia ,e aore i haapaòhia e te taata;e taata mataro i te oto,e ua ite hoì i te mihi,mai te taata e huna ê i to na mata ia tätou nei i vahavahahia o ia,e aore o ia i manaò-maitai-hia e tätou nei.Ua rave mau ra o ia i to tätou paruparu,e ua hopoì ê o ia i to tätou oto;ua parau ra tätou ia na e,tairi utuà to na;mai te taata tairihia e te Atua;i pohe ai ra.

E manaò teie ei faaiteraa i te puai no teie,parau e,tuuhia i roto i te rima o te taata. No te haapapu atoà e,aita teie parau i tupu noa, aita to na tumu.Ei faaiteraa i te taaêraa o te TAMAITI A TE ATUA,i te tahi atu mau faanahoraa e vai i roto i te tahi mau pupu taata e tiàturi nei i nià i te ta hi atu mau atua.Ei hiòraa te mau Mahometa,te tiàturi nei i te hoê atua te faaora ia rätou, oia atoà te atua o te mau tinito,o Bouddha,ua pohe rätou,aita ra i faaitehia te parau no to rätou tiàfaahouraa.Areà ra te parau no te TAMAITI A TE ATUA.te faaitehia nei ia te parau no to na TIAFAAHOURAA.

Ia au i teie mau tuatapaparaa e piti tumu parau o te tià ia tapeàhia mai,

1) tuuhia i roto i te rima o te taata irava 31vr.

2) o te ite mai i te hoê tamaiti iti mai teie nei no to ù iòa,ua ite mai ia ia ù, irava 37.

Terai orometua.