Mataio 2,1-12

Taiòraa Mataio 2, 1 – 12 Irava tumu Mataio 2, 2 vr ìte aè nei mätou i to na fetia i te hitià – o – te rä. I teie täpati mätamua no te mätahiti 2002, te ìritihia nei ia te parau a te Atua, na roto i te parau no te fetia. Tei ìtehia i te hitià – o – te rä, no te faaìteraa te òmuahia nei te hoê faanahoraa no ò mai i te Atua ra. No te mea i teie atoà täpati e faahanahanahia ai te parau no te arii. Te arii fanau âpï, tei ìtehia to na fetia i te hitià – o – te rä, tei parauhia te epifania e reo hereni teie to na auraa te FAAFAAÌTERAA. Oia hoì, to te Atua faaìteraa i ta na Tamaiti i te mau taata atoà o teie nei ao. No reira te mau ùtuafare i te täpati mätamua o te mätahiti âpï, e hamani ai i te faraoa monamona ma te tuu i te tahi taupoo arii i roto, te taata tei ia teie tuhaa faraoa, oia ia te arii no te mätahiti. I roto i te Mataio ta tätou i faaroo aè nei i te taiòraahia, te ìte nei tätou te parau no te feiä paari, tei parau – atoà – hia te mau mätoi. I te 4 o te tenetere, ua faanahohia te huru o teie mau mätoi e toru, hoê e taata âpï, te piti e taata huru paari, e te toru ra e taata paari – roa – ia. No reira e faaäuraa teie no te mau uì atoà e vai i roto i te tau. Aita roa te hoê uì taata i faaèrehia, i te fanauraa no te tamaiti a te Atua. No te mea te hinaaro te Atua, i te mau taata atoà, ia riro èi nunaa no to na patireia. E tià atoà ia tätou ia parau e, ua àmuihia te huru atoà o te nunaa no te färiiraa i te arii fanau âpï, tei haere mai èi tavini no teie nei ao. Teie mau mätoi o te hiòraa faahiahia – roa ia no te taata no te mau tau atoà, oia hoì te taata e to na manaò ànoì, no te parau mau e te haavare, te taata maramarama e te pouri, te taata faaroo e te faaroo òre. O taua huru taata ra, taua huru taata no te mau mahana atoà, e no te mau tau atoà o ta te Atua e tïtau nei, e arataì nei i pihaiiho i te Metia. Te färii nei te Atua ia na noa atu to na huru, no te mea aita o Ietu i tae mai, no te feiä maitaì anaè, e aore ra no te feiä teretetiano noa, ua tae mai ra o Ietu no te mau taata atoà. Teie mau mätoi, tei ìte i te fetià i te hitià – o – te – rä o tei faatupu ia i te tohu a Paraama te ìte nei au i teie fetià èita ra e tupu vave. Ia tae ra i te tau mau ra te ìtehia nei teie fetià e te feiä paari, te haere nei rätou i Ierutarema i te òire o Herota te arii i te taime a tupu ai teie mau òhipa. Aita ra i ìte – a – hia e rätou i reira, i te mea ua vaiihohia e rätou i te fetià tapaò i te tihiti. Tupu atu ra to rätou farereiraa i te Arii Herota, no te òhipa e tupu ra i roto i to na òire. E aita atoà o ia i ìte teihea te vairaahia teie Arii fanau âpï. E tià ia parauhia e, aita te Arii, no te mau Arii i ìte – a – hia i to rätou anaè puai, e to rätou maramarama, ua hiò ra rätou i roto i te Pipiria tei haapii ia rätou e, ‘’ E ITI A ÒE E PETEREHEMA EFERATA IA ÀMUI ATOÀ I ROTO I TE MAU TAUTINI ATOÀ I IUTA RA ? E TAE MAI RA TE HOÊ IA Ù NEI ? MAI ROTO MAI ÒE RA O TE RIRO ÈI TAVANA I ITERAÈRA NEI’’ ìte aè nei mätou i to na fetia i te hitià – o – te rä. I te haumaruraa o te ruì i fanauhia ai te fetià o te Ora Mure Òre. I te vahi maniania òre i fanauhia ai te fetia o te here e te aroha. I te vahi o te ànimara i fanauhia ai te fetià o te hanahana no te rahuraa. I te roto i te vahi nohoraa o te taata i fanauhia ai te fetià o te hau. Tei roto i te hoê vahi, e au no te hoê arii tavini te vairaahia teie àiu, tähopu mai ra teie feiä ia na. E riro O ia te tumu o te faufaa, tei faaäuhia e te auro. E riro O ia te tumu o te maitaì, tei faaäuhia e te tapau ripano. E riro O ia te tumu o te noànoà, tei faaäuhia e te mura. Mau taeaè, e te mau tuahine, te haapii mai nei ta tätou parau ia tätou i teie täpati mätamua, te hoê tau no te faatupuraa i te tïtauraa a te Atua. O te faaìtehia mai ia tätou mai te hitià – o – te rä, oia hoì o te haamataraa te reira no te hoê mahana âpï, e te hoê ruì âpï. Te hitià – o – te ra, te faaìte ra te reira i te hanahana no te tiàfaahouraa no te mau rahu a te Atua, tei haapihauhauhia e te mataì maoaè. Te tooà – o – te rä, te faaìte ra te reira i te hanahana o te maramarama no te mau tiàrama naìnaì, tei faatohiohiohia e te mataì ra o aine. Te àpatoe rau, te faaìte nei ia i te haumaru, o te hau o te Atua tei puhihia e na àpoo mataì e toru, o maraamu, o toà, e o àrue. Àreà ra o àpatoà, o te haamahanahana ia te reira, tei faahaùtihia e na mataì e toru, faarua, o toèrau, e o parapu No reira te horoà mai nei teie mau parau ia tätou i te ìteraa i te puai o te Atua i ta na i faanaho no te tätou. E to tätou ìteraa i te fetià tapaò noo mai i te Atua ra. E teie fetià, e ànaana oia i te ruì, e ànaana atoà oia i te ao. Te parau ia ta te Atua i parau ia Aperahama, e riro to huaai mai te fetià o te raì. Terai òr