Papa Haamori Tāpati 13 no Novema 2022.

Tāpati 13 no Novema 2022.

Papa Haamori.

Tomoraa.

Ärataìhia e te ùpaùpa.

Färiiraa.

Paroita Ia ora na, ua teitei tei iòa o te Atua Nui Tumu Tahi, e tià ai ia tätou i te haamaitaì i mua i to na aro Moà o Ia i haaputuputu ia tätou i teie mahana i roto i to Na nei fare, o ta tätou e faahaèhaa ma te faatura i te faaroo-faahou-raa i te mau parau no to Na mau hinaaro, a färii mai ia mätou te feiä hara nei.

Pärahi tätou, haamaitaì tätou i te Atua i te hoê reo himene.

Himene.

Ta tätou papa haamori no teie mahana, ua papahia i nià i na taiòraa e maha no teie mahana, o te tià e ärataì ia tätou i te ìteraa i te mau faufaa e vai nei i roto i te mau faahitiraa no te mau parau i tupu na, no teie mahana, e no te mau tau a muri  noa atu. Teie ta te puta Taramo faaìteraa :

Taramo 98

Ia pïnaì te haamaitaì i te Fatu e haere e mai ra

1 Taramo. E himene ia Iehova i te himene âpï, e mau mea taa ê hoì tei ravehia e ana ; no to na iho rima àtau e to na rima moà, i riro mai ai te rë ia na.

2 Ua faaìte mai ra Iehova i te ora na na, i mua i te mata o te mau êtene atoà ra, te faaìteraahia te parau tià na na ra.

3 To na aroha e ta na parau mau, ua manaòhia e ana i te ùtuafare o Ìteraèra ; ua ìte te mau hopeà atoà o te fenua i te ora a to tätou Atua.

4 Ia pïnaì te haamaitaì ia Iehova e àti noa aè te fenua Ia püroro te reo òaòa, ia ûmere mä te haamaitaì i te himene  

5  A himene ia Iehova mä te tïnura, mä te tïnura e te reo haamaitaì atoà ra ;

6 mä te mau pü e te òto o te tuferi, te harururaa i te haamaitaì i te arii ra, ia Iehova.

7 Ia haruru te tai e to na îraa, te ao atoà e to na ra mau taata.

8 Ia paìpaì te mau pape i to rätou rima, e ia ûmere tahi te mau mouà atoà,

9 i te aro o Iehova, te haere mai ra hoì o ia e haavä i te fenua. E haavä o ia i to te ao mä te parau tià, e te mau taata mä te piò òre

Haamaitaì tätou i te Atua i te hoê reo himene.

Himene.

Faaroo mai tätou i teie nei te huru no te haaväraa ia tae i taua mahana ra i te faaìteraa a te Marati.

Marati 3.19-20

19 Inaha hoì, te fätata mai ra te mahana mai te umu ra i te àmaraa ; e te feiä atoà i teòteò ra, e te feiä atoà i rave i te parau-ìno ra, e riro ia ei àihere ra ; e àma rätou ia tae i taua mahana ra, te nä reira mai ra Iehova Tapaota ra ; e òre e faatoehia te tumu e te âmaa atoà ra.

20 O òutou rä tei mataù mai i to ù nei iòa, e hiti mai ia te Mahana parau tià ia òutou mä te ora i raro aè i to na pererau ; e haere hoì òutou i räpae, e e tupu òutou mai te tafa faaàmu o te fare ra.

E te Atua Nui Tumu Tahi, e aroha mai, ia mätou te feiä hara nei. Âmene.

Himene Tätarahapa.

Teie te manaò o Pauro i te Ètärëtia no Tëtäronia ia au i te :

2 Tētāronia 3.7-12

7 Ua ìte hoì òutou iho na, e ia pee mai òutou ia mätou e tià ai, eere hoì to mätou i te haereà tià òre i roto ia òutou na.

8 Aore hoì mätou i àmu noa i ta vëtahi ê ra mäa, ua rave rä mätou i te òhipa mä te rohirohi, i te ruì e te ao, ia òre roa te hoê o òutou ia teimaha ia mätou nei.

9 Eere rä mai te mea e eita e au ia mätou, ia riro rä mätou ei hiòraa na òutou, ia pee mai òutou ia mätou nei.

Haamaitaì tätou i te Atua no teie mau parau òaòa e tià ai

Himene òaòa.

Teie te fäìraa parau a Pauro :

10 E ua parau atu hoì mätou ia òutou ia mätou ä i ô na ia òutou na, e te taata e òre e rave i te òhipa ra, eiaha atoà o ia e àmu i te mäa.

11 Te faaroo nei hoì mätou e, e haereà tià òre to te hoê pae o òutou na ; aore i rave i te òhipa, e hiòpoà rä i ta vëtahi ê ra haapaòraa.

12 O te feiä rä e nä reira ra, te parau atu nei mätou, te aò atu nei, i te iòa o to tätou Fatu o Ietu Metia, e e rave mäite rätou i te òhipa, a àmu ai i ta rätou iho mäa.

E te Atua a faarahi mai i to mätou faaroo. Âmene.

Pärahi tätou, haamaitaì tätou i te Atua i te hoê reo himene.

Himene

Pure taiòraa Pïpïria.

Pure tätou i te Atua, ua ineine mätou i te faarooraa i ta òe parau ia pïnaì te reira i roto i to mätou âau, e to mätou värua. Âmene.

Taiòraa.

Ruta èv. 21.5-19

Te mau täpaò faaära i te änoraa o te ao nei.

5 Te paraparau ra te tahi pae i te hiero i te ùnaùna i te ôfaì maitataì e te taoà moà, ua parau atu ra o ia :

6 Teie nei mau mea ta òutou e hiò nei, te fätata mai ra te tau e òre e vaiihohia ai te tahi ôfaì nià iho i te tahi, e òre e toe ai i te hurihia i raro.

7 Ua ui mai ra rätou ia na, nä ô mai ra : E te Òrometua e, a fea ia mau mea e tupu ai ? E e aha te täpaò e ìte ai e, ua fätata i te tupu.

8 Ua parau atu ra o ia : E ara, eiaha òutou ia vare. E rave rahi hoì të haere mai mä to ù nei iòa, i te nä ô-anaè-raa e : «O vau te Metia », e : «Teie iho taua tau ra » E i teie nei, eiaha òutou e pee atu ia rätou.

9 E ia faaroo òutou i te roo tamaì e te àueue, eiaha e mataù ; e nä mua hoì te reira i te tupu e tià ai. Aita rä i fätata te hopeà i reira.

10 Ua parau atu ra o ia ia rätou : E tià mai te tahi fenua e àro i te tahi fenua, e te tahi pätireia e àro i te tahi pätireia ;

11 e te àueue rahi i te fenua i terä vähi, i terä vähi, i te oè hoì, e te maì rahi, e te mea mehameha, e te temeio rahi i te ìteäraa i nià i te raì. 

12 O òutou na rä të haruhia mai na, e e hämani-ìno-hia, i te tuuraa atu ia òutou i te mau tunato ra, e i roto i te täpeàraa, e e äratohia i mua i te aro o te hui arii, e te mau tävana, no to ù nei iòa.

13 E e riro te reira ei faaìteraa parau na òutou.

14 E tenä na, e ôpua mäite òutou, e eiaha roa e nä mua i te ìmi i te parau ei parauraa atu :

15 na ù hoì e höroà atu i te parau na òutou e te paari, eita roa e tià i to òutou mau ènemi atoà ia faaòre mai, e ia pätoì mai.

16 E haavarehia rä òutou e to òutou mau metua, e te mau taeaè, e to òutou iho fëtii, e to òutou mau tauà iho ; e e pohe te tahi pae o òutou na ia rätou.

17 E e vähia mai òutou e te taata atoà i to ù nei iòa.

18 Eita roa rä te hoê ìo rouru o to òutou na upoo e moè ;

19 e ora rä òutou i te mau tämau mäite.

Na te Atua hau i te raì tuatinitini e haamaitaì mai i te taiòraa ta Na parau.

Pure tätou i te Atua. To mätou Metua i mua i teie mau faaäraraa no te änoraa o teie nei, te tïtau mai nei Òe ia mätou ia tämau maite i te ära i te mea e òre roa te hoê ìo rouru o to mätou upoo e moè ia Òe. Âmene.

Haamaitaì tätou i te Atua i te hoê reo himene.

Himene.

Faaitoitoraa.

Himene.

Parau faaära.

Himene püpüraa moni.

Püpüraa moni.

Pure püpüraa moni.

Pure Ärai.

Teie ta tätou pure ärai,

1 Te pure a te taata o te Atua ra, a Möte. E te Fatu, o òe to mätou haapüraa, i terä uì, i terä uì.

2 Aore te mau mouà nei i fänau, e aore hoì te fenua e te ao atoà nei i hämanihia e òe ra, te vai ra òe, e te Atua, mai tahito mai ä e a muri noa atu.

3 O te taata nei rä, te faariro faahou nei òe ei repo, te parau ra hoì òe : A hoì, e te tamarii a te taata na.

4 Ia òe rä hoì, hoê tauatini noa atu i te mätahiti, e au i te mahana hoê i mahemo ra, e mai te äraraa hoê i te ruì ra.

5 Te riro nei rätou ia òe mai te riro pape puè ra, e mai te vareà taòto ra rätou. I te poìpoì ra, mai te àihere e tupu ra rätou,

6 o tei ôteu e tei tupu i te poìpoì ra, e ua ahiahi anaè ra, ua täpühia e ua ôriorio atu ra.

7 Oia teie, ua pau mätou i to òe ra riri, e ua riàrià mätou i ta òe ra mäinaina.

8 Ua tuu òe i ta mätou hara i mua ia òe, e ta mätou hapa moè i roto i te märamarama o to mata ra.

9 Ua mou aè nei to mätou mau mahana i to òe ra riri, ua pau to mätou mau mätahiti mai te manaò âau e pee ra.

10 To mätou puè mahana i te oraraa nei, e hitu ia àhuru i te mätahiti, e ia tae i te vaù i te àhuru i te mätahiti i te ètaèta, e riro rä taua ètaèta ra ei rohirohi e ei taiäraa. E òre hoì e mähia motu ê atu ra, maùe atu ra mätou.

11O vai rä tei haapaò i te püai o to òe ra riri ? E ta òe ra täiroiro, mai te mataù e au ia òe ra ?

12 E haapii mai ia mätou i te taiò i to mätou puè mahana, ia riro to mätou âau i te haapaò maitaì.

13 E färiu mai ia mätou, e Iehova  A hea ra ia ? A fäite mai òe i to mau tävini nei.

14 A haamauruüru vave mai òe ia mätou i to òe ra aroha, ia reàreà mätou e ia òaòa i to mätou nei puè mahana toe.

15 A faaòaòa mai ia mätou e ia fäito i te mau mahana i àti ai mätou ra, e te mau mätahiti i faaòromaì ai mätou i te ìno ra.

16 A faaìte mai i ta òe ra òhipa i to mau tävini nei, e to òe ra hanahana i ta rätou ra tamarii.

17 Ia vai mai ä te here o to mätou nei Atua, o Iehova, i nià ia mätou nei. E te òhipa a to mätou nei rima, e haamau òe, oia ia, o te òhipa a to mätou rima i rave ta òe e haapäpü. Âmene.

Haamaitaì tätou i te Atua i te hoê reo himene âmui, tià mai tätou.

Himene âmui.

Pure a te Fatu.

Faaitoitoraa

18 Eita roa rä te hoê ìo rouru o to òutou na upoo e moè ; 19 e ora rä òutou i te mau tämau mäite.

Haamaitaìraa.

7 Ia haruru te tai e to na îraa, te ao atoà e to na ra mau taata. Âmene.