Papa Haamori Tapati 05 no Tiurai 2020

Publié le par Mapuanga terai

Tapati 05 no Tiurai 2020.

Papa Haamori.

Ôroà a te Fatu.

Ômuaraa.

Aita te taata e haamanaò nei e, te fenua, te vähi ia ta te Atua i mäìti no te ìritiraa i te ùputa o te märamarama. Te auraa, te fenua, te vähi atoà ia e noaa ai i te taata te märamarama i nià i te ôpuaraa faaora a te Atua. Mea maitaì te taata ia ìte e ia färii òiòi e, te vai ra te mea e òhie o ia i te märamarama, te vai atoà ra rä te mea të òre e naeàhia i to na märamarama i te tïtau. Ta te Taramo 145 ia e parau ta täìtahi nei ia tätou i teie mahana, 1 Taramo haamaitaì na Tävita. E faateitei ä vau ia òe, e ta ù Atua, e te Arii, e haamaitaì ä vau i to òe ra iòa e a muri noa atu. 2 E haamaitaì ä vau ia òe i te mau mahana atoà nei, e ârue au i to iòa e a muri noa atu. 3 E rahi te Fatu, e ia haamaitaì-rahi-hia, oia ä ia, e òre to na rahi e ìteä ia ìmi. 4 Te mau uì atoà të faarahi i ta òe òhipa, e faaìte hoì i ta òe ra òhipa mana. 5 E parau vau i te tura e te hanahana o to òe ra mana, e te mau räveà taa ê na òe ra. 6 E parau rätou i te mana o ta òe ra mau räveà mataù, e faaìte hoì au i to òe ra mana. 7 E parau ä rätou i te manaòraa o to òe ra maitaì rahi, e himene hua hoì i ta òe ra parau tià. 8 E hämani maitaì e te aroha to te Fatu, e òre e riri vave, e te faaherehere rahi. 9 Hämani maitaì to te Fatu i te taata atoà, e te vai ra to na aroha faaherehere rahi i nià i ta na atoà ra mau òhipa. 10 E ârue anaè ta òe atoà ra mau òhipa ia òe, e te Fatu, e na to mau tävini moà e haamaitaì ia òe.

Haamaitaì tätou i te Atua i te hoê reo himene, e tià mai tätou.

Himene

Pärahi tätou.

Hanahana.

11 E parau rätou i te hanahana o to òe ra pätireia, e faatià noa hoì i ta òe ra mau räveà püai.12 I te faaìteraa i te tamarii a te taata nei i to na ra mana, e te hanahana e te manaò to na ra pätireia.13 O to òe ra pätireia, e pätireia mure òre ia, e to òe ra mana, e tae ia i te mau uì atoà ra. 13 E Atua mau te Atua e te haavare òre i roto i ta na mau òhipa.14 Te mau ra te Fatu i te feiä e hià ra, e ua faatià i te feiä e piò i raro ra.15 Te hiò nei te mata o te mau mea atoà nei ia òe, e te horoà mai ra òe i te mäa na rätou i te tau mau.16 Te heheu nei òe i to rima, e te haamäha nei i te hiaai o te mau mea ora atoà nei. 17 E parau tià ta te Fatu i ta na atoà ra mau haereà, e te hämani maitaì i ta na atoà ra mau òhipa.18 Te fätata mai ra te Fatu i te feiä e tiàoro atu ia na, i te feiä atoà i tiàoro atu ia na mä te haavare òre. 19 E faatià o ia i te hinaaro o te feiä i mataù ia na, e faaroo mai o ia i ta rätou tiàoro, e e faaora hoì ia rätou.20 Te tiaì nei te Fatu i te feiä i hinaaro ia na, âreà te feiä paieti òre ra, e haamouhia ia e ana. 21 E parau ta ù vaha mä te ârue i te Fatu, e ia haamaitaì te taata atoà i to na ra iòa moà e a muri noa atu. I mua i teie mau parau teie te faaìteraa a te perofeta Tëtäria i te pene 9 i te mau ìrava 9 e tae i te ìrava 10,

Te metia haèhaa e te hau.

9 A òaòa hua na òe, e te tamahine o Tiona e a pii na, e te tamahine o Ierutarëma e; ìnaha, te haere mai ra to arii ia òe ra: e parau tià tä na, e o te Ora hoì o ia, haèhaa tö na, i te pärahiraa i nià i te âtini, e te pinia, te fanauà o te âtini.10 E faaòrehia e au te pereoo i Èferaima, e te puaahorofenua i Ierutarëma, e faaòre-atoà-hia hoì te fana tamaì: e nä na e parau i te mau êtene i te parau hau: e riro to na hau mai te miti mai e tae noa atu i te tahi miti, e mai te pape mai e tae noa atu i te mau hopeà o te fenua ra. E te Atua Nui Tumu Tahi e, a faaòre mai ta mätou hara a aroha mai ia mätou. Amene.

Himene Tätarahapa.

Värua o te Atua.

Teie te parauraa a Pauro ia tätou i teie poìpoì, ia au i te rata i to Röma i te 8 i te mau ìrava 9 e tae i te ìrava 13,

9 Aore rä òutou ia au i ta te tino ra, te au nei rä i ta te Värua ra, no te mea te pärahi ra te Värua o te Atua i roto ia òutou. Te ère ra rä te hoê taata i te Värua o te Metia ra, eere ia o ia i te taata no na. Haamaitaì tätou i te Atua Nui Tumu Tahi no teie mau parau e tià ai. E tià mai tätou.

Himene òaòa.

Värua Parau tià.

10 E tei roto te Metia ia òutou ra, te ora nei ia te Värua i te parau tià, ua pohe mau rä te tino i te hara. 11 Te pärahi ra to na Värua i roto ia òutou to tei faatià ia Ietu i te poheraa ra, o tei faatià i te Metia i te poheraa ra, na na atoà ia e faaora i to òutou mau tino pohe ra i to na Värua i pärahi i roto ia òutou na. 12 E teie nei, e te mau taeaè ra, e àmutärahu tätou, eere rä i ta te tino a haapaò atu ai i ta te tino ra. 13 Ia haapaò hoì òutou i ta te tino ra, e pohe ia òutou; ia tinai rä òutou i ta te tino ra i te Värua, e ora ia òutou. Âmene.

Pärahi tätou.

Haamaitaì tätou i te Atua i te reo himene.

Himene.

Pure.

Pure tätou i te Atua i te ìteraa i ta na Parau, e te Atua e ua ärataìhia mätou e Òe i roto i ta mätou päpä haamori i teie taime te ìriti nei mätou i te puta no te Parau Maitaì i papaìhia e Mätaio i te pene 11 i te mau ìrava 25 e tae i te ìrava 30 ia färii mätou ma te hau o to mätou âau. Âmene.

Taiòraa

Mātaio 11.25-30

Te Metua e te Tamaiti

(Rut 10.21-22)

25 I taua taime ra, ua parau atu ra Ietu: E haamaitaì au ia òe, e ta ù Metua, e te Fatu o te raì e te fenua, i te mea i huna ê noa òe i teie nei mau òhipa i te feiä paari e i te feiä märamarama, e ua heheu mai i te mau àiü. 26 Oia ia, e ta ù Metua, ua au te reira ia òe. 27 Ua hope roa te mau mea atoà i te püpühia mai e ta ù Metua ia ù nei, e aore roa te hoê i ìte i te Tamaiti, mäori rä o te Metua, aore hoì te hoê i ìte i te Metua, mäori rä o te Tamaiti, e ta te Tamaiti i hinaaro i te heheu atu ia na.

A rave mai i ta ù tuto

28 E haere mai òutou ia ù nei, e te feiä atoà i rohirohi, e tei teiaha i te hopoià, e höroà atu ia òutou i te faaearaa hau. 29 A rave mai i ta ù tuto i nià ia òutou, e ia haapiihia òutou e au, te marü nei hoì au e te haèhaa nei ta ù âau: e e noaa hoì te faaearaa hau i to òutou värua. 30 Te marü nei hoì ta ù tuto e te mämä nei ta ù hopoià.

Na te Atua e haamaitaì mai te täiòraahia ta na parau.

Pure

Pure tätou i te Atua, i te faarooraa mätou i ta òe parau, ua faaìte mai te reira ia mätou i to Òe Aroha e to Òe Here ia mätou te taata hara nei. Âmene. Haamaitaì tätou i te Atua i te hoê reo himene.

Himene.

Faaitoitoraa.

Himene

Parau faaära

Pupuraa moni

Himene.

Pure ärai

Haamaitaì mätou ia òe te Toru Tahi Moà, o  òe te puna o te ora. O  òe anaè te mätämua e te faahopeà o te mau mea atoà e vai nei i roto i teie nei ao. E mou te raì e te fenua, âreà ta  òe parau e  òre ia e mou. Ua ìte mätou i to mätou mau paruparu i roto i te oraraa nei, mätou tei  òre i faatura i ta  òe mau faaueraa e ta  òe mau ture. Te pö atoà nei to mätou mau mata i mua i te àti e te fifi o to mätou nünaa, no te mea te faatura noa ra mätou i ta mätou mau ture tei patuhia i nià i te manaò taata. E mea maitaì ia tupu tämau to mätou färereiraa e o  òe i nià i te èà no te täviniraa, no te tämä ia mätou e no te faaâpï i ta mätou hiòraa. A ìriti i to mätou âau e to mätou mau mata i te parau mana na  òe, ia riro hoì to mätou nünaa e to mätou fenua iti, ei òriò mata e ei pü tarià no mätou. A haapii ä ia mätou i te ture maitaì e te mure  òre no te aroha rahi, mai ta  òe i aroha ia mätou. A haapii ä ia mätou i te färii i to te tahi huru e ta na peu, ta na arataìraa e ta na tiàturiraa ia òe mai ta na e manaò ra. A haapii ä ia mätou i te ôpere e te faatupuraa i te hau i te vähi peàpeà e te ahoaho, ia tupu hoì mätou i te rahi i roto i te faaroo e te hoêraa. Ei ia òe te hanahana e te mana mai teie nei e tau e a hiti noa atu. Amene.

Ôroà

Pure a te Fatu

Faaitoitoraa.

29 A rave mai i ta ù tuto i nià ia òutou, e ia haapiihia òutou e au, te marü nei hoì au e te haèhaa nei ta ù âau: e e noaa hoì te faaearaa hau i to òutou värua. 

Haamaitaìraa.

9 Hämani maitaì to te Fatu i te taata atoà, e te vai ra to na aroha faaherehere rahi i nià i ta na atoà ra mau òhipa.

 

Teraì òr. Faatura.

Publié dans Aòraa

Pour être informé des derniers articles, inscrivez vous :
Commenter cet article