Overblog Suivre ce blog
Editer l'article Administration Créer mon blog
5 janvier 2013 6 05 /01 /janvier /2013 10:34

Te 7 o te mahana :                       Te èà o te autaeaèraa

 

Te mau taiòraa

Nümera 27, 1-11 :       Na tamahine a Terofehata i te tïtauraa i te tuhaa na rätou

Taramo 15 :                 O vai te pärahi i te Tetene o te Atua

Òhipa 2, 43-47 :          Te mau àpotetoro i te îraa i te Värua e te parauraa

i te mau parau èê

Ruta 10, 25-37 :                   Te taata Tämäria

 

Tätararaa

Âpee i te Atua mä te âau rotahi, te auraa, e âpee nä roto i te autaeaèraa no te täatoàraa e àro nei no te paraut-tià e te hau. Teie te tahi uiraa e uihia i te feiä e pure nei no te hoêraa o te mau marumetia, oia hoì, e aha te hoêraa o tätou e ìmi nei.

 

No te mau tià o te âpooraa òitumene o te mau Ètärëtia atoà e tae noa atu i te Ètärëtia Tatorita, te auraa o te HOÊRAA, e ìtehia o ia i roto i te faaroo hoê e i roto i te ôroà hoê. Te ìmi nei te faanaahoraa òitumene i te mau fifi i färereihia i roto i te hoê tei hope, e te tau e faataa ê nei i te mau taata faaroo. Te ravehia ra te reira nä roto i te HOÊRAA o ta te Ètärëtia e arataì nei i to na nünaa.

 

Te faahiti nei te tomite faaroo e te papa o te Ètärëtia e : Tïtauhia i te mau Ètärëtia e tauturu i te taata i roto i to na fifi, te feiä veve änei, te feiä tei mata-ê-hia. Na te reira atoà e faaìte mai ia tätou i te mau vähi e au ia tataìhia, te mau hape, e ia haamaitaìhia te reira. E arataì te reira i te taata i nià i te èà o te mauiui, mä te iòa o te Èvaneria.

 

I mua i te mau fifi e färereihia nei e te taata, tïtauhia i te hoê Ètärëtia e räpaau e ia haamaitaì, ia riro mai rätou ei moihaa na te Atua no te poro i ta na ôpuaraa faaora, i reira te fifi i te vairaa. Te faaìte mai nei te mau Ètärëtia no te fenua Ìnitia i te rahiraa o te mau hiòraa no te âfaì mai te hau e te autaeaèraa. Te mau mea tei orahia e te nünaa Tari i te fenua Ìnitia, te faaìte mai ra ia tätou i te rauraa o te mau hapa e te itoito o teie nünaa i te àroraa i te mau hämani-ìno-raa. Aita i maoro aè nei, ua riro na te ture ei ôpaniraa i te mau tamarii tamahine i nià i te mau faufaa.

 

Ua turu te Ètärëtia i te tauiuiraa o te reira ture, ia ite-atoà-hia te parau o te vahine. Ua faahitihia te parau o te mau tamahine a Terofehata o tei âfaìhia e Möte i mua i te aro o te Atua ia ìtehia to rätou parau. Na te reira i türaì i te nünaa Tari e àro i mua i te ture ia ìtehia te parau-tià. Ua rau te mau faanahoraa i ravehia i te fenua Ìnitia no te àro. Nä roto änei i te mau paruai natiraa etv...

No te àro i te reira i mua i te ture, ua rave te nünaa Tari i te hiòraa o te mau tauiuiraa ture totiare. Te tahi hohoà hiòraa no te autaeaèraa o te Ètärëtia i te mau taata i roto i te veve, i roto i te fifi, o te parau ia o te taata Tämäria. Mai te nünaa Tari, ua riro atoà te taata Tämäria ei taata tei mata-ê-hia, tei haafaaufaa-òre-hia. O ia mau te taata tei toro i to na rima i te taata tei faaruèhia i te hiti purümu. E na te reira rima toro to na i horoà i te tiaìtururaa e te hau o ta te Èvaneria e faahiti noa ra.

 

Rave i te èà no te hoêraa o te mau taata faaroo e mä te âau rotahi i mua i te Atua, te faaìte ra ia ia tätou i to tätou autaeaè i te mau taata i roto i te fifi e ìmi noa nei i te parau-tià e te hau e te maitaì. Eere roa atu te reira e noaa i te faataa-ê.

 

Pure Faahaèhaa

E to matou Metua,

O òe te Atua TORUTAHI, nä roto i to òe oraraa, te horoà nei òe ia mätou i te hoê hiòraa ia òre mätou ia tiàturi noa i nià i te tahi. Ia ora ra mätou i te oraraa hau, te maitaì e te autaeaè. Ia riro mätou ei hoê i roto ia òe. Haapii òe ia mätou i te ôpere i rotopü ia mätou e to mätou tauaro, te tiaìtururaa, tae noa atu i te feiä e àro nei no te ORA, i roto i teie ao. Ia riro to rätou itoito ei tautururaa ia mätou i te haamaiha i te parau no te HOÊRAA, ia ora mätou i te hoê oraraa âpeehia e te mana o te òe Värua, nä roto i te autaeaèraa. E te Metua e, o òe te Atua no te ora, arataì òe ia mätou i roto i te parau-tià e te hau.

 

Pure haamaitaì

Te Haamaitaì atu nei mätou ia òe, e to mätou Atua, te tiàturi nei mätou ia òe. Eiaha mätou ia haamä, eiaha to mätou mau ènemi ia teòteò ia mätou. Ia haamataì roa tei tiàturi ia òe ra ia roohia e te haamä. E faaìte mai òe ia mätou i to mau èà, e te Atua,  e haapii mai òe ia mätou i to mau maitaì. E faaìte mai òe ia mätou i te parau-mau na òe ra, e haapii mai hoì ia mätou i te maitaì. O òe hoì te Atua o to mätou ora, te tiàturi nei mätou ia òe i te mau mahana atoà nei. E haamanaò, e te Atua i to aroha faaherehere ra, e to hämani maitaì i te mau mahana i maìri aè nei. Eiaha òe e manaò mai i te ìno e te mau hara i to mätou âpïraa ra, manaò mai rä òe ia mätou, mä to aroha atoà, no to òe hämani maitaì, e te Atua.  Maitaì to te Atua e te piò òre e haapii mai ai òe ia mätou i te èà tià. E arataì o ia ia tätou i te âau marü mä te tià, e haapii mai o ia ia tätou te âau marü i to na iho èà te mau haereà a te Atua ra, o te aroha ia e te parau-mau, i te feiä i haapaò i ta na parau i faaau e ta na i faaìte mai ta mätou ia haamaitaìhia te Atua. Âmene.

 

Aniraa

Te tano noa nei ä to mätou mau mata i te Atua, no te mea e tià ia na ia ìriti mai i to tätou mau âvae i te märei ra. Ìte mai i ta mätou mau aniraa, e aroha mai ia mätou,  e àti to mätou e te moèmoè. Ua rahi  te mäuiui o to mätou âau, e faaora òe ia mätou i to mätou mau àti nei. Ia Faaitoito mätou ia ora, i te ora ta Òe i horoà ia mätou e te Atua, te äni atu nei mätou e te Atua no to mätou nünaa i Mäòhi Nui nei, e pärahi nei i roto i te mau faanahoraa no te ìmiraa i te vähi e itoito ai i te tiàturiraa ia Òe. Amene

 

Tauturutururaa i te feruriraa

• I roto i to òutou oraraa, o vai teie e hiaai nei i te tauturu a te Ètärëtia.

• E aha ta te Ètärëtia e tauturu nei ia òutou i roto i to òutou oraraa.

• I te vähi i reira òutou i te oraraa, nä fea te mau Ètärëtia ia haamaitaì i te parau o te HOÊRAA o te mau taata faaroo i mua i te autaeaèraa e te parau o te maitaì e te parau-tià.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens