Overblog Suivre ce blog
Editer l'article Administration Créer mon blog
26 mars 2013 2 26 /03 /mars /2013 22:31

Tere Fenua Toromona PCC i te Tapati 24 no Fepuare e tae i te 15 no Mati 2013.

Veà, tere i Toromona.

 

EPM

Teie te mau tino i tere i te Âpooraa Âmui a te PCC i tupu i Toromona, Atger Céline täatihia Hoiòre Papaì Parau a te EPM, Mono Peretiteni o te PCC, Natiki Mapuanga Terai, òrometua Peretiteni Tuhaa 6, Teriipaia Romain, Tiàtono àuaha Paroita no Taunoa, tià àpooraa faatere,  Raapoto Turo, taote räuti pipiria, Pifaò Béatrice täatihia Faua, tià tuahine, Manate Timeri, Teoroi Teva, tià Uì Âpï tuhaa 3, Doom John Peretiteni COE no Pätitifa, Tevaaraufara Iteata Radio Paòfaì, Tauira Gaston, Faua Emma, huri parau.

 

I te Tapati 24 no Fepuare 2013, i te hora 5 i te ahiahi i vaiiho mai ai i te fenua no te rere atu i te fenua Aotearoa ua tïpae i te täuraa manureva no teie fenua i te hora 11 i te pö monire. Taòto te tere i te hotera hoê pö i Jet Park, i te poìpoì hora 9 ua vaiiho ia Aoteroa no te rere  i Auteraria, parauhia na Panipe ua tïpae te tere i te 11 i te avatea na te òrometua Viriamu e te tiàtono no te paroita Rarotoà e noho nei i teie fenua, ua taòto te tere hoê pö, i te hora 9 i te poìpoì vaiiho mai nei ia Panipe, no te rere i Toromona ua tïpae i te mahana toru 26 no fepuare i te 11 i te avatea, färiihia te tere i te täuraa manureva na mau taata tumu o te fenua, utahia atu te tere i te vahi i reira e tupu ai te âpooraa, i roto i te paroita Anglican no te fenua Toromona, ua noho te tere i Boulaia Blackparker Lodge, tiaì noa atu te haamataraa te âpooraa.

 

Toromona.

Fenua heùri, ruperupe, te maitaì o te taata e tià ia parauhia to rätou faanahoraa noo mai i te Atua rä, e 9 motu e haaàti ra i te fenua Toromona, o Honiara te òire pü, e piti ra motu to rätou faanahoraa mai to tätou ia ìri te ravarava, o Rennell e o Bellonna.

 

Te mau taata no Taiwan, no Tapone tei a rätou te mau faanahoraa i te pae täpihooraa, te tautai, te täpunuraa ià, te mau fare toa.

I te matete mau taata tumu ia no te fenua, ua rau te huru o te maa mai ta tätou, na te reira e faaìte te maitaì o te mahaha o te fenua, mau taata itoito i te pae no te faaàpu, e na rätou iho e hoo nei i te mau maa o te fenua, i te matete te hoo atoà nei rätou i te mau raau tumu o te fenua no te hämani te fare tumu o te fenua, te täpoì fare mai te haùneraa räuaro ra te huru, e niàu ta rätou e faaòhipa nei, mea àano ra te rau.

Teie te huru o teie fenua, te ora noa ra rätou i te maitaì o te fenua, ta te fenua e horoà nei ia rätou i to rätou itoito. Te parau no te tähuà rima, mea àravihi atoà rätou i te reira pae, tei te matete atoà rätou i te hooraa. Mai te mea ra e te mau fare toà te mauhia ra e te taata no Taiwan, e te Tapone àreà te matete na te taata tumu ia o te fenua, mea rahi aè te taata tumu o te fenua, i te mau rätere. E rave rahi mau taata Taiwan, Tapone tei täatihia i te mau tämahine no Toromona.

Mahana Maha 28 no fepuare 2013, Putuputu te feiä âpï, te mau tuahine, no te faanaho i te parau no te täpura òhipa no na mätahiti e pae. No mätou ra ua haere atu i te òire no Honiara e mataìtaì i te matete.

Mahana Pae, 1 no Mati 2013, tupu ä te putuputuraa a te feiä âpï a te mau tuahine, no mätou ra ua hoì faahou mätou i te òire i Honiara, no te hiò faahou i te matete, no te rahi o te maa, e te mau raveà ta rätou i hämani mai te monoì taurumi, te mau räau räpaau i te huru o te maì, teie tumu mätou i hoì faahou ai i te òire.

Mahana Maa 2 no Mati 2013, te faaruèraa te hoê mero no te PCC, no Fiti teie òrometua i roto i to na taòto ò ia i te faaruèraa mai, te hiòraa a te taote e mäfatu ua pohe e na i te mahana pae ra, i te mahana maa ra te ìteraahia, i te mea òia anaè to na piha, àhiri paì e piti raua ra, na te tahi e täuturu.

I teie mahana tupu faahou te putuputuraa a te feiä âpï e ta te mau tuahine. O mätou ra ua haere faahou mätou i te òire, teie ra tere no te hoohoo ia, mea huru moni te mau täuihaa, e faatanotano atoà i te rave ia òre ia teimaha  te vairaa täuihaa.

Putuputu faahou te mau tià, mea itoito roa to tätou na tià o te feiä âpï, o Manate Timeri, Teoroi Teva, e te tià o Tuahine, Pifao Beatrice, täatihia Faua.

Tapati 3 no Mati 2013.

Faanahohia te mau tià o te PCC na nià i te fenua i muri aè i te inuraa täofe no te pureraa, no mätou ra ua faaea noa mätou i roto i te paroita tei färii i te PCC, ua pure mätou i roto i te fare pure a te Anglican, e piti pureraa to roto i teie paroita hoê i te hora 6 i te poìpoì, hoê i te hora 9 e fare pure rahi teie e 6 faanahoraa pärahiraa na te àano, te roa ua hau i te 40 pärahiraa, e mea taata i te pureraa, reo tumu te Peretane, e täpati ôroà teie, te mau tamarii atoà te färii i te ôroà, mea tiàma te taata i mua i te ôroà a te Fatu, hostie e te uaina.

Muri mai te pureraa ua färiihia te PCC, i te tämaaraa.

Hora piti i te täharaa mahana, ìritihia te âpooraa âmui a te PCC, na te mau faanahoraa a te fenua i ärataì i te PCC, i roto i te fare pure e teie mau tamarii na ùpaùpa tumu o te fenua ta te PCC i âpee. Ia tae i roto i te fare pure ua faaea atoà mai teie mau tamarii faaòto ùpaùpa i roto i te haamoriraa ma to rätou huru. Na te peretiteni iho o te Ètärëtia o te fenua i faaitoito i te mau mero o te PCC, i te parauraa a Mita 6 ìrava 8, ua ìte òe i te mea maitaì i ta na parau, ia räve i te parau tià, ia anoenoe noa i te aroha, a haere e to Atua ma te haèhaa.

Na teie ä mau tamarii i ärataì i te PCC, no te àvariraa i te fare âpooraa, ua faufaa faahouhia te parau a Mita, mai reira ua âmui faahou i te tämaaraa.

Monire 04 no Mati 2013.

Pure, i roto i te fare pure Anglican no Òniara, obstacle de la terre un défi pour l’homme, l’homme fait ce que Dieu fait à la sueur du front que l’homme doit travailler, est-ce que qu’on peut perdre la foi. Continuant le chemin que nous avons tracé.

Fare âpooraa, Haapiiraa Taote Turo.

Mita 6, 8 ua ìte òe i te mea maitaì, i ta na ra parau, a rave i te parau tià, ia anoenoe i te aroha, e haere e to Atua ma te haèhaa.

Te faaìte noa mai te mea maitaì te vai ra te tahi manaò i ui mai te rahi noa atu ra te ìno. Ia rahi tätou i te àroraa i te ìno eiaha e haafaufaa-òre-hia i te puai, e faarahi ra i te puai no te faaìte e no te faatupu i te maitaì. Ua rahi aè te taata i te pîpî i te ìno ia tupu, àreà te mau taata pîpî i te maitaì mea ïti roa, èere to tätou mau fenua i te mea äteatea roa te vai ra te puai o te mau peu, te hiroà, te reo, e te mau faufaa fenua. Mau faufaa, e vai ra i roto i te mau fenua no te mau motu, i roto i teie moana rahi roa aè i te mau moana atoà.

Tiàturiraa âpï e ärataì i te taata i roto i te ora mau òre. Te parau no te huru, te faatupuraa, te ärataìraa i roto i te oraraa värua. Te tupu nei te tahi mau hahiraa, tei ärataì i te taata i te tahi vahi tei ätea i te Atua. Faatupu i te hinaaro o te Atua, na roto i te mau haapiiraa tei rau. Eiaha e haaparuparu i te faaìteraa i te èvaneria, te vai noa ra te èvaneria tei òre i täui, ua faatäuihia ra te taata e te èvaneria. E haere tätou i te pureraa no te aha, no te faaroo i te parau a te Atua.

Parau haapapa a te Peretiteni o te PCC, Apimeliki.

Haamanaòraa i te mau tino i riro na èi mero no te PCC, E aha te âveià e faanaho no te PCC, te täviniraa i roto i to na iho fenua. Te vai nei te tahi mau fenua ua parari te oraraa faaroo, te ànaanatae ra nei tätou i te oraraa Òitümene, te âveià âpï no te oraraa òitümene Ioane 17, 2. Te oraraa no PCC e te PTC, e aha te fä a te PCC. Te parau Òitümene i teie mahana i roto ia PCC, what the proposal the social, and freedom, what issue for people and live, the ecumenical movement, original PCC, PTC, SPATS, off body the power man.

Tomite Maìti

Ia tae mai te mau iòa to na tänoraa mau i teie mätahiti i maìri aè nei, hoê noa iòa i teie nei no te tiàraa peretiteni.

Mahana Piti 05 no Mati 2013.

Pure, Toromona Island, Méthodiste.

Mita 6, 8 ua ìte òe i te mea maitaì, how is prayer the Pacific ocean, and the technology he fellowship. He is good God love peace missionary prayer.

Good morning everybody, this morning justice merry humbly.

Horoàhia I te tahi taime i te pupu no Mäòhi Nui, no te haamanaòraa i te taeraa mai te parau no te Èvaneria.

Pane Ora.

Te pü òhipa tei fenua Heremani, Justice of poor, te tumu òhipa te täutururaa i te mau taata i roto i te ao nei. Täuturuhia teie täpura òhipa e te faatereraa no te fenua no Heremani.

Feruriraa Pupu Taote Turo.

Òhipa 2, 5-13 ; Mita 6,8

Hou o Ietu ua faaìte e na Mita ua ìte òe i te mea maitaì, mai te mea ra ua parau Mita na roto i to tätou reo. No reira ia parau mai Mita ua ìte òe i te mea maitaì, èita òe e haere e hiò i ta te tahi parauraa, no te mea ta òe pähonoraa ta te Atua e tiäì mai ra.

Ioane 3, 12 parau atu vau ia òutou i te parau o te fenua, e aha òutou e ìte ai i te parau o te raì. Nahea òutou e tiàturi ai te parau o te raì. Te parau o te Atua, mea faaìte i te mau faanahoraa o te fenua, e ia ìte te taata i te mau maitaì ta te fenua e horoà.

Ia hinaaro tätou i te marämarama o te hinaaro ia o te Atua ia tätou e faaea noa i roto i te huru Atua i horoàhia mai no tätou i nià i te fenua i reira to te Atua haaparahiraa ia tätou, i roto i te reo, te peu, e te hiroà ta te Atua i horoà no tätou.

Parau haapapa, Tevita K. Havea.

An Alternative passage on jamilion waters.

Tumu parau: Òitümene

Òitümene i roto i te moana nui a hiva, ia vai te hoêraa èi òhipa tämau, ia riro tätou èi ìte no te parau o Ietu i te taime i pätoì ai tätou i te mau tamatamataraa no te àtomi, ua pätoì no to te ao nei. I roto i te hoêraa te tino te reira te tïtauhia e te PCC, noa atu te mau haaäpiäpiraa e tupu mai.

E aha te vairaa o te Òitümene i teie mahana, te vai nei te fifi o te feiä âpï, no te mea te ätea nei rätou i te mau faanahoraa a te Ètärëtia. E rave rahi feiä âpï, tei faaruè i to rätou iho fenua motu. E rave rahi ra feiä âpï i ö i roto i te rau o te mau haafifiraa, àva, àvaava täèro, te onohi, e te vai atu ra.

I mua i te puai o te natura, aita e raveà ta te taata, tei roto tätou i te hoê oraraa, tei òre atu ra te maitaì. Töparaa te oraraa ùtuafare, te èreraa i te fenua, te täatiraa tei fifi i teie mahana, te faaamuraa tamarii.

Te Òitümene, te âmuiraa i to tätou puai.

Te poritita, ia faaìte te Ètärëtia i to na manaò. Te Ètärëtia ua niuhia i nià i te hau.

Te fenua, te ùtuafare, te òhipa, te täatiraa, ua ùàna roa te mau fifi e vai ra i teie mahana. Te ôpuaraa faaora ta te Atua no te taatoà.

Täuiraa i roto i te tötaiete.

Te täuiraa o te faaroo i roto i te ùtuafare, te tahi mau fenua te vai rii noa ra. Tïtauhia te mau ùtuafare ia ìmi i te mau raveà atoà. Te paruparu nei to tätou manaò i te faatupu i te maitaì, Ìtaia 65, 23.

Teraì òrometua.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens