Overblog Suivre ce blog
Editer l'article Administration Créer mon blog
16 janvier 2014 4 16 /01 /janvier /2014 09:51

Mau taiòraa.

Teuteronomi 30 : 15 – 20                                       Te ora o te ture a Iehova.

            Taramo          119 : 1 – 18, 33 – 34                       Te ture o te òaòaraa.

            I Torinetia      2 : 6 – 10                                           Ta te Varua e haapii

            Mataio            5 : 17 – 37                                        Te ture o te tatarahapa.

Ei manaò matamua.

Te uiraa e tià ia parau i ù nei, mauti ra ia, E nahea tätou i te faatupuraa i te hinaaro o te ture ? Te maìti ra nei tätou i te ora ?

E ao to te taata tei ture a  te Atua, to na ààu i te vairaa.

Oia mau, te mau parau ia e faahitihia nei e Ietu i roto i te Mataio i te pene 5 mai te ìrava 17 e faaea i te ìrava 37. Te hinaarohia nei  e faaìte i te faufaa o te ture, e ia parahi fatata noa  te taata i pihaiiho mai te hoê ramepa ra te huru tei turama i te èà. Ia ìtehia te faufaa no te mau faaueraa e titauhia ra no te ora, o te mau taata tei noaa ia rätou i te faatura, àreà tei òre ra e faahapahia ia. Te titauraa ra e horoàhia nei, ia haapaò te taata i te ture e tià ai, o te reira te niu o te oraraa no te hoê nunaa.  

Te manaò o te taiòraa.

E toru parau te tià e haafifi te manaò,

  1. i te ìrava 22 i te vahi hopeà, Rata te tahi manaò i nià i teie taò, oia hoì e haavahavaha, faufau, e aore ra faufaa òre.

  2. I te ìrava 22 noa ia i te vahi hopeà, More, e taata aita to na e maitaì i roto ia na, e ìno anaè.

  3.  I te ìrava 26 i te vahi hopeà, e moni haìhaì roa.

    Te tahi manaò e faaìtehia ra e te taiòraa teie ia,

    E faatià o Ietu i te ture.

                            Ia haapaòhia te ture o te patireia.

                            E ara i te faahapa a te ture.

                            Te ture o te tatarahapa.

    Tei mua  tätou i te mau manaò o Ietu, no nià i te ture. Te haapäpu nei O ia i te reira i te ìrava 17. Eiaha e manaò e, i haere mai au e faaòre i te Ture, e te mau Perofeta, aore au i haere mai e faaòre, e faatià ra. E here to Ietu i te Ture, ma te ìte atoà e, o te reni ia e tià ia rave. Ia òre te ture, eita e tià ia faanaho i te hoê oraraa i roto i te hoê nunaa, O ta Ietu ia e hinaaro nei ia ìte te mau taata atoà, e mea faufaa te ture. Oia hoì, aita te Ture i hamanihia e te Atua ia riro ei faaìnoraa i te taata, e aore ra ei òpanipaniraa i te taata ia ora ; ua hamanihia te ture ei haamaitaìraa, e, ei ìritiraa i te taata i nià i to na tiàmaraa. Ia hapa ra te taata i te Ture a te Atua, e faahapahia ia o ia i te faahaparaa tià, ta na utuà ra o te tatarahapa ia.

    E òaòa to te raì i te taata hoê ia tatarahapa.

    Ia taiò maitaì anaè tätou i teie  parau Mataio pene 5 i te ìrava 17 e faaea i te ìrava 37, e ìte tätou e aita o Ietu e faahiti àmui nei te parauraa, te faahiti tataì tahi nei ra O ia i te parauraa e o OE………

                E taata hoê teie ta Ietu e titau nei e, e ara i te faahapa a te Ture, te manaò tumu ra o Ietu ra  no te mau taata atoà ia i putuputu mai i taua mahana ra,  e tià ia parauhia i roto i teie mau faaauraa a Ietu, ia ìte te taata i te here i te Ture a te Atua.

     

                Ta tuhaaraa i te pene parau Mataio 5 : 17 – 37.

    Irava   17                   Te faatiàraa i te Ture -----------------------)

     Irava   18 – 19           Ia haapaò ei ia haapiihia.   )--------Ia tià te Ture

                                       Te ture o te Patireia.-------------------------)

    Irava   20                   Ia rahi atu i te faaìteraa i te Parau tià------)

  4.  Irava   21 – 22          E ara i te faahapa                               )------- Te  parau tià o te

  5. Irava   23 – 25          E tatarahapa hou a pupu ai                     )             tatarahapa.

                                      I te tutia i te Atua.----------------------------)

    Irava   26                   Ia pee te tarahu--------------------------------)

    Irava   27 – 30          E ara i te faaturi                                  )------Te tiàmaraa o te

    Irava   31 – 32          E ara i te faataaraa.                              )                 Faaroo.

    Irava   33 – 37          E ara i te aòraa.--------------------------------)

    Teie te tahi ta tuhaaraa no teie pene parau, te tià ia tuatapapahia, i roto i teie faanahoraa, e rave rahi mau manaò e tià ia haafaufaahia.

  1. Ia tià te ture

    Te Ture, ua riro te reira ei parau tapu na te Atua i te taata. No reira e òre roa e tià ia Ietu ia faaòre, ia faatià ra, i te mea O ia iho te Ture o te faufaa àpi. Te Ture matamua ra, e òfaì ia tei papaìhia i roto e te rima o te Atua, àreà ra o Ietu eita ia O ia i te Òfai, e Iò Ora no te vairaa i te Ture a te Atua tei papaìhia i roto i to na ààu, o ta na e tuu nei i roto i te ààu o ta na Etaretia.

    2)  Te parau tià o te tatarahapa.

    O ta te Ture ia a te Atua e faatupu ia tià te parau i roto i te taata tei tatarahapa mai roto mai i te hohonuraa o te ààu.

    3) Te tiàmaraa o te faaroo.

    I reira e tiàma ai te faaroo. Na teie parau e horoà i te taata teretetiano i te òaòa. Ia tiàma anaè i mua i te ture, ua tiàma atoà ia tätou i mua i te Atua e i to tätou mau taeaè, mau tuahine tei parahi fatata noa ia tätou.

    Teie te reo o Ietu,

    Eiaha e manaò e i haere mai au e faaòre i te Ture e te mau perofeta aore au i haere mai e faaòre e faatià ra.

     

                                                                                                              Terai or.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens