Mataio 17,1-9.

Tapati 16 no Mati 2014

Mataio                                   17 : 1 – 9       Ietu i faahuruêhia.

Te ààmu o te taiòraa.

Tei te pae i nia no te roto rahi (te roto no Tarirea) te tiàraa teie nei òire no Taitarea i Firipi. Ua: maìtihia teie iòa ei haamanaòraa i te hoê no te tamaiti a Heroda Nui, tei riro ei (ei tavana rahi) no taua tuhaa fenua ra. Na te reira i faataa i te òire no Taitarea, i te  òire faaearaa no te tavana Roma e faatere ia Iutea. I Taitarea i Firipi to Ietu uiuiraa  ta na mau pîpî i to rätou manaò ia na; oia hoi : 0 vai ra nei i ta te taata parauraa ?  E ia au  i te pahonoraa a te mau pipi, te ìte nei tatou e, ua riro noa Ietu, i roto i te mau  manaò taata, mai te hoê perofeta noa. No te mea ra te hinaaro nei Ietu i te ìte e, o vai mau ra O ia i roto i te manaò o te mau pîpî, te ui nei oia ia rätou : o vai ra vau i ta òutou parauraa ? Ua pahono vave atu ra Petero e : o te Metia Òe  Tamaiti a te Atua ora  Te faaìte nei Petero na  roto i teie fäìraa parau nehenehe e, teie nei Fatu, e ère ia  i  te taata no te Atua, e Atua ra o tei riro mai nei ei taata.

Te parau no te taiòraa.

Ua òaòa roa Ietu ia Petero, eiaha ra na roto i to Petero maramarama, no te mea ra, ua fäî o ia i te parau mau, e ère ra taua parau mau ra na na iho, na te Varua - Maitai ra. Oia, Ietu iho taua Metia ra, ei muri aè i te pohe e te tiàfaahouraa e tupu papu ai taua parau ra. E ia tae i te taime i faaara ai Ietu ia rätou i te mau parau no to na pohe e no to na tiàfaahouraa, te peàpeà nei te mua pîpî, e o Petero iho. Ua arataì iti ê atu ra Petero ia na e ua na o atu ra Eiaha roa ia e te Fatu, eiaha roa Òe ia na reirahia. Ua fariu maira ra Ietu, e ua na o maira ia Petero : "E haere e atu òe e te na na enemi, e turoriraa oe na ù, aore hoi òe i ìte i ta te Atua, o ta te taata ra ta  òe i au. E no taua parau ra, te faaìte nei Ietu i ta na mau pîpî e, eita roa e tià ia pee ia na mai te färii - òre i te pohe, no te mea, e na roto paatoà te taata i te pohe e tupu ai te tiàfaahouraa. No reira, te feia  atoà tei hinaaro i te faatere ia rätou iho i to rätou oraraa, aita roa ia to rätou e parahiraa i pihaiiho ia Ietu. Eita hoì  nehenehe e pee ia Ietu  mai te mea e, aita tätou i faarue ia tätou iho e i to tätou mau manaò tia - òre.

Te tupuraa o te taiòraa.

E ruì ono aè ra rätou i reira ua arataì atu ra Ietu ia Petero - Iatopo – e ia Ioane i nià i te mouà teitei. E ère hoi e, o Tapora teie nei mouà, no te mea, e mouà haehaa o Tapora (e  562 metera i te teitei). Ua manaòhia e, o Heremona (e 2 800 m i te teitei) tei te pae i nià i te òire ra o Taitarea i Firipi taua mouà ra. Ia tae rätou i reira, huru ê atu ra Ietu i mua ia rätou, anaana atu ra to na mata mai te mahana ra, e teatea atu ra to na àhu mai te maramarama ra. inaha, ua fa mai ra Mote raua o Eria. Ua parau atu ra Petero, e te Fatu e mea maitaì ia parahi tätou i o nei; e faatià mätou i te fare autâ e toru aè, no òe, no Mote e no Eria. Tapoìhia mai ra rätou e te hoê äta  ànaana e o  te reo mai ra, no roto i taua äta ra i te parauraa mai e : 0 taù Tamaiti here teie, a faaroo ia na

, Na roto i teie nei parau, mai te huru e, te vaiiho nei Ietu i to na huru taata, huru tîtî, e ua rave i to na huru Atua, to na huru Metia tei tohuhia e Pauro i roto i .ta na epitetore i to Firipi i te pene 2 i te ìrava 6  o  te huru ia O ia no te Atua, e aore oia i. parau e hau toroà ia faito atoà O ia i te Atua. Te färaa mai no Mote e o Eria, oia hoi Mote : te ture ia, o  Eria : o te mau perofeta ia, ua riro ia ei haapapuraa i te parau ta Ietu iho i parau i te Mataio pene5 i te ìrava 17 : "Aore hoi au i haere mai e faaòre i te ture e te mau perofeta, ei faatià rä. Oia mau, na roto i to Ietu pohe tatauro, te faatupu nei O ia te òpuaraa a te Atua, tohuhia e faaineinehia e Mote, e Eria e te mau taata atoà no te faufaa Tahito. I to Ietu faahuruêraahia, ua vai noa na apotetoro tootoru i roto i te mataù. Aita roa rätou i ìte i te auraa mau no teie òhipa maere rahi. O Petero anaè ra tei parau atu i te Fatu e, e hamani mätou e 3 fare autâ, ua manaò paha Petero e, e tià ia Mote, ia Eria e ia Ietu iho ia parahi i roto i teie nei ao. Aita oia i hinaaro faahou i te pou i raro i teie nei mouà no te rave faahou i to òhipa. Ia faaea noa ra rätou i reira. Te faaìte nei ra Ietu ia na e, eita te reira e tià, ia poura rätou e ia rave faahope hua rätou i to òhipa e tiaì. Te reo tei na roto mai i te äta e tapaò faaìte ia i to te Atua färaa mai, no te mea, eita roa te mata taata nei e nehenehe e hiò ia na. O ta ù  Tamaiti here teie, a faaroo ua au teie nei reo e te reo tei faaroohia i Ioritana i te taime no to Ietu papetitoraahia. I roto i te Faufaa tahito, e mea riàrià to te Atua färaa i te taata hara, e mea òaòa ra to te Atua färaa. Mai na roto ia Ietu Metia na roto i. to na huru taata, mai te faaitoito i te feia atoà tei hinaaro atu ia na.

                                                                                              Terai or.