Overblog Suivre ce blog
Editer l'article Administration Créer mon blog
30 septembre 2012 7 30 /09 /septembre /2012 20:17

Tapati 14 no Àtopa 2012

Faanahoraa o te taiòraa.

 Taiòraa Mareto 10 : 17 - 30 Te Ora Mure Òre.

 Ei manaò i nià i te taiòraa.

E tià ia parauhia e,e taiòraa teie tei faaite i to Ietu manaò i nià i te taata taoà e hinaaro nei i te ora mure òre.Teie ra taata taoà,te haapaò nei o ia i te mau faanahoraa no te pae no te tiàturiraa i te Atua.I mua ra ia Ietu te mau nei o ia,ma te manaò e,e òhie ta na aniraa no te faufaa o te ora mure òre.Te hinaaro nei teie taata taoà e tapihoo i te ora mure òre e vai ra ia Ietu ra,i ta na taoà e vai ra.Tei nià i teie huru manaò te vairaa teie taiòraa.

E mau manaò maitatai anaè ra te faahitihia e Ietu,ei haapapuraa i te tiàturiraa o te taata i nià i te ora mure òre.Eita ia i te haapaò-noa-raa i te mau faaueraa a te Atua,e noaa ai,tei roto atoà ra i te haapaòraa i te mauiui,te fifi,te auta,e te òpereraa na tei ere i roto i te oraraa.Ia àmuihia te mau maitai atoà e vai nei i roto i te taata no te haamoriraa i te Atua.

Ta tuhaara i te taiòraa.

1) irava 17-22            Te taata taoà e o Ietu

Te taata taoà tei haapaò i ta te Atua ture,e to na òto rahi i ta na taoà ia òpere.E o Ietu tei haapii atu te toe ra te tahi mea,e òre e roaa i te taoà ia hoo,te faaroo e te ora mure òre.Te manaò o te taata taoà o ta na noa parau ua na vai ia i reira,i te haapaòraa i te ture,te toe nei ra.

2) irava 23-27             Ietu e te mau pîpî.

Te faaö àtâ te feia taoà i roto i te Patireia o te Atua, e te hitimaùe o te mau pîpî i teie parau,mea maitai-aè-ia te tamera e  ö ia  i te taata taoà.Eita e tià i te taata,eita rä e òre i te Atua,e tiàra te mau mea atoà i te Atua,ia tatarahapa te taata.

3) irava 28-31             Petero e ö Ietu.

E òre e tià i te taata ia faarue i to na fetii,e ta na taoà,teie nei ra te vai ra te hoê ao i muri,no te ora mure òre.

Te tupuraa o te taiòraa.

Tei nià i te èàtià e haere ra i Ierutarema ia au i te faaiteraa a te irava 32.E hope ra teie taiòraa ta tätou i te irava 46,ua tae atu ra ratou i Ierito.

Tei nià i teie éà te tupuraa te tahi mau parau rarahi no te oraraa o te taata faaroo e titau nei i te parau no te Ora Mure Òre.E to Ietu faaiteraa e nahea e noaa ai teie faufaa i te taata e hinaaro nei,eita ia i te haapaò-noa-raa,i te pae no te tino,te varua,i te parau atoà ra i te òhiparaa e tià ai.

Eita teie anaè te faanahoraa e tià ia ravehia,te vai faahou atu ra,teie ra te tahi huru heheuraa e tià ia rave ei faaiteraa i te huru no te taata taoà faaea-noa-raa i roto i to na ao ere òre i te mau maitai atoà.E te parau nei o Ietu ia na te toe ra te hoê mea.

Te mau pipi i to rätou pae te hitimaue nei i te parau ta rätou e faaroo nei i te pahonoraa a Ietu.Ma te manaò e,e tià ia Ietu ia hoo  päte i te Ora Mure òre.Te parau nei o Ietu ia rätou e,te toe ra te hoê mea.

O Ietu te iriti nei ia i te àparauraa  no te Ora Mure òre,ma te horoà i te raveà,o te Atua anaè ra te maitai.Ma te haapaò i te ture,Eiaha e faaturi,Eiaha e taparahi ,Eiaha e eiâ, Eiaha e haavare,Eiaha e rave ìno,E faatura atu i to metua tane e to metua vahine.A haere a hoo atu e hope roa aè,hopoi na te taata rii,e taoà ta oe i te ao i reira,a haere mai ai,a rave ai i to tatauro a pee mai ai ia ù.Na teie mau parau e haapapu e, te hinaaro nei o Ietu ia noaa i te mau taata atoà te parau no te Ora Mure Òre.I te mea tei roto i teie mau tuhaa te ereraa te mau taata faaroo i te hoê mea.

Ei tuatapaparaa.

 Na teie taata taoà e faatupu nei i te parau no teie taiòraa,e taata tei tiàturi i te Atua,tei horoà i te hoê taime no te tuturi i mua ia Ietu.No te ani e nahea e roaa ai ia na te Ora Mure Òre.E taata taoà rahi,tei òre roa o Mareto e faaite te rahiraa o ta na taoà.Te vahi faufaa rahi ra ta te taiòraa e faaite nei te hororaa mai teie taata e farerei ia Ietu,ia àparau raua,e ia faaite o Ietu,i te èà no te Ora Mure Òre.

1) Ia ite te taata taoà o te Atua anaè tei maitai,eita ra te taata,te taata e haamaitai i te Atua,eiaha ra ia Ietu taata i te mea ai-ti-ä ta Ietu faaiteraa i te Patireia o te Atua Metua i hope atu ra i te taime a tuturi ai teie taata i mua ia na.

2) Ia  haapii papu ia teie taata taoà ia na i te ture a te Atua ei ia maramarama,ia hope,i reira e tià ai,no te Ora Mure Òre,oia hoi eita no te hoê noa taime,no te mau taime atoà ra.

3) Te ite nei ra o Ietu i te vahi ua ere teie taata taoà.Te taamuraa teie taata i nià i ta na taoà,ua tuu hoi o ia i to na  na  turi i mua Ietu,aita ra i ani atu i te faaòreraa hara na mua roa,hou te Ora Mure Òre tera te tahi mea i ere i teie taata.Aroha atu ra o Ietu i te mea eita e tià i teie taata i te tatara i te taura e taamu ra ia na i ta na taoà.I te mea eita e tià ia na ia òpere,ia hopoi atu na tei ere,e a rave ai i ta na tatauro a pee ai ia Ietu,te vai nei hoi te taoà tahuti òre i te ao mure òre ua hope mai to ù àpiraa mai ä.

Teie te reo o Ietu i ta na mau pipi te faaö taiata tei feia tiàturi taoà i te patireia o te Atua,mea maitai aè te tamera.No te mea e animara faaòhipa pinepinehia e te àti Iuta ei amoraa i ta rätou mau taoà i te vahi ta rätou e hinaaro.No reira teie manaò to Ietu i faaau i te taata taoà te ohie òre i te ö i roto i te patireia o te Atua,e te òhie te tamera na roto i te àpoo au.Ua hitimaue te mau pîpî i teie hohoà ta Ietu e horoà nei.Te toe nei ra te hoê mea.

 E aha tei erehia i teie mahana i te taata faaroo ?

Teraì òro.

 

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens