Overblog Suivre ce blog
Editer l'article Administration Créer mon blog
3 décembre 2012 1 03 /12 /décembre /2012 22:30

HEPETOMA PURE 

NO TE HOÊRAA 

O TE MAU MARUMETIA

MATAHITI 2013

06–13 / 01 / 2013

 

... e aha ta Iehova hinaaro ia òe ra
maori rä o te rave i te parau-tià,
e ia hinaaro hoì i te aroha,
e te haere mä te haèhaa
i te aro o to Atua. (Mita 6,6-8)

                                                                            ÔIVI

-I te Feiä atoà e faanaho i te Hepetoma pure
no te hoêraa o te mau Maru-Metia

-Ômuaraa no te Tumu parau no teie matahiti 2012

-Te Papa haamori 

-Mahana matamua

-Te piti o te mahana

-Te toru o te mahana

-Te maha o te mahana

-Te pae o te mahana

-Te ono o te mahana

-Te hitu o te mahana

-Te vaù o te mahana

-Papa haamori no te Ôroà a te Fatu

I TE FEIÄ ATOÀ E FAANAHO RA I TE PURERAA
NO TE HOÊRAA O TE MAU MARUMETIA

E ìmi i te hoêraa i te täatoà o te matahiti

I te pae àpatoèrau o te ao, ua faanahohia te Pureraa no te hoêraa o te mau marumetia i te 18 e tae atu i te 25 no tënuare. Na Paul Wattson i horoà i teie taiò mahana ei räveà no te faatüàti i te Ôroà a Pëtero e a Pauro. Te tumu ia i mäìtihia ai teie taiò mahana.

Âreà i te pae àpatoà o te ao, ua riro te âvaè tënuare ei taime faafaaearaa haapiiraa. Ua manaòhia e mäìti i te tahi atu taiò mahana, mai te taiò mahana änei no te Penetetöte, tei manaòhia e te Täatiraa “Foi et Constitution” i te matahiti 1926, e tei riro atoà ei taiò mahana faufaa roa no te hoêraa o te Ètärëtia.

Mä te täpeà noa teie faanahoraa mai teie te huru, te faaitoito atu nei mätou ia tätou i te hiòraa i te mau taiòraa parau mai te tahi tïtauraa ia tatou i te ìteraa, i roto i te täatoàraa o te matahiti, te tahi huru taa-ê no te faaìteraa i te faaroo o te mau Ètärëtia et no te pure-âmui-atoà-raa, ei räveà e tae ai i nià i te hoêraa ta te Metia e tïtau mai ra ia tätou.

E faatano i te mau taiòraa pïpïria

No te mau taiòraa pïpïria i mäìtihia mai, e tano roa e faatano i nià i te rauraa o te reira vähi e te reira fenua. E faatano atoà i nià i te mau papa haamori e te huru oraraa. E riro te reira ei hotu no te tahi huru òhiparaa i roto i te âmuitahiraa. E te vai ra te reira huru òhiparaa âmui i roto i te tahi mau pae fenua. Te tiàturihia atu nei e, e riro te faatanoraa i te pureraa no te hoêraa o te mau marumetia, ei räveà no te faatupuraa i teie huru òhiparaa âmui i roto i te âmuitahiraa i te vähi e aita ä te reira e vai atu ra.

Te faaòhiparaa i te mau taiòraa pïpïria o te Pureraa no te hoêraa o te mau marumetia

·       No te mau Ètärëtia e te mau âmuiraa faaroo e faaòhipa ra i te Hepetoma pure, te vai nei i roto i teie puta te tahi hohoà no te Papa haamori.

·       E tano atoà i te mau Ètärëtia e te mau âmuiraa faaroo e faaòhipa i roto i ta rätou mau papa haamori aore ra te mau taiòraa no te mau papa haamori âmuitahiraa no te Parau a te Atua, te mau taiòraa pïpïria e vai ra i roto i nä mahana e vaù.

·       E ìte atoà te mau Ètärëtia e te mau âmuiraa faaroo e faaòhipa ra te Hepetoma pure no te hoêraa o te mau marumetia i te mau mahana tätaìtahi o te hepetoma, te mau tätararaa i roto i nä mahana e vaù.

·       Te mau taata atoà e hinaaro ra e faaòhipa i te mau haapiiraa faaroo i nià i te tumu parau o te hepetoma pure, e tano rätou e faaòhipa i te mau taiòraa e te mau tätararaa o nä mahana e vaù.

·       No te mau taata e hinaaro e pure i te vähi hoê, e tano atoà rätou e faaòhipa i te mau taiòraa e vai ra i roto i teie puta no te hämani i ta rätou mau pure e te haamanaò atoà ia rätou e, te ora ra rätou i taua taime pure ra i roto i te âmuitahiraa e te âmuiraa faaroo e pure ra i roto i teie nei ao no te hoêraa hau atu i te rahi e te ìtehia e te mata o te Ètärëtia a te Metia.

TE TAIÒRAA PÏPÏRIA NO TE MATAHITI 2013

(Mita 6,6-8)

E haere atu vau i mua i te aro o Iehova mä te aha ; a haapiò ai ia ù iho i raro i te aro o te Atua teitei. E haere änei au i mua ia na mä te tutia taäuahi anaè ; e mä te täfa matahiti hoê ra. E mauruuru änei Iehova i te mämoe oni e ia tautani, e ia àhuru te tautani i te ànavai monoì ra. E horoà änei au i taù mätahiapo no taù nei hara, e ta taù tino i fänau no te hara o taù värua. Ua faaìte mai o ia ia òe, e te taata na, i te mea maitaì ; e e aha ta Iehova hinaaro ia òe ra maori rä o te rave i te parau-tià, e ia hinaaro hoì i te aroha, e te haere mä te haèhaa i te aro o to Atua.

Te Pïpïria - TOB

 

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens