Overblog Suivre ce blog
Editer l'article Administration Créer mon blog
2 octobre 2013 3 02 /10 /octobre /2013 13:58

Hëpera 9.11-28                                                                                 Faraite 4 no Âtopa 2013.

Ìrava, 28 oia atoà te Metia, a hoê aè nei o na püpü-raa-hia ei tütia ia hopoi ê o ia i te hara ä te taata e rave rahi; e fä mai ä o ia o te piti ia o te färaa mai, eiaha ei täraèhara, ia ora rä te feiä e tiaì ia na ra.

Te Rata i te mau âti-Hëpera, ua päpaìhia ia i te hoê pupu maru-metia tei ineine i te faaruè i te faaroo maru-metia, no te rahi o te mau fifi e färereihia e rätou. Te faaitoito nei te taata päpaì ia rätou ia mau-tütüaa i to rätou tiàturiraa na roto i te faaìteraa e, e ua riro Ietu Metia èi heheuraa tumu no te ora e mauhia ra e te Atua. Na roto i teie òhipa, te haapäpü nei te taata päpaì i nä parau mau e toru i muri nei: a tahi, ua riro Ietu ei Tamaiti mure òre na te Atua, tei faaìte mai i to na auraro päpü i te Metua na roto i te mauiui tä na i faaruru. E no to na riroraa ei Tamaiti na te Atua, ua hau aè Ietu i te mau perofeta o te Faaauraa Matamua, i te mau merahi e tae noa atu ia Möte. A piti, ua faaìte te Atua e ua riro Ietu èi tähuà mure òre, tei hau aè i te mau tähuà o te Faaauraa Matamua, e a toru, na roto ia Ietu ua faaora i te maru-metia i ta na hara, i te mataù e tae noa atu i te pohe; e na roto ia Ietu, te Tähuà Nui e tae mai ai te ora mau, o të òre te reira parau e hope i roto i te mau faanahoraa oraraa faaroo e te püpüraa tütia a te haapaòraa âti-Iüta.

E ma te faaòhipa i teie hiòraa i nià i te faaroo o te tahi mau taata i roto i te âài o Ìteraèra, te tïtau nei i te feiä taiò ia mau päpü i te faaroo, no te faatupuraa i te  hinaaro i te ora päpü i to rätou faaroo e tae noa atu i te hopeà, mä te tiàtonu i to rätou mata i nià ia Ietu, noa atu te àti e te mau haamäuiuiraa ta rätou e färerei atu.

Te Metia, te tupu-hope-raa no te heheuraa a te Atua i te mea ua hau aè te Metia i te mau merahi. Ua hau aè te Metia ia Möte räua o Iotua. Te tumu i hau ai te autahuàraa o te Metia, o te  tumu ia te reira i hau ai te fafauraa faufaa a te Metia, tei na rotohia i te püpüraa tütia a te Metia. Te Pure ia i purehia i te pene 13 i te ìrava 20 E teie nei, ia faaau mai te Atua hau, o tei faahoì mai i to tätou Fatu ra ia Ietu, i te tiaì-mämoe rahi mai te pohe mai ra, no te toto o te faufaa matara òre ra,  te ìrava 21 ia faaau mai ia òutou i te mau òhipa maitataì atoà ra, ia rave òutou i to na hinaaro; i te faatupuraa i roto ia òutou i te mea au ia na iho ia Ietu Metia ra. Ei ia na te haamaitaì e a muri noa atu. Âmene.

Òia atoà ia te ômuaraa o ta tätou parau no teie faraite ôroà i te Hepera pene 13 maite ìrava hoê e tae i te ìrava 19, no te haafatataraa te mau taata faaroo i pihaiiho i te tumu o te faaòre hara a te Metia ia  òre roa te täiva ia òre te faaruè, e ia òre roa atu, i te mau mea tei haafaufaa-òre i te aroha fäito òre o te Atua tei faatupuhia e te Metia. Te tià ra ia tätou ia faaitoito te parauraa ia e, O te Fatu to tätou tauturu.

 

I tupu ai ta tätou parau i te ìrava , 28 òia atoà te Metia, a hoê aè nei o na püpü-raa-hia ei tütia ia hopoi ê ò ia i te hara a te taata e rave rahi; e fä mai ä ò ia o te piti ia o te färaa mai, eiaha èi täraèhara, ia ora rä te feiä e tiaì ia na ra.

Te färaa mätamua o te Fatu ra o Ietu Metia, no haapii i te taata ia ìte i te hanahana mutu òre o te Atua Metua, tei faanaho i te ora mai roto mai i te parau, te marämarama ia haere te taata na te èà ma te mataù òre i te mau haafifiraa rau o te ao nei. Ia faaìte ra i te tumu o te maitaì, i te horoà i te mau taata, i ta te Atua ôpuaraa ora. Tei tupu na roto i ta na Tämaïti Fänau Tahi te Metia, tei poro i te parau no te tatarahapa i te mau taata atoà. O vai tei faaroo, O vai tei färii, O vai tei òhipa, O vai tei faaìte.

I roto i teie puta Hepera ta tätou e färerei nei i teie haamori na tätou te vai ra te pene 11 mai te ìrava 1 e tae i te hopeà te faaìtehia nei tupuraa te parau no te faaroo, i tera parau e ia hoì mai te Metia e faaroo änei to te fenua nei, o ta teie pene 11 e faaìte nei mai ia Àpera, te mau Patereäreha, Rähapa, te mau Arii  e tae i te mau Perofeta o rätou tei parauhia te Patireia o te nünaa faaroo, teie te parauraa ta te pene 11 e faahiti nei no te faaroo o te taata tei faatupu i te hinaaro o te Atua.

E teie nei, o te faaroo nei, o te tiàturi ia i te mau mea e tiaìhia nei, e te ìte i te mau mea aore e hiòhia nei

No te faaroo i ìte ai tätou e, no te parau a te Atua i hämani, eere hoì te  mea e hiòhia  te hoê mea i ìtehia ra.

No te faaroo i maitaì ai ta Àpera tütia i püpü i te Atua i ta Täina.

No te faaroo i tähitihia ai Ènoha ia òre ò ia ia ìte i te pohe;

No te faaroo o Noa, i faaìte mai ai  te Atua, i tarai ai i te pahï  ei fatu i te parau-tià  i te faaroo ra.

No te faaroo i haapaò ai Âperahäma, e haere i te hoê vähi i purutia noa ai o ia i taua fenua i parauhia mai ra,

No te faaroo o  Tara i fänau mai ra ta na tamaiti.

No te faaroo i püpü ai Âperahäma ia Ìtaata èi tutia, i ta te Atua  a tämataraa.

No te faaroo i faaora ai Ìtaata ia Iatöpa räua o Ètau, i te mau mea e tupu a muri atu.

No te faaroo i faaora ai Iatöpa i nä tamarii a Iotëfa ra, mä te haamori i te Atua.

No te faaroo Iotëfa i faaìte ai i te revaraa o te tamarii a Ìteraèra mai Àifiti atu.

No te faaroo o Möte i hunahia ai e nä metua no na ra, a fänau mai ai o ia  i te mataù i te parau a te arii ra.

No te faaroo o Möte, i maìrihia te tamaiti a te tamahine a Faraò ra.

 No te faaroo o Möte i faaruè ai o ia i Àifiti, aore i mataù i te riri o te arii ra.

 No te faaroo o Möte i haapaò ai o ia i te Päta.

No te faaroo o Möte i tae ai rätou nä raro i te miti ùteùte i päpämarô ai.

 No te faaroo i hià ai te âua i Ierito ra i raro, âruì hitu aè ra i te haaàti-haere-raa-hia.

No te faaroo i òre i pohe atoà ai te faaturi ra o Rähapa.

Titeona, Parata, Tamatona, Iefeta, Tävita, Tämuera, te mau perofeta, te mau pätireia i te faaroo, e te parau-tià.

Teie te ora o te mau taata e tiaì nei i te Metia.

 

Ia ora na.

 

 

 

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens