Overblog Suivre ce blog
Editer l'article Administration Créer mon blog
2 décembre 2012 7 02 /12 /décembre /2012 21:56

Mahana piti 25 no Titema 2012 Fänau

 Mau taioraa

Itaia                52:7-10           Te nehenehe te àvae o te veà. 

Taramo            98                    Ia pinai i te haamaitai.

Hepera            1:1-6               I nauanei oe e fanauhia ai.

Ev.Ruta          2:1-20             Te maramarama o te Atua.

 Ei parau faaitoitoraa.

Ev.a Ruta 2:1-20

Ei irava tumu.

 Ev.a Ruta 2: 10. EIAHA  E  MATAU, E  PARAU  MATAI  TA  U  E HOPOI  MAI  IA  OUTOU  NEI, O  TE  RIRO  IA  EI OAOARAA  NO  TE TAATA  ATOA                                                          

Ia ora na tatou  i te Aroha o te Atua.Teie a tatou  i teie matahiti i roto i te haamanaoraa i te parau no te fanauraa o te faaora o teie nei ao.I te tahi po äè nei,ua hau i te 2000 matahiti te maoro,ua fa  mai  te tahi merahi i te tahi pupu tiai mamoe e ua parau mai ia ratou,EIHA  E  MATAU, E PARAU  MAITAI  TA  U  E  HOPOI  MAI  NEI  IA  OUTOU  NEI  O  TE  RIRO  IA  EI  OAOARAA  NO  TE  TAATA  ATOA.

 I teie mahana teie ätoà tatou i mua i teie parau e te manao e vai nei oia hoi,i mua i te mau faanahoraa ätoà ta tatou e ite nei i teie tau,e tano ia tatou ia hio a i te parau no to tatou tiàra i mua i te parau no teie oroà,te Noera.No te tautururaa ia tatou i roto i teie ohipa,e tano ia tatou ia uiui e,a tahi,no te aha te Noera,e te piti,e aha ta te Noera e àfai mai nei no ù?

Teie huru uiraa e,NO TE AHA ? E uiraa faufaa roa.E uiraa teie ta te mau tamarii e uiui pinepine noa nei.E tei uiui-ätoà-hia e te mau àivanaa,ia hinaaro ratou ia maramrama i te tahi mau parau,e aore ia te tahi mau ohipa.No te aha i Noera ai ?No te aha TE ROTO  I  RIRO  MAI  AI  EI  TAATA,e ua tiàhapa mai nei i o tatou nei?

Te pahonoraa matamua i teie huru uiraa,no te mea o te hinaaro te reira o te Atua,mai tei parauhia e Ietu,TEIE  AU,E  TA  U  ATUA, TE  HAERE  NEI  AU  E  FAATIA  I  TO  OE  HINAARO.(Hepera 10:7)

E àore ia I  AROHA  MAI  TE  ATUA  I  TO  TE  AO  E  UA  TAE  ROA  I  TE  HOROA  MAI  I  TA  NA  TAMAITI  FANAU  TAHI  IA  ORE  IA  POHE  TEI  FAAROO  IA  NA, IA  ROAA  RA  TE  ORA  MURE  ORE.( Ioane 3:16) E mau pahonoraa tano änaè teie mau pahonoraa,e te vai faahou ätu ra te tahi mau parau tano maitai.

I roto i ta tatou irava,te matara ra te tahi vahi i te nao-raa e E  PARAU  MAITAI  TA  U  E  HOPOI  MAI  IA  OUTOU  NEI.E ia tuàti mai  teie parau i te irava i muri mai,te ite ra tatou i te huru no teie parau maitai,ua fanau te Ora no outou.

E tià ätoà  ia  ia tatou ia parau e,teie ätoà te tahi pahonoraa tano maitai no teie uiraa e No te aha te Noera.Oia hoi  no te mea o te taime te reira i haapapu ai te Atua na roto i te merahi e, E faaora tei tae mai. Mai te peu ua riro te mau parau i na roto mai i te mau perofeta i mutaa-iho ra ei faaäraraa noa i te nunaa,i teie taime e ère noa ätu ra i te faaararaa,te haapapu maitai nei ra te Atua e ua tupu mau te parau i tohuhia e te mau perofeta.E ère faahou  i te moemeoëa,ua tupu iho nei ra te parau tei tohuhia.Ua riro mai te parau ei taata, ia au iho-a i te mau parau i na mua mai.E hau roa ätu i te reira ua tae roa mai te ora i ô tatou nei,tera te parau maitai ta te merahi i faaite mai i te mau tiai mamoe,e ia tatou nei i teie mahana.E te hopeà no teie Parau maitai ia au iho-a i te mau parau maitai ätoà ia taë änaè mai i roto i to tatou mau tarià,e tupu iho-a ia te oaoa,ia au iho-a mai ta te merahi e parau ra O tei riro ei oaoaraa no te taata ärtoà.

Ei tuàtiraa i teie mau uiuiraa matamua,e tià ätoà ia tatou ia ui e,Eaha ätu ra te auraa no te oroà Noera i roto i to tatou oraraa? I teie mahana,

Mai te peu e ua faaroo maitai tatou i te faaararaa paraua a te merahi,e aha ätu ra ia ta teie parau i faatupu  i roto i to tatou  oraraa,Nahea tatou i faatanoraa i teie parau i nià ia tatou?

 No te mea,ua papu ia tatou e,e parau faufaa roa teie no te Atua.E ohipa teie na Na,e manaonaoraa rahi roa teie,te faaoraraa i te taata.E aha ia ta tatou pahonoraa i teie huru i to te Atua?

Te parau no te ora,e horoà te reira na te Atua,e o te reira tei pupuhia mai no tatou,e te Atua.Te toe noa ia tatou o te fariiraa ia  i teie ora.E te tiàturi nei au e tei reira mau to tatou fifi rahi.Ua ite tatou e te vai ra te ora,aita ra tatou e hinaaro ra e rave mai.

Ua imi te Atua i te mau raveà ätoà ia ite tatou i te Ora,ua haere roa mai O ia iho i ô tatou nei no te àfai mai i te ora,ia fanao tatou e ia ite tatou i to na hinaaro faaora.Te toe ia tatou o te faatororaa ia i te rima no te rave mai i taua ora ra,o te haafatataraa ätu ia i pihaiiho ia na e te äniraa ma te haehaa,mai ta te vahine tamaria ra o tei parau ätu i te Fatu,E te Fatu,ho mai na i taua pape ra na ù,ia ore roa vau ia poiha faahou (Ioane 4:15).

Te papu ätoà ra ia ia tatou e,te tau no te Noera,o te tau ätoà ia no te imiraa.Imiraa i teie ora o tei faataahia no tatou.Na roto i te àiü no Noera ua faafatata mai te Atua ia tatou.Na roto i ta na Etaretia,ua iriti te Atua i te tahi ùputa ei reira tatou e maramarama ai i te auraa no to na hinaaro faaora.Eita tatou e ite oioi i te huru o te tahi taata mai te peu eita tatou e haamatau ia na.O te ohipa ia e tupu nei i roto i te Etaretia,e ohipa àmui tatou,e àmui i roto  i te mau faanahoraa àmui,ei reira tatou e ite ai e aha mau ta te Atua i faataa no tatou.Teie ora,eita e pau,e mou ia ui,e e mou ia ui.Ua faataahia e te Atua no te nahoa rahi,e ère ra no te tahi noa pae,no te reira te reo no te merahi i parau ai e,O tei riro ei oaoaraa no te taata ätoà.

 E au tatou mai te tahi taata tei ite e,e faufaa ta tatou e vai ra i te fare moni aita ra tatou e hinaaro ra e iriti mai.Mea hau äè na tatou i te ora veve noa.O te reira ätoà to tatou tuàtiraa i nià i teie Parau maitai,ua ite tatou,ua faaroo tatou,aita ra tatou e hinaaro ra e rave mai.Te tumu aita ia i papu maitai.E tano ra ia tatou i roto i teie oroà Noera,ia feruri faahou i te fufaa rahi ta teie oroà e faaite mai nei ia tatou.Eiaha tatou ia parau i te tahi tau e,aita te Atua i tauà mai ia ù.

Ua haere roa mai te Atua i ô tatou nei ma te huru taata e aita tatou i hinaaro i te farii ätu ia Na.Te haapapu mai nei o Ioane ia tatou, I haere mai nei O ia i ô Na iho  ra,e aore to na iho taata i ite ätu ia Na.(Ioane 1:11).

 No reira na tatou e maiti,e faatoro tatou i to tatou mau rima no te haru mai i te faaora o teie nei ao,tei na roro mai i te parau maitai i te haere mai no te faaite ia tatou i te Parautià.I roto i te Etaretia e ite tatou i te Fatu,o taua Fatu ta te merahi i faaite i te mau tiai mamoe.Aita i taui.

Ua faaite te merahi i te mau tiai mamoe i te vahi tei reira te Fatu i te vairaa,e tià ätoà ra ia haere roa e hio.Oia ätoà tatou,eita tatou e ravai i te faaroo-noa-raa,e tamata ra tatou i te farerei roa i te Fatu.Eiaha ma te tere roa ätu i Peterehema,ma te hio noa ra i pihaiiho ia tatou iho.Te oraraa i te Noera Api e ére änei  o te reira ätoà te titauraa a te Atua ia i teie tau no te Iupiri

                                                           ia ora na i teie Noera.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens