Overblog Suivre ce blog
Editer l'article Administration Créer mon blog
10 décembre 2016 6 10 /12 /décembre /2016 00:31

Te 8 o te mahana

Täpati 8 no Tënuare 2017

« Te oraraa i roto i te Hau, e hinaaro tumu te reira no te Fatu ia tätou »

TUMU PARAU FAAFÄITEHIA E TE ATUA ( 2 Torinetia 5, 20 )

 

“  E teie nei, e veà mätou na te Metia mai te mea e, te aò  nei te Atua i te taata ia mätou nei ; ei ono mätou i te Metia, i te aòraa atu i te taata e, E faafäite  òutou i te Atua ”

 

TE MAU TAIÒRAA

• Märeto 4,1-5 : Ia tae i te ànotau hopeà ra, e tià mai te parau  tià.

• Taramo 87 : Te faatiàhia ra i te hanahana o te Tumu nui.

• Apotarupo 21,1-5 vm : Rahu iho ra te Tumu nui i te raì âpï e te fenua âpï.

• Ioane 20,11-18 : O tei ìte ia Ietu Metia tei tiàfaahou mai te pohe mai, e riro o ia ei veà tono no na.

TATARARAA

E aha te huru, mai te peu e, e tupu mau ä te mau mea i tohuhia i roto i te pïpïria. E aha te huru mai te peu e, e faaea te mau tamaì e tupu nei i roto i teie nei ao. To terä fenua e terä fenua, to terä nünaa e terä nünaa, to terä hau e terä hau. E aha te huru mai te peu e, e faarirohia te mau moihaa tamaì ei moihaa faatupu ora. E aha te huru mai te peu e, na te parau tià e te hau o te Tumu nui, e arataì i te hau ei mono atu i te mau tamaì. E aha te huru mai te peu e, e âmui to te ao nei mä te mana  hoê e te püai no te färii i te taata atoà mä te mäìti  òre to na huru e to na hohoà, e mä te  òre e vaiiho noa aè i te tahi i te hiti. E aha te huru mai te peu e, e  òre te  òto, e  òre te roimata, e  òre te pohe. Eita e  òre e, o te hopeàraa atoà no te faafäiteraa a te Tumu nui i höroà mai ia tätou, nä roto ia Ietu Metia. O te parataito mau ä te reira.

E himene-hua-hia te mau Taramo, te mau Tire, e te mau Pehepehe i te mahana e tae ai te rahu i roto i to na huru mau, mai te matahurahuraraa o teie nei ao. O te mahana terä i reira te Tumu nui e hoê ai i roto i te rauraa o te mau mea atoà. E tià mai te mau Ètärëtia atoà i roto i te tura e te hanahana o te Metia. Te mau vähi atoà e âmui ai tätou no te ârue i te tupu hope-roa-raa te ôpuaraa faaora a te Tumu nui tei ìriti i te ùputa o te raì. I reira tätou e  òuàòuà ai i te  òaòa i nià i te taì navenave o te hau mure òre o te Tumu nui. 

No reira, e aha ia te mea e tano ai tätou i te rave i teie raa taime, no teie parataito. Mäoti rä, e pure âmui anaè mä te  òaòa i te Atua Metua. A ôpere anaè i te mau hohoà, te mau pehepehe aore ia te mau himene tumu o te fenua, o te âià, ia roaa faahou mai i te aho âpï i roto i ta tätou täviniraa. Riro atu ai teie aho âpï, ei ùputa âpï no te ora-faahou-raa i to tätou faaroo hoê e ta tätou tiaìtururaa i te haereà mai o teie hau to te Atua. 

 

PURE

E te Atua Metua e, te Tamaiti, e te Värua maitaì, Te haamaitaì nei mätou ia òe no teie hepetoma pureraa, O Òe i haaputuputu ia mätou te mau taeaè e te mau tuahine maru Metia, No te mau òhipa atoà o ta mätou i ora mai, mai roto mai ia Òe i teie hepetoma täatoà. Mätou paatoà teie e ârue tuutuu  òre nei i to iòa moà, ia hotu ùmu noa mätou i roto i te hoêraa e te faafäiteraa. Amene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens