Overblog Suivre ce blog
Editer l'article Administration Créer mon blog
10 décembre 2016 6 10 /12 /décembre /2016 00:32

Te 7 o te mahana.

Mahana mäa 7 no Tënuare 2017

« Te oraraa i roto i te Hau, e hinaaro tumu te reira no te Fatu ia tätou »

TUMU PARAU TE TIÀRAA O TE FAAFÄITERAA (2 Torinetia 5, 18-19)

 

18- Na te Atua rä taua mau mea atoà, o tei faafäite ia tätou ia na iho ia Ietu Metia nei, ua tuu mai hoì ia mätou i te toroà faafäite nei ; 19- teie hoì taua parau ra, ei roto te Atua i te Metia i te faafäiteraa i to te ao nei ia na iho, e te huri  òre atu i ta rätou hara ia rätou ; ua tuu mai hoì i te parau faafäite ra ia mätou nei.

 

TE MAU TAIÒRAA

• Tenete 50, 15-21 : To Iotëfa faafäiteraa ia na i to na mau  taeaè

• Taramo 72 : Te hopoi mai nei te hau o te Atua i te parau tià e te hau.

• 1 Ioane 3, 16vh-21 : Te rü nei te aroha o te Tumu nui ia tätou i te aroharaa te tahi e te tahi.

• Ioane 17, 20-26 : Te pure nei Ietu no te hoêraa o Ta na Ètärëtia.

 

TÄTARARAA

Te faafäiteraa i roto i te Tumu nui e te taata, o te papa te reira i to tätou faaroo maru Metia. Te haapäpü nei Ioane e, na te here o te Metia e (täpaò) rü nei i te faafäiteraa a te Atua i roto te tahi e te tahi, e i roto i te täatoàraa o to tätou oraraa. Te tïtauhia nei tätou i teie mahana ia tütonu mäite tätou i to tätou mana  i nià i te parau no te âmahamaharaa ia tupu te hoêraa o te nünaa o te Atua.

Mai te parau no Iotëfa tei faaìte mai te tahi hiòraa i nià i te parau no te hoêraa i roto ia na e to na mau taeaè, e nä reira atoà te Atua i te faatupu-tämau-raa i to na here no te faaora i te mau tüàtiraa tei àmahamaha roa.

Ia hiòhia te parau no te mau àito tüiroo o te reforomätio, mai ia Rutero, Taravino, Zwingli etv... ua tämata rätou i te àfaì i te tahi mau faaâpïraa i roto i te Ètärëtia. Te òhipa rä i tupu, ua hahi ê roa te here o te Tumu nui i te rave a te taata hara, riro atu ra te âmahamaharaa no te nünaa o te Atua, ei peàpeà tuatau. Na te hara e te mau tamaì rarahi, i ûàna roa ai te âmahamaharaa i roto i te taata, te nünaa e te Ètärëtia.

No reira te tiàraa no te faafäiteraa, e  òhipa te reira tïtauhia i te rave, mä te ôtià  òre, noa atu te mau patu e faataa ê nei i te mau maru Metia. Teie mahana, e rave rahi te mau Ètärëtia e òhipa âmui nei mä te tiàturi e te tura, ia tupu te hau e te autaeaèraa.

 I tano roa ia teie pure ta te Fatu i pure i To na ra Metua no te hoêraa o Ta na Ètärëtia.

 

PURE

E te Atua maitaì roa, te haamaitaì nei mätou ia òe. Nä roto i te Metia, te faafäite nei  òe ia mätou e to te ao atoà nei. Haapaari mai  òe ia mätou, te mau Ètärëtia atoà i nià i te tiàraa faafäiteraa. A faaora i to mätou âau, e a tauturu mai ia mätou i te faatupuraa i to  òe na hau. “ Te vähi tei reira te peàpeà, ia tuu vau i te here ” “ Te vähi tei reira te hapa, ia tuu vau i te tätarahapa ” “ Te vähi tei reira te tütaperepere, ia tuu vau i te faaroo ” “ Te vähi tei reira te paruparu i te tiaìraa, ia tuu vau i te tiaìtururaa ” “ Te vähi tei reira te pöiri, ia tuu vau i te märamarama ” “ Te vähi tei reira te  òto, ia tuu vau i te  òaòa ” I pure atu ai mätou ia  òe i te iòa o Ietu Metia. Amene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens