Overblog Suivre ce blog
Editer l'article Administration Créer mon blog
10 décembre 2016 6 10 /12 /décembre /2016 00:38

Te 3 o te mahana

 

Mahana Piti 3 no Tënuare 2016

« Te oraraa i roto i te Hau, e hinaaro tumu te reira no te Fatu ia tätou »

TUMU PARAU «  E teie nei, e hi raa âpï ta te Metia i höroà mai ia tätou, eere mai ta to teie nei ao. »

(2 Torinetia 5/ 16)

 

TE MAU TAIÒRAA

• 1 Tämuera 16 / 1 ; 6-7 : « E hi  hoì te taata i te huru räpae àu aè, âreà o te Atua Nui, e hi  ia i to âau. »

• Taramo 19 / 7-13 : « Te a  a te Atua Tumu Tahi, e mea märamarama ia, e märamarama ai te mata nei. »

• Òhipa 9 / 1-19 : « O Tauro riroraa mai o Pauro. »

• Mätaio 5 / 1-12 : « Te mau parau a te Fatu i nià i te mouà »

 

TE TAHI MANAÒ No te mea, ua pohe e ua tiàfaahou to tätou Fatu mai te pohe mai, eere faahou atu ra ia to te Fatu i te huru o te taata tei hämanihia i te tino ì . Inaha, ua pohe te huru o te taata ra o Ietu, e ua tiàfaahou mai te pohe mai ei taata âpï. Te mea ia i noaa ai i te taata Teretetiano i te tahi hi raa âpï i nià i te huru o te oraraa. Aita faahou terä hiòraa tei haapaò  noa ia na iho, tei haapaò  ia na ia maitaì nä roto i te tüpoheraa i to te tahi parau mai ia Tauro tei  òre i hiò  te mau pipi a Ietu ei mau taata no te Atua i te haamataraa, tei hinaaro e haamou i te parau no te Ètärëtia, no te feiä tei tiàturi i te Fatu. Mäoti teie färereiraa to na e te Fatu i nià i te èà no Tamateto, i faaâpï ai o ia i ta na hiòraa. A tahi ra o ia a färii ai i te Fatu ei Faaora, tei tonohia e te Atua no na e to te ao atoà. I roto i terä färereiraa o na e te Fatu, ua taui ta na hiòraa i te parau no te oraraa, te parau änei no te Ètärëtia. Ua tauturu terä färereiraa ia na i te haapae i ta na tiàturiraa e to na huru taata no te pee i te tahi auraa âpï. Mai ta te Fatu i hiò  aroha mai ia na, ta Pauro atoà ia hiòraa i te mau taata atoà ta na e färerei nei i nià i to na èà.

No reira, te färiiraa e te tiàturiraa i te Metia ei fatu no to na ora, e höroà mai o ia i te mata-tïtià âpï no tätou. E taui ta tätou hiòraa i te tahi, eere faahou i te mata-tïtià mahana tei faaèreere i ta tätou hiòraa i te taata e te mau mea atoà e àuahaati ra ia tätou. E taui rä ta tätou hiòraa e ta tätou huru raveraa òhipa no te Fatu, e ta tätou faaìteraa, no te mea, ua höroà mai o ia i te tïtià-mata märamarama nä roto i ta na parau, tei türaì ia tätou e tomo i roto i te faaâpïraa, faaâpï te parauraa, te mana, te hiòraa, etv…

I te tahi  taime, te faaòhipa nei tätou i te iòa o te Fatu i roto i ta tätou täviniraa, eere rä no te tävini i te Atua, no te tävini rä ia tätou iho, ia auhia mai tätou e te taata, eere rä no te faahuri te aro o te taata i nià i te Atua. Aita änei tätou e faaòhipa atoà nei to tätou mau tiàraa i roto i te faaroo, no te aratö te taata i nià i to tätou mau manaò  rii, ia tupu noa to tätou mau hinaaro, tei  òre hoì e tuàti ra i ta te Atua parau.

No reira, tei tomo i roto i teie faaâpïraa ta te Metia i faaìte mai ia tätou nä roto i to na pohe e to na tiàfaahouraa, e riro ia ei taata âpï tei faatupu i te here e te aroha. Mai ta te Atua Metua hiò-aroha-raa mai ia tätou nä roto i te horoàraa mai i ta na Tamaiti, tïtau-atoà-hia tätou ia hiò  aroha atoà ia vëtahi ê. A tirë i te hiò  taata noa i te täuaro, mai ia Tämuera tei hiò i te räpaeraa o te taata, eere hoì ta te Atua hiòraa mai ta te taata, e hiò  hoì te Atua i te âau o te taata. E tino to te taata, e mea pohe hoì te reira, âreà to na âau, te vairaa ia o te mana e te faaroo. E ora hoì te taata âau maitaì i to na faaroo.

Mai terä ta te Fatu i parau i nià i te mouà, « E ao to te mä te âau, e ìte (mata) rätou i te Atua. »

Ta te Taramo atoà ia faaìteraa ia tätou, te taata tei färii i te märamaramaraa o te parau a te Atua, e riro o ia i te hiò märamarama atoà i te hinaaro o te Atua ia na. E ìritihia mai i mua ia na te mau mea atoà, ia  òre to na mata faaroo ia pö i mua i te àti o to na nünaa. I te tahi taime, te àraàra nei to tätou mau mata, aita rä e ìte ra, no te mea, te hiò  taata noa ra tätou i te  òhipa. No reira, tei färii ia Na e ta Na parau, e turämahia to na èà mai te tahi rämepa tei turäma i to tätou mau taahiraa âvae, ia täpae tätou i roto i te ora a te Atua.

Te auraa, e parau teie no te tauiraa, te tauiraa nä roto i te tätarahapa e te faahauraa, ta Pauro ia e parau nei te faafäiteraa ia tätou i te Fatu, no te mea e tiàraa faafäite atoà to tätou mai te taime i faariro ai ia na ei Fatu no tätou. O ia tei tonohia mai no te faahau ia tätou e te Atua. No reira, faaitoito anaè i te tomo i roto i te faaâpïraa e te faafäiteraa, faahauraa ia tätou e te Tumu o to tätou ora.

 

PURE

Haamaitaì mätou ia òe te Toru Tahi Moà, o  òe te puna o te ora. O  òe anaè te mätämua e te faahopeà o te mau mea atoà e vai nei i roto i teie nei ao. E mou te raì e te fenua, âreà ta  òe parau e  òre ia e mou. Ua ìte mätou i to mätou mau paruparu i roto i te oraraa nei, mätou tei  òre i faatura i ta  òe mau faaueraa e ta  òe mau ture. Te pö atoà nei to mätou mau mata i mua i te àti e te fifi o to mätou nünaa, no te mea te faatura noa ra mätou i ta mätou mau ture tei patuhia i nià i te manaò taata. E mea maitaì ia tupu tämau to mätou färereiraa e o  òe i nià i te èà no te täviniraa, no te tämä ia mätou e no te faaâpï i ta mätou hiòraa. A ìriti i to mätou âau e to mätou mau mata i te parau mana na  òe, ia riro hoì to mätou nünaa e to mätou fenua iti, ei òri  mata e ei pü tarià no mätou.

A haapii ä ia mätou i te ture maitaì e te mure  òre no te aroha rahi, mai ta  òe i aroha ia mätou. A haapii ä ia mätou i te färii i to te tahi huru e ta na peu, ta na arataìraa e ta na tiàturiraa ia òe mai ta na e manaò  ra. A haapii ä ia mätou i te ôpere e te faatupuraa i te hau i te vähi peàpeà e te ahoaho, ia tupu hoì mätou i te rahi i roto i te faaroo e te hoêraa. Ei ia òe te hanahana e te mana mai teie nei e tau e a hiti noa atu. Amene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens