Overblog Suivre ce blog
Editer l'article Administration Créer mon blog
28 juin 2016 2 28 /06 /juin /2016 22:35

Te riri o te Atua

Taiòraa, Etetiera 20, 32 – 34.

Te parau no te RIRI, aita e taata i raro aè i teie raì, èita o ia e RIRI, ia ù i manaò, mai te peu ra te vai nei te tahi aita to na e RIRI i roto ia na, ua hau atu te reira taata i te Atua, e inaha e RIRI te Atua. Ia au i te faaìteraa a te pipiria.

E aha te RIRI ? e tià ia parauhia e, o te tahi mau faanahoraa o tei ravehia, tei òre i tuàti i nià i te manaò tumu i faaotihia. A tupu atu ai te tahi faaäraraa ia òre ia na reira faahou, ia roaa ra te haapaò maitaì.

Te vai atoà nei ra, te tahi mau taata e riri vave noa ma te tumu òre. Ia tae i nià i teie huru riri, aita ia teie taata i ìte e nahea i te pärau, i te tumu no to na riri. Ua î to na âau i te mauruüru òre i te òhipa ta na e manaò rä èita i te mea tià.

Te riri, o te tahi ia huru to te taata te tià e faaìno roa i to na tiàraa taata, i mua i te mau òhipa tià òre. Ma te faatae roa i te faaüraa te puai, na roto i te puai. A riro atu ai te reira èi fifi no te tahi, e mauruüruraa ia no te tahi.

I roto i te pipiria te vai atoà nei teie parau, te RIRI O TE ATUA, Numera pene 32 i te ìrava 10 – 11. Na roto i teie tumu parau te faaìte ra ia te Atua, i te tahi huru taata to na i roto i te taata. Te faaòhiparaa no teie parau, te RIRI O TE ATUA i roto i te nunaa Hepera, e ìtehia na roto i te mau òhipa e tupu ra na te reva e te tai. I roto i te reva te mataì puai, te ahu, te veàveà, te haruru patiri. Na teie mau täpaò e faaìte i te riri o te Atua, ia au i te hiòraa a te Hepera.

E parau – atoà - hia te riri o te Atua e riri moà. No te mea ia riri O ia e taime poto roa, Taramo 103, i te ìrava 8 e te 9. Te nunaa Iteraèra e tiàturi rätou i te riri o te Atua. Eiaha ia manaòhia o te hoê tämataraa i te taata. Mea hape roa ia terä manaò, ua hiò – anaè – hia mai teie te huru e Atua ia oia tei hinaaro ia fifi te taata. Èere atu ra te hoê Atua tei riri, e atua tiàporo rä. No te mea èere te Atua i te hoê Atua faahema i te taata ia fifi, te faaora nei rä O ia.

Te riri o te Atua te tuàtiraa ia, O ia i to na nunaa. Ia au i te hiòraa a te àti Iuta, teie na hiòraa piti i roto i te nunaa Hepera, e te nunaa Iteraèra. Èere ia te riri o te Atua no te hamani ìno i te taata. No te faatupu ra i te hinaaro i roto i te taata, Tenete 3, 14; Etoto 4, 14; Numera 11, 1 – 10; Teuteronomi 7, 4. Te riri o Iehova e riri faatupu òhipa ia no te mea e faaìte O ia i to na manaò i te taata.

No te aha O ia i riri ai ?

No te mea e Atua ora o Iehova e no reira oia i riri ai Etetiera 20, 32 – 34. E Atua tei riri I te taata Iopa 20, 23; Taramo 78, 48 – 49. no te faatura òre te taata i riri ai te Atua 1 Tamuera 28, 17 – 18; Hotea 1, 8 – 9, te riri o te tahi hohoà no te Atua i roto i te faufaa tahito. O ta te nunaa Iteraèra ia i ìte, e o tei färii i taua huru no te Atua ra. Te vai ra te tahi mau faahiòraa i roto i te pipiria aita te Atua e faaìte nei I to na riri. Na roto rä I te òhipa e tupu te ìtehia nei taua riri rä no te Atua. E ìtehia taua òhipa rä i roto i te Tenete 32. Te Àroraa a Iatopa e te merahi, te faahiti atoà ra te tahi mau taiòraa, i te äro o te Atua. Te taata noa atu e ìte I te äro o te Atua e pohe Etoto 33, 20; Tavana 13, 22. Na roto i teie mau hiòraa, èita te riri o te Atua e tupu noa aita e tumu.

Te riri nei hoì te Atua i to na nunaa, mai te faaära ia rätou i te òhipa e tupu, i nià iho ia rätou ia òre rätou ia faaroo i taua faaìteraa ra a te Atua. E riro ia te mähana no te riri o te Atua èi mähana haavaraa no te mau hara a to na nunaa.Amota 1, 2

Te vai nei te tahi tuàtiraa te hara e te riri, ua riri anaè te Atua, e tapaò faaìte ia tei roto te nunaa i te hara. Oia hoì, ua ateä te taata i te mau faaueraa ta te Atua, i horoà ia haapaòhia.

Ia au I teie mau manaò tei hiòhia no nià i te riri o te Atua. E parau ia teie no te haafatataraa te Atua ia na iho i te taata, mai te faaìte i to na huru taata i te taata ta na i hamani. No reira te riri o Iehova mea poto roa ia, àreà ra to na aroha mea rahi ia Taramo 103, 8.

No teie mau manaò, èita ia no te haamataùraa i te taata, no te faaìteraa rä e, te vai ra te tiàturiraa o te Atua i te taata ta na i hamani. Eiaha ra no te tuu i roto i te tahi faanahoraa e fifi ai te taata, no te tuu rä, i roto i te tahi faanahoraa ia vai tiàma noa te taata no te haamori i te Atua. Na roto i te haamoriraa i te Atua i te mau taime atoà, e täpaò faaìte ia i te reira, i to tätou haafatataraa tämau, i te mau hinaaro o te Atua. Ta tätou e rave nei i te mau täpati atoà, na roto i te fäìraa hara, e te fäìraa faaroo, o te tahi ia tuhaa faufaa roa teie no te faaitoitoraa i to tätou faaroo.

Hau roa atu ai te reira te reo e òhipahia nei e ta tätou pipiria e reo mäòhi, päpü maitaì ia, ia tätou i te ìte e te faaroo i ta te Atua e pärau mai nei. A tupu atu ai te àparauaraa, i roto i te Atua e te taata. A ìte atu ai tätou i to na riri e to na aroha.

E aha te manaò i te aroha o te Atua ?

Teraì òr.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens