Overblog Suivre ce blog
Editer l'article Administration Créer mon blog
20 décembre 2015 7 20 /12 /décembre /2015 10:19

Toru o te Mahana

Mahana Piti 05 no Tēnuare 2016

Te Tumu Parau. Te faaìteraa manaò

i nià i te parau no te Autaeaèraa

Te mau Taiòraa.

Ieremia 31. 10-13. E haere mai hoì rātou e himene i te vāhi

teitei i Tiona.

Taramo 122. E pure ia Ierutarema ia Hau, e Maitaì to te

feiā i hinaaro ia òe ra.

1 Ioane 4. 16-21. Ia parau te hoê taata e, te hinaaro nei au

i te Atua, e aore o ia i aroha i to na taeaè, e haavare o ia.

Ioane 17. 20-23. Ia tià to rātou âmuiraa, e ia ìte to te ao e,

na òe au i tono mai.

Faaitoitoraa.

Te âmahamaharaa i roto ia tātou te taata faaroo, te faataupupū

ra te reira i te tupu-maitaì-raa no te parau maitaì a te

Atua i roto i te nūnaa. Te mea fifi roa atu, tātou iho ia te

porotetani e te porotetani. Eita te reira huru to tātou e riro ei

hiòraa maitaì. Eita atoà e tano e parau, ei mau taata tātou no

te Metia. Aita te reira e faaìte mai ra i te parau no te

Autaeaèraa. Te haapii noa mai ra te reira, te ère ra tātou i te

parau no te Here e te Aroha. No te mea, e Aroha te Atua, e

tē Aroha ra ua fānauhia ia e te Atua. Aita atu ia e vāhi e roaa

ai ia tātou te òaòa e te hau, te ora-âmui-raa ia i roto i te here

fāito òre o te Metia.

Tātou te nūnaa Māohi, e nūnaa ìte tātou i te fārii, ìte i te

Here, ìte i te Tauturu. Te faufaa teie ta to tātou fenua i haapii

noa mai na i to tātou mau tupuna, e te haapii noa mai ra

ā ia tātou. Ua vahavaha rā tātou i teie mahana. Te parauhia

nei te parau o to tātou âià, e parau paari, àai, àamu. Te auraa,

a àmu i te parau o to tātou fenua, te māa te reira e roaa ai ia

tātou te ìte e te paari. Mai ia Ietu i pure i te Atua no te

Hoêraa o ta na mau pipi, i roto ia na e i roto i te Metua. Ia

pure atoà tātou ia Hoê te porotetani. Ia Hoê teie Nūnaa

Māohi i roto i te Metia, e te Atua Metua. Mauruuru.

Pure. E te Atua Metua, te Fatu o te mau Raì e te fenua. Te

Fatu hoì o to mātou Māohiraa. Aita e òhipa moè i to òe

mana. Te ìte noa mai ra òe i te au òre i roto ia mātou iho te

porotetani e te porotetani. Aita te parau no te Autaeaèraa. Te

tahi pae, tē nià i te māramarama o te parau. Te tahi pae, te

mau noa ra i nià i te haapaòraa, i te faanahoraa taata.

Faaitoito mai òe ia mātou i te fāriiraa i ta òe parau mau.

Eiaha mātou ia riro noa ei mau taata haavare. Eiaha i mua

noa i to mātou vaha e te Atua e, âreà te âau, tē te ātea ê roa

ia. Te Atua, a tuu ia mātou i roto i te Hoêraa no to òe

hinaaro. E ia tauturu mai te Vārua maitaì ia mātou te Nūnaa

Māohi. Âmene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens