Overblog Suivre ce blog
Editer l'article Administration Créer mon blog
20 décembre 2015 7 20 /12 /décembre /2015 10:12

Te Pae o te Mahana

Mahana Maha 07 no Tēnuare 2016

Tumu Parau. Te Autaeaèraa i roto i te mau Àpotetoro

(e aore ra Tāvini)

Te mau Taiòraa.

Ìtaia 56. 6-8. E parauhia taù fare, e fare pureraa no te mau

nūnaa atoà.

Taramo 24. Na vai e paìùma i te mouà o te Atua.

Òhipa 2. 37-42. Mau pāpū māite atu ra rātou i ta te mau

Àpotetoro i haapii ra, e te âmui-māite-raa, te vāhiraa i te

faraoa e te pureraa.

Ioane 13. 34-35. E tuu vau i te parau apī nā òutou. E aroha

òutou ia òutou iho.

Faaitoitoraa.

Ta tātou tumu parau no teie nei mahana, « Te autaeaèraa i

roto i te mau tāvini ». No te haapāpūraa i te faufaa o teie

parau, teie te reo o te Fatu : « E tuu atu vau i te parau apī na

òutou. E aroha òutou ia òutou iho ».

Mea māramarama maitaì te hinaaro o te Fatu ia tātou. E

aroha tātou ia tātou iho. Te haapii noa nei tātou i te parau noparau ia vai noa ei parau. Ahiri te Maru Metia e te mau faatere

o te mau Etārētia atoà e hoê nei no te faatupu i te hinaaro

o te Atua, oia hoì, te raveraa i ta na òhipa mā te haèhaa e

te faaòromaì, mā te î te âau i te here e te aroha, e iti mai te

manaò tāhitohito, faahapa, mata ê te tahi i te tahi. Rau noa

atu te mau haapaòraa, te mau faaroo, hoê noa Atua ta tātou

e tāvini nei. Te tumu ia i faaòhipa ai tātou i te parau no te

Òitumene.

Te haafaufaa nei vētahi i te reira, âreà te tahi pae, aita roa

atu. Inaha hoì, te tītauraa a te Atua i to na mau tāvini, ia tupu

te hoêraa, te autaeaèraa, te hereraa tātou ia tātou iho. No

reira, a mau pāpū i to tātou tiàturiraa i te Atua, e a rave âmui

tātou i ta na òhipa. A here i te taata, a here i te Atua, i reira

te Hoêraa e tupu ai.

Pure. Haamaitaì mātou ia òe e te Atua Metua, te Fatu no te

raì e te fenua, te tumu o to mātou ora, no te rahi o to òe here

e to òe aroha ta òe e faaìte noa nei nā roto i ta òe rahu. Noa

atu to mātou paruparu i te faatupuraa i to òe hinaaro, aita òe

i faaère ia mātou i to òe here Metua.

E te Atua e, a tauturu mai òe i to òe mau tāvini ta òe i faatoa,

ta òe i māiti no te raveraa i ta òe òhipa. I teie mahana,

ua rau te haapaòraa, e te faahapa nei te tahi i te tahi. Ua haapii

mai òe ia mātou i te parau no te here e te aroha, aita rā

te reira i haafaufaahia. No reira e te Atua, a arataì òe ia

te here e te aroha, te parau no te hoêraa. E tae roa mai rā i

teie mahana, aita ā teie huru i ìtehia atu ra. Mea maitaì roa

te parau, te toe noa ra te faaòhiparaa i te parau, ia òre te

mātou i roto i to òe māramarama, ia tupu te autaeaèraa, te

hoêraa i roto i te rauraa. Hoê hoì Fatu, hoê faaroo, hoê pāpetito,

hoê Atua, o te Metua o te taata atoà ra, tē nià iho i te

taata atoà, e tei pihaì iho i te taata atoà, e tei roto hoì ia

òutou atoà. Âmene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens