Overblog Suivre ce blog
Editer l'article Administration Créer mon blog
20 décembre 2015 7 20 /12 /décembre /2015 10:09

Ono o te Mahana

Mahana Pae 08 no Tēnuare 2016

Tumu Parau. Te faaìteraa a te Atua

nā roto i te moemoeā

« E faaroo mai i ta ù moemoeā » (Tenete 37/6)

Taiòraa.

Tenete 37. 5-8. E faaroo mai na òutou i ta ù moemoeā.

Taramo 126. E au tātou i te feiā moemoeā.

Rōma 12. 9-13. Ei àtiraa aroha mau to òutou ia òutou iho.

Ioane 21. 25. E òre e tià i to te ao atoà nei ia fārii mai i taua

mau puta ra.

Faaitoitoraa.

I roto i te Tenete, e ìte ai tātou i te mau parau ta te Atua i

horoà ia Iotēfa, no te faaìte i te taata i to na hinaaro nā roto

i te moemoeā. Aita rā to na mau taeaè i fārii i te reira, ua rahi

to rātou riri ia na, no te mea e mana o ia i nià iho ia rātou.

O te òhipa mau ia e tupu i roto i te tahi tau oè, ua tere to na

mau taeaè i te fenua Àifiti no te ani i te māa. I reira, ua fārerei

i to rātou taeaè iti, e ua tāhopu ia na, Aroha mai ra Iotēfa

i to na mau taeaè.

Na te pāpai Taramo 126 e haapāpū noa mai ra ia tātou i te

òhipa faahiahia ta te Atua i rave no Tiona i te tītīraa, e tei

riro hoì ei tāpao haapāpū i te rahi no to na here e to na aroha.

No te mea hoì e, ua ìte mai te Atua i to na mau taata, nā ô

aè ra to roto i te êtene ra, « e òhipa rahi ta te Atua i rave ia

rātou nei ». Te haamanaòraa i te òhipa rahi ta te Atua i rave

no te tupuraa o ta na ôpuaraa faaora, o te puna mau te reira

no te òaòa, te maitaì e te hoêraa.

Te haamanaò mai ra te èpitetore e : « Ei àtiraa aroha mau

to òutou ia òutou iho, i te aroha taeaè ra, i te faaturaraa atu

te tahi i te tahi » Eita atoà rā teie huru àtiraa aroha mau e

roaa i te taata, mai te peu e nā roto noa te taata i to na manaò

e ta na faanahoraa taata. E tītau i te aroha mau i roto i te

Metia i te faahuru-ê-raa o te âau. Teie pūai no te aroha mau,

o te faaroo ia i te Atua tei horoà, e tei riro hoì o ia iho ei

puna. E mea nā roto i te here e te aroha to te Atua faaìteraa

ia na i te taata.

I roto i te parau maitaì no te hau o te Atua, ua haapāpū Ietu

i te parau no te ora i roto i te Metua. E parau ia o te hoêraa.

E faatupu te reira i te au òre e te riri i roto i te taata. Tītauhia

ia ora, e ia hoê i roto i te hinaaro anaè o te Metua, e ia haere

mai te haèhaa e te Atua. Oia mau, e tuhaa òhipa rahi te tītauhia

ra i te taata o tē faatupu i te mataù o te ère. Na te faatura

te tahi e te tahi, te here e te aroha e faatupu i te hoêraa e

te hoìraa i te ùtuafare Metua ra.

Pure. E te Atua Metua e, o òe te Fatu o te raì e te fenua, te

parau i ìriti i te ùputa o teie nei ao. Haamaitaì mātou ia òe,

no te rahi o to òe here e to òe aroha. Tauahi òe ia mātou i te

tāpao no to òe hau. Aroha mai ia mātou.

Te Atua to mātou Metua, o òe te Fatu o te raì e te fenua, o

òe to mātou ora e to mātou haapūraa. Haamaitaì mātou ia òe

no te rahi o to òe Here e to òe Aroha, ta mātou ia e fānao

noa nei i te mau mahana atoà o to mātou nei oraraa. No reira

e te Atua Metua, faahaèhaa mātou i mua ia òe, no te mea,

rahi aè to mātou faatupu i to mātou mau hinaaro, e moèhia

ia mātou te faufaa rahi o te hoêraa hinaarohia e òe. Te ani

onoono atu nei mātou ia òe, ia horoà mai ā i ta òe haamaitaìraa.

Ia patu ā mātou i to mātou hoêraa i rotopū ia mātou

mātou iho, e i nià ia òe, a haere âmui ai nā nià i te èà hoê.

Tauahi noa ā òe ia mātou i te tāpao no to òe Here e to òe

Aroha. Âmene.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens