Overblog Suivre ce blog
Editer l'article Administration Créer mon blog
7 novembre 2015 6 07 /11 /novembre /2015 04:25

Mahana pae 1 no tenuare 2016

Faaitoitoraa no te matahiti âpï

Taioraa : Taramo 148

Apotarupo 5/11-14

la ora na i te Atua i teie matahiti âpï.

I na roto mai nei tatou i te ùputa no teie tau âpi i te tomo mai, ta te here e te aroha o to tatou Atua i iriti no tatou. E mau tuuraa âvae matamua roa no teie tau bora rii tei malri, e mau tuuraa âvae atoà ra tei haamanao mai i te atea o te èà o ta tatou e haere nei. E no te atea hoi o te vahi haereraa, aita atoà tatou i ite i te mau mea e riro i te tupu mai, i nià i teie èà ta tatou i haamata i te haere mai ei hoiraa no tatou i te Atua ra.

Te mea papü ra, e èà tera e toro ra i mua ia tatou, hinaarohia ia i te feia haere na nià i teie èà te tiàturi-papü-raa i te Atua, no te tauturu, ia ore tatou ia pühapa i nià i teie èà hoiraa i te Atua ra, e i te maramarama o ta Na parau no te türama i to tatou haereà ia ore ia topa i roto i te mataetae, oia hol i roto i te paruparu o te àau no te mea aita e itehia atu ra te hopeà o te èà e ravehia ra.

E tau âpi, e i parauhia ai to te âpï no te mea ia ua hope aore ra ua marri te tahi tupuraa ohipa i orahia mai na e tatou, e tupuraa ohipa âpi tera e vai ra i mua ia tatou, e te mea e hinaarohia ra, ei tarià ia no te faaroo ia tui te roo o te Atua ia tatou. Ei mata no te hio ia ite, no te mea ua ite oe i te mea maitai. Ei ôpü no te faarii i te parau, te parau tei riro ei faurao no te manao o te Atua ia tatou. Ei tapono no te amo, te amoraa i te ôpuaraa faaora a te Atua i to teie nünaa. Ei rima no te tauturu i te tahi tei topa, te tahi tei paruparu, e ta tatou hoi i rave no te tahi, no letu tatou i na reira ai. Ei âvae no te faaruè i te vahi o ta tatou e tià ra, e te titau hoi i te vahi tei reira to tatou Atua i te tiairaa mai ia tatou.

E f aaroo atu ra vau i to nià atoà i te rai ra, to tef enua nei, to raro i te repo, e to te moana, e to roto ia ratou atoà ra, i te na ôraa e, o te haamaitai, e te tura, e te hanahana, e te mana, ei ia Na ia ei teiparahi i nill iho i te terono ra, e ei te Arenio, e a muri noa atu ...(Apotarupo 5/13). Te reo ia o te âpotetoro ia tatou i teie matahiti âpi, e i nià i teie èà hoiraa i te Atua ra.

Te hoiraa i te Atua, o te haamaitairaa ia ia Na, oia bol, te raveraa ia i te ohipa no te faatupu i te maital, e te mea maital hol tei ravehia e tatou, o ta tatou a ia e faariro ei faahanahanaraa na tatou i to tatou Atua, te Tumu no te maital o te ohipa o ta tatou i rave. Oia hoi, faahol i te maital ei tahei hanahana na tatou i to tatou Atua.

Teie nei ra, eiaha tatou e manao e, o tatou anaè te taata tera e anihia ra e haamaital i te Fatu, oia hol e rave i te mea maital. Mea papü maital te reo o te Apotetoro : To nià atoà i te rai ra, to te fenua nei, to raro i te repo, e to te moana, e to roto ia ratou atoà ra, te haamaital ia i te Fatu. E no te tauturu ia tatou i teie haamaitairaa e anihia mai nei, tamata na tatou i te hio i te tauturu a te Papal Taramo

148. Te na ô ra :E haamaitai i te Atua i te mau rai ra, e haamaitai ia na outou atoà e parahi i nià ra, e haamaitai ia na outou atoà e te mau Mërahi, e haamaitai ia na o outou atoà e te mau nuu ra, e haamaitai ia na e te mahana, e haamaitai ia na e marama, e haamaitai ia na e te mauf ëtià, e haamaitai ia na e te rai o te mau rai ra, e haamaitai ia na e te mau pape i nià iho i te mau rai ra ...

I ô nei e tano ai te tahi a reo to te Papal Taramo e na ô ra e, Te parau hua nei te mau rai i te hanahana o te Atua, aita e ôrero, aita to ratou reo i itea, ua tae ra te haruru o ta ratou haamaitairaa i te ôtià o tefenua nei. Te auraa, aita hoê mea i ère i roto i te rai ra i te anihia e haamaitai i te Atua, mai te mau Mërahi, te nuu atua, te mahana, te marama, te fëtià e tae noa atu i te vai i te rai tua tinitini. Aita e tetoni tuua raton i te faatupu i te mea tià ei roo hanahana no te Atua.

la hio mai tatou i te parau o te fenua, te na ô ra :E haamaitai i te Atua i nià i te f enua nei, te mau mea rarahi o te tai, e te mau vahi hohonu, te auahi e te ua paari, te hiona e te ohu, te matai vero ra efaatupu i ta Na ra parau. Te mau mouà e te mau âivi, te mau raau maa ra e te mau âreti, te mau manu e te mau puaa atoà, te mau mea e nee ra e te mau manu pererau ...

No te fenua e te aru e tae noa atu i tera mau mea rii e nee haere ra na roto ia na, na reira to te moana e to na î, te haamaital noa atoà ra raton i te Atua, e eita raton e tial mai i te taata, ê na ta raton haamaitalraa i te tae i te Atua ra, e te tamau noa ra a raton i te haamaitai i te Atua. E ia au i te reo o te Apôtetoro, Uafaaau te Atua i te haapaoraa na ratou, e aita roa te hoê i hapa i roto ia ratou ra.

E tatou e te taata nei, e aha ta tatou e tial nei. Teie te reo o te Papal Taramo ia tatou i teie holraa no tatou i te Atua ra : E te hui arii o tef enua nei, e te taata atoà, e te f eia mana, e te mau haava atoà o te f enua nei, te mau taata âpï e te mau paretenia, te mau taata paari e te mau tamarii,o te reira te haamaitai ite Atua ...

Te papü atoà ra ia ia tatou e, e parau ta te Atua i te mau mea atoà tei riro ei tupuraa hanahana no te mana o ta na parau, mai te rai e to na î, te fenua e to na î, te moana e to na î. E parau atoà ra ta te Atua i te taata i roto i to tatou rauraa, e parau ta te Atua i te tamarii, e parau i te taureàreà, e parau i te rüàu, e parau ta te Atua i tera taata tiàraa, e tae noa atu i tera taata aita to na e tiàraa. E haamaital te taatoàraa i te Atua. Ta te Atua e tial mai ra, ta te Atua e hinaaro mai ra, tera ia taata tei tae to na àau i te bol i te Atua ra, tera taata tei farii ia türamahia to na haereà e te parau a te Atua. Te auraa i roto i teie haamaitalraa aore ra i roto i teie hioraa, te mea ta te Atua e tial mai, maoti ra, te taata ia tei tae to na âau e rave ite mea maital no te faahanahana ite ioa moà o te Atua.

I mua i te èà e toro ra i mua ia tatou, te anihia ra ia tatou e haamaital i te Atua. E i nià i teie èà, ore noa atu a tatou e lte ite hopeà o te èà, haamanaoraa tatou e, i roto i teie haereà no tatou, eere o tatou anaè, aore ra, eita to tatou Metua e faaruè ia tatou ta na mau tamarii e o tatou anaè i to tatou haereà, tei pihal iho ra O ia ia tatou i te tautururaa mai i te mau tuuraa âvae atoà i nià i teie talara, tei ineine o Na i te faatià ia tatou i te mau taime atoà e peretal ai to tatou âvae e e topa ai tatou. Tei pihal iho o Na ia tatou i te taurumiraa e te faaoraraa i to tatou mau pëpë atoà, tei pihal iho o Na ia tatou i te haapiiraa mai e te faaitoitoraa ia tatou i te tamau maiteraa i te tuu i to tatou tiàturiraa i roto i teie aratalraa na Na ia tatou i te fare Metua.

I teie holraa no tatou, na te Atua te ôpuaraa faaora, te Atua iho teie e parau mai nei faaâpi au ia oe, na tatou atoà ra e tauturu i te Atua ia tupu ihoa to na hinaaro. Teie tau fifi ta tatou e ora nei, e tauturu mai te Atua, tauturu mai te Atua ia tatou e to teie nünaa. Na te Atua e horoà mai te î. Na te Atua atoà e horoà mai i te papü te tiàturiraa, e haere ihoa ra. E hol anaè tatou i te Atua ra...

Thognio, Tamuera a PERE orometua

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens