Overblog Suivre ce blog
Editer l'article Administration Créer mon blog
1 juillet 2015 3 01 /07 /juillet /2015 10:21

Taioraa .

Mareto 7 : 1-23.

Ta tätou parau no teie hora paieti, teie ia tei taiòhia atu i mua ia tätou. Ma te faaite teie mau manaò i muri nei.

1) Te faaroo nei tätou i te huru o te mau Faritea e te mau papaì parau tei faaino i te mau pîpî a Ietu, tei àmu i te maa, ma te horoì òre i te rima,i roto i teie hiòraa mea viivii roa ia.

2) Te mau ppîpî ,i mua i teie mau faaìnoraa a te mau Faritea e te mau papaì parau,tei faaea muhu noa ma te pahono òre.

3) Te mau Faritea,e te mau papaì parau tei ui ia Ietu,te haapaò òre o te mau pîpî i te peu horoìraa rima.

4) Ietu e te mau Faritea,e te mau papaì parau, te haapapu O ia i to na manaò i nià i te mau peu tià òre e ravehia nei e teie mau taata.Te tuàti nei teie manaò ta Ietu e parau,i te manaò o Itaia i te naòraa e,te faatura nei te vaha àreà ra o roto tei te atea ia.

5) Ietu e te feia e rave rahi,oia hoì te mau taata e àua haaàti ra ia na no Tenetareta,ma te horoà i te haapiiraa nno te viivii,e te viivii òre ia au i te ture a te Atua.

Teie na tuhaa e pae no roto mai i teie Evaneria a Mareto i te pene 7 i te irava 1 e tae i te irava 23.Tei haamahuiti teie parau faufaa rahi, no te taata i mua i te Atua tei aroha, te taata,e te taata i mua i to raua autaeaèraa e te autuahineraa. E te taata tätaitahi i roto i to na iho tumu,ia ite i ta te Atua e hihnaaro nei no na.

E hoa mä.

Ua moèhia i te mau pîpî i te horoì i te rima hou a tamaa ai,e peu teie,tei matau maitaihia e te mau Ati Iuta,te horoiraa rima e te avae,aita te mau pîpi i haapaò i te reira,ua rü noa rätou i te tamaa,no te poia anei,no te au anei te maa ? Te riro nei ia teie peu i ravehia ei turoriraa no te mau Faritea e te mau papaì parau,aita atoà rätou i hape,e horoi iho-a i te rima a tamaa atu ai,e mea atoà,mai te mea e moèhia i te horoi i te rima,e moè atoà i te pure no te haamaitai i te Atua.Te vahi noa ra tei òre i tano faahou te faaìno ia,aita ra ta tätou taiòraa e faaite nei i te teimaha,teie ra ua faaìnohia te mau pîpî,e te mau Faritea,e tae noa atu te papaì parau.

Te Faritea,faataahia to na auraa e taata hamori Atua,tei ìmi ia hanahana te Atua,na roto ia na,eiaha na roto i te tahi tei òre i haapaò i te mau peu no te tamaaraa,mea vahavahahia teie feia Areà te papaì parau,e feia ia e haapii nei,e papaì nei i te ture a te Atua.Teie rä te ànoì noa nei rä te faaòhiparaa,i te mea te riro nei te ture ta te taata i hamani ei ture atoà no te Atua.

Te mea ra tei moèhia i roto i teie na pupu taata,TE PARAUTIA A TE ATUA,eita no te hoê noa pae taata,no te taatoà ra,eita atoà e faaìno,e vahavaha,e arataì ra i nià i te èà no te hau ia faahapa ra te PARAUTIA a te Atua,no te haapii ia,e no te faahoi i nià i te reni,e no te tautururaa tei paruparu.Teie te vahi i moèhia i teie ma pupu taata no te Atua,Te PARAUTIA A TE ATUA,eita ia i te hoê noa peu tei tama noa te rapaeraa ia ite-ä-atoà-hia ra te tamaraa roto te vahi ite-òre-hia e te mata taata,tei itehia e te mata varua no te tiàturiraa.I pahono ai o Ietu i te uira a te Faritea,e tate papaì,i te irava 8,ua haapae hoi outou i te parau a te Atua,e te tapeà nei i tei tuuhiaz mai e te taata,mai te horoiraa pani,e te mau àuà ra,e rave rahi hoi te peu mai te reira te huru ta outou e rave nei.

Mea tià ia maramaramahia teie reo no te Fatu,aita O ia e pätoi nei te peu no te tamaraa,ia ravehai iho ä ra te reira e tià ai,eiaha ra ia haapaehia te parau a te Atua,o ta Ietu ia e haapapu nei,te parau nei te mau Faritea e te mau papaì parau,te tamaraa o rapae,te faahiti nei ia o Ietu te tamaraa no te ààu,no te faaroo i ta te Atua e parau mai,te manaò o Ietu i ù nei ia mä te vahi i reira e vai ai te PARAUTIA A TE ATUA,oia hoi te ààu te parahiraa i reira e faatupu ai te maitai e te ìno.

Te tumu ia o Ietu i fariu ai i nià i te feia e rave rahi,aita roa o rapae e viiviiraa,te mea ra e viivii ai,te mea ta te ààu e faatupu na roto i te ìno,oia ia,te faaturi,te òre-raa e tapeà i to na tiàmaraa i mua i ta na iho parau,e aore ra re hooraa to na iho tino i nià i te hoê peu tano òre (poreneia),te taparahi taata,te eia,te nounou,te feii,te haavare,te tiaâ oia hoi tei òre te hanahana,te miimii,tei horoà i te hoê taoà ma te ààu ànaanatae òre,te teòteò,teie hoi te mau mea tei haaviivii te parahiraa no te ààu,te vahi moè i te mata taata,tei òre i moè i te mata o te Atua,i topahia ai te mau Faritea,te mau papaì parau,i teie parau teimaha mau.

Ia mä te parahiraa no te ààu,i reira te pani e mä ai,i reira te àuà e mä ai,e i reira te rima mä òre e mä ai.Ia mä te parahiraa o te ààu,o ta Ietu ia titauraa,ia mä o roto e mä atoà ia o rapae. Teie o Ietu e faaite nei i te parautià a te Atua tei faaite,te viivii o te ààu taata,te haapiiraa ia e vai nei i roto i ta tätou nei taiòraa no teie mahana.Mea tià roa ia,ia parauhia te PARAUTIA A TE ATUA,o te àveià ia no te oraraa o te Atua,o ta na i horoà,ei haapaòraa,e ei manaònaòraa i roto i te ui,e te mau tau atoà.

Te parautià a te Atua tei faaite ia i te viivii i roto i te ààu taata.

Te parautià a te Atua,oia ia te mata tei turama te vahi pouri ia ite-a-hia te aroha e te hau,ia hiti te hinaaro o te Atua.

Te parautià a te Atua,e ramepa ia tei turama i te èà o te taata faaroo,te hihi no taua maramarama ra e òre roa ia e taui.

I teie mahana no teie taime paieti,te faahaamanaò faahou mai nei te parautià a te Atua ia tätou,ei ia here,e,ei ia faatupu tätou i te hau i roto i te autaeaèraa,ma te tiàturi i ta te Atua e horoà mai.

Te parautià a te Atua,o te hiò ia i reira to te mau maru metia e hipahipa ai ia na.

E aroha atu oe i to taata tupu mai to aroha ia oe iho na,e mea tià ia ta outou.(Iatopo 2 : 8vh).

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens