Overblog Suivre ce blog
Editer l'article Administration Créer mon blog
18 février 2015 3 18 /02 /février /2015 20:46

Mau taioraa.

Tenete             9:8-17             Te fafauraa ora a te Atua.

 Taramo            63                    Te tauturu a te Atua.

  I Petero           3:18-22           Te papetitoraa

 Mareto            1:12-15           Ua tae i te taü.

 

            Ei parau tumu Mareto 1:12-15.

            Ei irava tumu Mareto 1: 15  UA TAE I TE TAÜ, TE FATATA MAI NEI TE PATIREIA O                                         TE ATUA;A TATARAHAPA,A FAAROO MAI I TE EVANERIA                                          NEI.

 

            Ei manao i nià i te pene parau.

 

                        ir.12 Tonoraa a te Varua Maitai ia Ietu i te Metepara.

                        ir.13 E piti taau i te metepara te ramarahia e Tatani.

                                   Ua poihere mai ra te mau merahi Ia na.

                        ir.14 Ioane i roto i te fare tapeàraa.

                                   Ietu i te parauraa i te parau no te Patireia.

                        ir.15 Ua tae i te taü.

                                   Te fatata mai nei te Patireia o te Atua.

                                   E faaroo i te Evaneria.

 

            Ei haamataraa.

 I roto i teie nei taioraa,te faaitehia nei ia e toru tuhaa faufaa roa no te öraa te Tamaiti a te Atua i roto i te ao no te hara,i te vahi i reira O ia e àro ai,ia tatarahapa te taata,no te faatupu i te mau parau fafau no te hau.Taua na tuhaa e toru nei,                                                                                1)Te papetitoraa pape,tei haapapu e ua farii O ia i te hara a te ao nei,i nià i to na tapano.(ir.11).

 2) Te vaiihoraa Ia na i roto i te äratairaa a te Varua Maitai,e te iteraahia te faufaa ore o Tatani i te ramaraa e maha àhuru mahana te maoro i roto i te metepara.

3) O Ioane i roto i te fare tapeàraa.

            Na tuhaa e toru nei e toru ia manao taaê no te äratairaa parau,teie ra ua haapoto-noa-hia e Mareto teie mau parau,o Mataio ra e ö Ruta tei faatià papu i teie parau no to Ietu papetitoraahia,e te faahareraahia i roto i te metepara.Te hoê ra vahi o tei tià ia haapao maitehia tei ore i moè ia Mareto i te faatià teie ia parau i te irava 11 i te vahi hopeà,O TA U TAMAITI HERE OE, UA MAURUURU ROA VAU IA OE.

           

            UA TAE I TE TAU,UA POIHERE MAI RA TE MAU MERAHI IA NA.

 

            Teie o Ietu i nià i te èà no te ohiparaa,ua roaa te puai no te faaoromai,te haehaa,e te faaroo papu i te mau reo tono o te Metua.Te haamata nei i te pii haere i te mau taata,i te tumu ohipa i tonohia mai ai O ia.Ia faaite O ia i te parau no te PATIREIA O TE ATUA, E TE PARAU NO TE TATARAHAPA.Na tumu parau teie,tei hoi pinepine mai i roto i te mau äoraa a te Metia,tei tatarahapa ra ua ite ia i te ètaèta o to na ààu i te tano ore,ua turai ia i to na tano ore i rapae,no te farii i te tiàturiraa no te parau ora a te Atua.Oia hoi,te hau aueue ore no te Patireia o te Atua,te tae mai,e tei hoi faahou mai ia tae i te tau mau ra.O Ietu teie e poihia nei e te mau merahi,te äuraa o teie parau,ua öti te taime no te faaineineraa,te haapapu nei te Metia no te Atua o ia,e ta na ohipa e faatupu i roto i te mau taata e rave rahi.Ua fanau mai O ia,mai roto mai i te mau ramaraa rau a Tatani,e ore O ia  e pohe,i te mea o te here mau teie a te Atua,i poiherehia ai O ia e te mau merahi.TE POIHIA NEI O IETU MAITE TIARE NO TE HOÊ MAA HOTU,TEI Ü I TE MAU VERO VAVAHI,E TEI MANUIA I ROTO I TAUA VERO RA.RIRO ÂTU RA TAUA MANAUIARAA EI OAOARAA NO TEI TATARAHAPA,E TEI TIATURI.Te ohipa ia e tupu nei i roto i tatou irava nei,te parau tutuu a te mau tamarii a Iatopa,o te parauhia no na patereareha hoê àhuru mä piti,a taaê noa atu ai o Aperahama,Itaata,e o Iatopa.Te nao nei taua parau tutuu ra,MAITE PEU TE FAATUPU NEI OUTOU I TE MAITAI,E HAAMAITAI MAI IA TE MAU TAATA,E TE MAU MERAHI IA OUTOU,I REIRA TE ATUA E HANAHANA AI I ROTO I TE MAU NUNAA ÄTOA,E O TATANI I REIRA E HORO Ê AI,E TE MAU ANIMARA TAHAE E MATAU AI,E I REIRA E ITEHIA AI TE HERE O TE ATUA,I TE POIHERERAA MAI, TE MAU MERAHI IA OUTOU.(Na Nafatari teie parau tutuu). 

            Teie o Ietu ua poiherehia e te mau merahi a te Atua,tei üpootià i nià i te enemi rahi o te ao nei,teie o ia ua àua faaàtihia,mai te hoê faaèhau tei hoi mai,mai te àroraa rahi tei mau i te perapaio no te ora mure ore,e tei ofati i te tara o te pohe mure ore.E tapao ia teie no te ora,e tapao teie no te Tamaiti a te Atua,e tapao ia teie no te Metia parautià,e tapao ia teie,o te tià i te taata ia tatarahapa i mua i te äro o te Atua.O te tapao ia no te änuänuä,no na ùnaùna e 7,oia hoi te fana a te Atua tei faaütahia i nià i te vairaa no te hau.          

                                                          1) Te aroha.

                                                           2) Te here.

                                                           3) Te hau.

                                                           4) Poroiraa.

                                                           5) Te tiàturiraa.

                                                           6) Te faaiteraa.

                                                           7) Te Atua i roto.

            E tapao teie ua tae i te tau,no te faaoreraa hara,o ta te Atua e faatupu nei na roto i te hau.A reàra ta te taata no te tamai ia,i parau ai o Ietu e a tatarahapa te fatata mai ra te patireia o te Atua.I te mae UA TAE I TE TAU,ia poiherehia te mau hinaaro o te Atua,ei ia ite-ä-hia te tumu no te faîraa hara,e te faîraa faaroo.

            UA TAE I TE TAU,te tahi auraa no teie parau te haapapuraa ia i te ohipa tumu e ravehia,ma te ite taui,te tià e taui ia ua i te faanahoraa.Ma te faaite e,te ora ra taua opuaraa ra i te mau taime ätoà,e i te mau mahana ätoà.Te tau no te Metia e tià ia parauhia,ua tuhahia i roto na tuhaa e 4,

                        Te tau no te fanauraa,oia hoi o noëra.

                        Te tau no te titauraa,oia hoi te piiraa.

                        Te tau no te mau àti,e te pohe o te Metia,oia hoi te tapati no te mua àmaa.

                        Te tau no te tiàfaahouraa,oia hoi te oroà pata.

Teraì òr.

 

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens