Overblog Suivre ce blog
Editer l'article Administration Créer mon blog
10 septembre 2014 3 10 /09 /septembre /2014 04:36

Mataio 25, 14-30

Te Maere

TARENI 14-15

14 «E au hoì te Tämaïti a te taata nei i te hoê taata i òpua i to na tere, e ua parau atu ra i to na iho mau tävini, tuu atu ra i ta na taoà ia rätou. 15 Tuu atu ra o ia i ta te tahi, e pae ia tärëni, e piti ta te tahi, hoê ta te tahi; i tei au atoà i taua nä taata ra; reva atu ra i to na tere.

ÒHIPARAA 16-18

16 Haere atu ra tei rave i nä tärëni e pae ra, hoo haere atu ra i taua nä tärëni ra, e noaa mai ra nä tärëni ê e pae. 17 Mai te reira atoà tei rave i nä tärëni e piti ra, e noaa mai ra nä tärëni ê e piti. 18 Âreà tei rave i te hoê ra, haere atu ra ia, heru atu ra i te repo, huna iho ra i te moni a to na fatu.

HAAMAURUURURAA 19-23

19 E mäoro aè ra, hoì mai ra te fatu o taua mau tävini ra, faaau mai ra i te parau ia rätou. 20 Ua haere mai ra tei rave i nä tärëni e pae ra, hopoi atoà mai ra i nä tärëni ê e pae, nä ô mai ra: «E taù fatu, e pae a òe tärëni i tuu mai ia ù; inaha, teie ia, e nä tärëni ê hoì e pae i noaa ia ù nei.» 21 Ua nä ô atu ra ta na fatu ia na: «Ua tià roa, e teie nei tävini maitaì e te haavare òre; o òe i haapaò maitaì i tënä nä taoà iti haìhaì, e faatïàau atu vau ia òe i nià iho i te mea rahi: e haere òe i roto i te ôroà òaòaraa a to fatu.» 22 Ua haere atoà mai ra tei rave i nä tärëni e piti ra, nä ô mai ra: «E taù fatu, e piti a òe tärëni i tuu mai ia ù; inaha, teie ia, e nä tärëni ê hoì e piti i noaa ia ù nei.» 23 Ua nä ô atu ra ta na fatu ia na: «Ua tià roa, e teie nei tävini maitaì e te haavare òre, ua haapaò maitaì òe i tënä nä taoà iti haìhaì, e faatïàau atu vau ia òe i nià iho i te mea rahi: e haere òe i roto i te ôroà òaòaraa a to fatu.»

FAAHAPARAA 24-30

24 Ua haere mai ra hoì tei rave i te tärëni hoê ra, nä ô mai ra: «E taù fatu, ua ìte au e e taata ìriä òe, eere i ta òe i tanu ra e ôoti ä òe, eere hoì i ta òe i ueue ra e haaputu ä òe; 25 mataù aè ra vau haere atu ra, huna iho ra vau i te tärëni na òe i raro i te repo: inaha, i faahoì mai nei ä vau i ta òe iho.» 26 Ua parau atu ra ta na fatu ia na, nä ô atu ra: «E teie nei tävini ìno e te faatau ! Ua ìte òe e eere i ta ù i tanu ra e ôoti ä vau, e eere i ta ù i ueue ra e haaputu ä vau? 27 Eiaha hoì òe e hopoi i taù moni i te hooraa ra, e ia tae mai au ra noaa iho ra ta ù mä te hoo? 28 A rave mai i ta na tärëni a hopoi atu ai i te taata auàhuru a ana tärëni ra. 29 E taoà ta na ra, e horoàhia atu ä ta na e ia rahi; aita a ana ra, e hopoi-ê-hia ia ta na. 30 E huri atu i taua tävini faufaa òre nei i roto i te pöuri i räpaeàu ra, tei reira te òto e te àuàuraa niho ra.»

Te Maere.

Te Èvaneria a Mätaio, te faaìte nei i te Parau Maitaì i nià ia Ietu Metia, te Faaora tei fäfauhia, mai e te Atua no te faatupu-hope-raa i te mau parau i o tei faaìtehia i te mau nünaa i roto i te Faaäuraa Mätamua. Teie Parau Maitaì ua päpaìhia e Mätaio ia au i to na tiàturiraa e te puai o to na faaroo i te Faaora, riro atu ra teie mau Parau Maitaì èi haafänauraa i te taata i roto i te hoê tiàturiraa päpähia i nià i te ora o ta Ietu e faaìte na roto i te mau haapiiraa o te fenua, te taata, te nünaa no te täatoàraa o teie nei ao.

Te Èvaneria a Mätaio, ua faanaho-maitaì-hia ia. Te haamata nei teie Èvaneria nä nià i te fänauraa o Ietu, te tätara nei hoì i te parau no to na papëtitoraahia e tae noa atu i to na tämataraahia, e tae noa atu i nià i ta na òhipa no te faaìteraa, haapiiraa, e faaoraraa maì i Tarirea. I muri aè i te reira, te faatià atoà ra te Èvaneria i te tere o Ietu mai Tarirea atu e tae atu i Ierutarema e te mau òhipa i tupu i te hepetoma hopeà o Ietu i te ao nei, tei hope na roto i to na faatatauroraahia e to na tiàfaahouraa.

Te faaìte atoà mai ra teie Èvaneria ia Ietu mai te tahi Òrometua tei hau i te rahi, tei ia na hoì te mana no te tätara i te Ture a te Atua, e te haapii ra hoì i te parau no te Hau o te Atua. Ua haaputuhia te mau tumu parau o ta na haapiiraa i roto i nä tuhaa e pae,

1) Te Aòraa i nià i te Mouà, tei faaìte mai i te huru, te òhipa, te fänaò e te oraraa o te feiä tei faataahia no te Hau mai te pene 5 e tae i te pene 7.

2) Te mau haapiiraa i höroàhia i nä pipi hoê àhuru mä pipi na ta rätou pene 10.

3) Te mau parapore no te Hau o te raì pene 13.

4) Te haapiiraa i nià i te aura no te riroraa èi pipi pene 18.

5) Te haapiiraa i nià i te hopeà o teie tau e te haereà mai no te Hau no te raì mai, pene 24 e tae i te 25.

Ta tätou parau tei te tuhaa 5 ia, tei roto i te mau haapiiraa hopeà, nahea i te haafaufaaraa i te tuhaa òhipa a te Atua i roto i te nünaa. E aore rä, e nahea te Atua e âpï ai ia ù.

Teie parapore te faatupu nei te maere i roto ia ù i to ù täiòraa i teie tuhaa no te mau haapiiraa a Ietu. Òia mau, tei mätauhia e ìmi i te mau räveà atoà i te märamaramaraa, e parau ia tätou e, o te Atua teie e höroà nei i te faatereraa o ta na mau òhipa i roto i to na mau tävini, ia oti e hoì mai te Fatu o te òhipa e faaàfaro, ua tupu maitaì änei te faaòhiparaa. Ia au i teie manaò, ua täno te toru o te tävini i te parau i te ìrava 24 E taù fatu, ua ìte au e taata ìriä òe, e ère i ta òe i tanu ra e ôoti ä òe, e ère hoì i ta òe i ueue ra e haaputu ä òe te ìrava 25 mataù aè ra vau haere atu ra, huna iho ra vau i te täreni na òe i raro i te repo, ìnaha, i faahoì mai nei ä vau i ta òe iho.

Mai te mea e färii tätou i te haapaò maitaì i to Mätaio faaòhiparaa i te mau taò, e tià ia tätou ia märamarama maitaì te huru o teie Fatu, e ua parau atu ra i to na iho mau tävini, tuu atu ra i ta na taoà ia rätou, te tuu e ö mai te tiàmä, te höroà, e òhipa te tupu i roto i teie taò e tuu.

Na tävini mätamua e piti, ua faaòhipa i ta räua täreni i teie taime tätou e ìte ai te faahiahia o teie Fatu, i te parauraa i teie na tävini e piti, te mea haìhaì i tuuhia ia räua, ua tupu ia i te rähi, e ua faatiàauhia räua i nià i täua mau fäufaa ra, te vahi maere i teie faaâfaroraa, àita te Fatu òhipa i äni i ta na tuhaa, i roto i te âpï, ua parau rä ia räua e haere i roto i te ôroà òaòaraa a te Fatu.

Àreà te toru o te tävini ua mätaù i to na Fatu i tuu ia na hoê täreni, ua huna ma te ô i te âpoo tuu atu ra i roto, ua ère teie tävini i te ôroà òaòaraa i to na mätaù, ua tuuhia ta na täreni i na tävini mätamua. Te tupu faahou nei te maere i roto i tätou parau no teie mahana, teie Fatu, àita i räve i te täreni i òre i faaòhipahia ua tuuhia i roto i te tävini i faaòhipa.

E hoa mä, te vai nei te tähi parau paari i roto i te reo Färani, te naò ra, donner et reprendre c’est voler.

E hoa here mä e, Ua tuu mai te Atua tei Rähu i te mau mea atoà i ta na fäufaa i roto ia tätou, mai te taoà höroà e te tïtau mai ra ia tätou ia riro èi taata tiàmä i roto i te mau faatupuraa òhipa, ia ìtehia te tupu maitaìraa te huru e te hohoà o te Atua. Àita roa hoê taime to te Atua faariroraa ia tätou mai te tïtï ra te huru, ua faariro ra ia tätou mau tämarii, e èi fatu fäufaa i roto i to na mau hinaaro, o ta Pauro ia faaìteraa i to Täratia i te pene 4, i te mau ìrava 4 e tae i te ìrava 7, ìrava 4 Ia tae roa aè nei rä i te tau mau ra, ua tono mai ra te Atua i ta na Tämaïti na te vahine i fänau, i fänau i raro aè i te ture, te ìrava 5 èi faaora i to raro aè i te ture ra, ia noaa ia tätou te maitaì ra e tamarii tävai. Te ìrava 6 E no te mea e tamarii òutou na, ua tuu mai te Atua i te Värua o ta na Tämaïti i roto i to òutou âau, i te taùraa e, Àpa, E taù Metua, te ìrava 7 E tënä na, e ère atu ra òe i te tävini, e tämaïti rä e tämaïti ra, e taata âià ia na te Atua i te Metia nei.

Terai òr.

Partager cet article

Repost 0
Published by Mapuanga terai - dans Aòraa
commenter cet article

commentaires

Obat Keputihan Berwarna Coklat 17/10/2014 09:41

This was a fantastic article. Really loved reading your we blog post. The information was very informative and helpful...

Groupe de parole à visée thérapeutique 14/10/2014 05:09

Je vous complimente pour votre recherche. c'est un vrai boulot d'écriture. Développez

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens