Overblog Suivre ce blog
Editer l'article Administration Créer mon blog
3 septembre 2014 3 03 /09 /septembre /2014 09:53

TAIORAA Mataio 18:21-35.

Faaitoitoraa Mataio 18:35 E NA REIRA ATOA MAI TA U METUA I TE AO RA IA OUTOU ATOA NA, IA ORE OUTOU IA FAAORE MA TE AAU ATOA I TE HAPA A TO NA TAEAE.

Ei manao tatara.

Ua tupu teie nei parau ia Ietu na roto i te hoê aniraa na Petero ia na e,E TE FATU IA TUATAPAPA MAI TAU TAEAE I TE HAMANI-INO MAI IA U, IA HIA VAU FAAORERAA ATU I TA NA HARA? IA HITU ANEI ?

Ua pahono o Ietu ia na,AORE AU I PARAU ATU IA OE E IA HITU AE?IA HITU RA AHURU I TE HITURAA?To na auraa teie pahonoraa e horoàhia nei aita to na e otià,ia faaore ra o Petero i te hara tei hara mai ia na i te mau taime atoà,e tae noa atu i to na mau enemi.E no to Petero ite-ore i te auraa no ta Ietu pahonoraa,te hohora nei o Ietu i teie parau,oia hoi,te parau no te hoê Arii tei faaau i te parau i ta na ra mau tavini.Ua aratai mai ra i mua ia na te hoê tavini tei tarahu i te arii 10 000 tareni e o tei ore i aufauhia.E no te mea,aita roa ta na e raveà no te taatara i taua tarahu ra,ua faaue atu ra te arii,ia hoohia o ia,ta na vahine e te mau tamarii e tae noa atu ta na mau taoà.E faautuàraa teimaha mau teie i ravehia e te arii i nià i to na tavini tei ore i haapao i ta na tuhaa ohipa i horoàhia i roto ia na.I taua parau ra,oto äè ra teie nei tavini,tipapa iho ra i raro,tahopu atu ra i te Atii, no te ani i te faaoreraa teie faahaparaa tei topa i nià ia na,na o mai ra.E te Fatu,eiaha na oê e rû ia ù nei,na ù e faahoi i te hoo ia oê na e hope roa äè.Ua aroha mai ra te Fatu o taua tavini ra ia na,faaore mai ra i taua tarahu ra,tuu noa atu ra ia na.Te ite nei tatou i te maitai o teie arii i ù nei i te faaoreraa i te tarahu a to na tavini,ma te ore e tuatapapa i te taime faahoiraa.Oia hoi aita ia e faahoiraa ua tumahia ia te tarahu ua ore.Ua tumahia te tarahu ia haamata àpi faahou ia teie tavini i te ohiparaa no te tavini i te Arii.Aita ra teie tavini i haapoa i te maitai o te Arii,ta na i tuatapapa te feia i tarahu mai ia na,to na manao o ratou te tumu i topa ai o ia i roto i teie fifi.Ma te manao ore e ta te arii i faaore mai i ta na,ua faaore-atoà-hia tei tarahu mai ia na.Aita ra o ia i na reira.

Ia tae ra teie nei tavini i rapaeàu,e ia farerei o ia i te hoê taeaè tavini no na tei tarahu ia na 100 moni veo,haru atu ra ia na,na o atu ra,e aufau mai oê i ta ù tarahu.Ua tipapa iho ra taua taeaè tavini no na i raro, na o mai ra eiaha oê e rû ia ù,e faahoi atu iho-â vau i ta oê moni.E aita äè i tià ia na,ua huri atu ra ia na i roto i te tapeàraa.Ia hiohia o teie tavini tei faaorehia ta na tarahu,aita i tià ia na i te faaite i te maitai o te Arii i nià ia na.Aita ätoà o ia i faaite i te faufaa e vai ra i roto i te Arii ta ratou e tavini ra,o ta na i faaite i to na mau taeaè tavini mauti ra ia i to na riri tià ore i nià i te mau tavini tei tarahu mai ia na.Te maitai o te Arii ua ravehia e teie tavini tià ore,e faatiàraa i to na hape.E ohipa tià-ore-roa tei ravehia e teie tavini,ta na tarahu ua faaorehia e te Arii,àreà ra ta to na mau taeaè tavini i tarahu mai ia na aita ia i tià ia na i te faaore mai ta te Arii i faaore mai ta na.

Ia ite ra te tahi mau tavini i taua ohipa ra,haere atu ra e faaite i te Arii i taua parau ra.Ua faaue atu ra te Arii e tii ia na,e ua na o atu ra,e teie nei tavini ino e,ua faaore atu hoi au i ta oê tarahu ia ù nei i te taime oe ani mai ai i te parau faaoreraa ia ù,faaore-iho nei ra vau.No te aha oê i ore i faaore ätoà ai i te tarahu a to taeaè,mai ta ù i faaore i ta oê ra.Riri äè ra te Arii,tu atu ra ia na i te tapeàraa,e ia pee roa ta na tarahu.

Te faaite mai nei teie parapore ia tatou i te hoê haapiiraa hohonu roa.Oia mau,na roto i to Petero faarooraa ia Ietu i te parauraa i te parau no te aroha faaoreraa hara,i ui atu ai o ia ia Ietu e,IA HIA AE AU FAAORERAA I TA NA HARA ? IA HITU ANEI ?Na te pahonoraa a Ietu i faaite ia Petero i te faufaa-ore no te numera hitu ta na i maiti,no te mea,e ère te aroha o te Atua mea tanumera,eita ätoà te aroha o te Atua mai te hoê faito fiva,ia maraa te fiva ra,e rahi ätoà ia te aroha,ia iti te fiva ra e iti ätoà ia te Aroha.E aroha vai tamau ra,e te huruê-ore.I mua i te Atua,e feia hara änaè te taata.Na roto ra i te aroha rahi o te Atua i te taata hara,te faatupu nei O ia i te hoê raveà faaora,aita o ia i farii i te faataimeraa tei änihia e teie nei tavini,ua faaore ra O ia i taua taime ra,i ta na i tarahu rahi.No reira,eiaha roa ia moè ia tatou e,e feia tarahu änaè tatou paatoà o ta te Atua i aroha mai na roto ia Ietu Metia.I te faaoreraa te Arii i te tarahu a teie nei tavini,ua farerei atu o ia i te hoê a taeaè tavini tei tarahu atoà ia na,ua faahepo ia aufau o ia i taua tarahu ra.Noa atu te mau taparuraa a to na taeaè tavini,aita roa o ia i aroha atu,ua huri ra ia na i te fare tapeàraa.Ua riri te arii e ua faautuà ia na i te utuà tapeà.Aita roa te aroha o te arii i puta i roto i te ààu no teie nei tavini ino,no te mea,ua tiàturi o ia e,eita roa te arii e ite i te ohipa ta na i rave.Ua ère i roto ia na te aroha taeaè e no reira,ua ère ätoà i roto ia na te aroha i te Atua,ua moè roa ia na te aniraa i faaitehia i roto i te pure a te Fatu e A FAAORE MAI I TA MATOU HARA,MAI IA MATOU E FAAORE I TEI HARAHIA IA MATOU NEI.O ia ätoà tatou,ia aroha ätoa tatou i to tatou mau taata tupu e tià ai.Ia na reira tatou,te faatupu nei ia tatou i te parau ta Ietu i parau e,O TA OUTOU I FAAORE I TA RATOU HARA RA?E FAAORE ÄTOA MAI IA TO TATOU METUA I TE AO RA I TA OUTOU HARA.O te huru ia no te aroha faaoreraa hara.No reira,ei pahonoraa atu i ta Petero uiraa IA HIA AU FAAORERAA ATU I TA NA HARA ?Te pahono nei o Ietu e,IA HITU RA AHURU I TE HITURAA.Teie hoi te auraa,aita e hopeàraa,no te mea,e taata hara ätoà hoi oe e Petero,Ua arohahia mai ra e te Atua.Oia ätoà tatou,e feia hara änaè hoi,ua arohahia mai ra tatou,tei mua ra i te Atua e ia Ietu tei Aroha noa ia tatou,e ia vai noa te manao aroha i roto ia tatou eiaha ra te manao tahoo.

E na reira-ätoà-hia mai ta tatou e te Atua,ta tatou i faaore i ta to tatou mau taeaè ra, e faaore ätoà mai te Atua i ta tatou e tià ai.O te ohipa ia i ravehia e Iotefa i nià i to na mau tuaana,i ta ratou hamani ino ia na.I to ratou farereiraa i Aifiti,a riro ai o ia ei tavana i reira,a tupu ai te öè i te fenua Tanaana.Teie to na reo i nià i to na mau tuaana,E TEIE NEI,EIAHA E MATAU NA U OUTOU E FAAMU, E TA OUTOU MAU TAMARII ATOA.NA REIRA ATU RA O IA I TE TA MAHANAHANA IA RATOU, E UA PARAU MAITE ATU IA RATOU MA TE AROHA.(Tenete 50:21)

ia ora na .

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens