Overblog Suivre ce blog
Editer l'article Administration Créer mon blog
3 septembre 2014 3 03 /09 /septembre /2014 09:45

MAU TAIÒRAA.

Etetiera 33:7-9 Te aòraa i te ìno.

Taramo 94 Te tiàturiraa i te Atua.

Roma 13:8-10 Te auraroraa i te aroha.

Mataio 18:15-20 Te faaäuraa i te iòa o te Atua.

Te parau tumu teie ia ta Mataio e faaìte nei i te pene 18 ma te ìrava 15 e tae i te ìrava 20. Àreà ra te ìrava tei te ìrava 17 ia i te vahi hopeà. IA ÒRE RA O IA IA FAAROO I TE ÈTÄRËTIA RA, IA RIRO NOA ATU O IA, IA ÒE MAI TE ÈTENE E TE TERONA.

Ta tätou parau i teie mahana, e fafauraa parau ia no te oraraa àmui no te Ètärëtia. Na roto i te faaäuraa parau i te tahi, e te tahi. E farereiraa no te faaàfaroraa e te faaòreraa hapa.Te ärataì nei ia ta tätou taiòraa,ia tätou i roto i te hoê faahauraa manaò,ia faahaehaa tei reira taeaè e tei reira tuahine i mua i to na tauaro ,te faaueraa ia a te Fatu i ta na mau pipi. E toru tau manaò e vai nei i roto i teie faaueraa.

1)Te hamani ìno te taeaè i te taeaè, ia tupu teie huru ôhipa ra te vai ra ia, te peàpeà, ia ìte ia te hoê o te taeaè i te tatarahapa no te hape i ravehia ma te faaìte te tumu no reira mai te hamani ìno. I reira e ìtehia ai te tupuraa, no te òaòa o te aroha Èvaneria. E farereiraa moè teie i mua i te mata ìte o te taata, i mua ra i te mata varua o te Atua aita ia e täpuniraa. Te mea ra ia vai, te manaò auraro ia, ia vai i mua i te farereiraa, ia òre e ùàna faahou. Èita atu ra ia i te àparauraa e maroraa ia no te faatupu i te àmahamaha. Ia ìte ra te tahi e taata tauaro te tahi no te tahi. Eihea te faatupu nei i te farereiraa i muri äè i te hoê peàpeà ? Eihea te hinaaro e farerei i to na taeaè noa atu te huru o te faaìno? Eihea tei òre e hinaaro? E mau uiraa teie,tei faahuru ê rii paha ia tätou, oia mau, ia òre ia tupu te hoê farereiraa, e meùmeù ia te patu no te faataa – ê -raa i te ture no te aroha a te Atua.

Te 2)Te mata ìte ia, te tumu o te faaìno, ia tae i nià i teie faito èita ia i te peàpeà naìnaì mea rahi ra. Ua vai ia te ùmeùmeraa manaò i roto i te farereiraa, na te mata ìte ia e tatara, ia òre te ùmeùmeraa ia tupu ma te pae òre te tahi i te tahi, ia òre ia täfifi, e ia vai ra te Varua Moà èi arataì i nià i te parau mau.

Te 3 ra o te manaò ta tätou ia ìrava 17 IA ÒRE RA O IA, IA FAAROO I TE ÈTÄRËTIA RA IA RIRO NOA ATU O IA, IA ÒE MAI TE ÈTENE E TE TERONA.

Teie parau te heheu nei ia i te hoê ture ètaèta no te oraraa àmui o te taata faaroo. Te faaìte ätoà nei to tâtou parau i te hoê òtià,no tei faaroo, ua vai noa ia i roto i te àmuiraa no te hau e te haehaa, o te òre ra i faaroo ra, e vai noa ia i roto i te èteneraa. Teie tÏtauraa a te Fatu, no te faahoì ia te tiàturiraa,i nià i te oraraa àmui Teretetiano, na roto i te faaìteraa i te turu a te Atua, i te mau taeaè e te mau tuahine tei hiaai, e ora i roto i te àmuiraa o te mau taata faaroo. Te vahi ra e faufaahia ai tätou, te faaäraraa ia a te Atua, tei roto O ia i te ïtiraa, e te rahiraa taata i te faaearaa,ma to na Iòa. I te vahi e àmui ai e toopiti e tootoru ma to ù nei iòa tei rotopu ätoà vau ia rätou i reira(ir20).

Te haehaa teie o te Ètärëtia, no te arataì i te hui faaroo i nià i te ture no te aroha. I teie tau to tâtou, aita e huri faahouhia nei te Ètärëtia i rapae. E aha ia te huru to tatou oraraa paroita, àmuiraa, haapiiraa täpati, tuahine, te uì - âpï, e te mau haapii èvaneria, te vai noa änei ra te tiàturiraa i te Fatu ra ia Ietu e ta na e parau mai nei. Te tupu ra nei te farereiraa te tahi i te tahi, e aore ra aita, te farereiraa pupu te tupu ätoà nei ra ? E aore aita ätoà.

I roto i ta tätou parau no teie mahana, te horoà faahou nei te Fatu te hoê haapiiraa nehenehe mau no te Ètärëtia i teie tau. Te haapii faahouraa nahea e ora ai i roto i te ïti e te rahiraa o te taata ma te àau faatura te tahi i te tahi. E nahea te vaiihoraa i te taata i nià i to na iho tiàmaraa, i roto i te Metia,no te faatupu i te hau.

E tiàturi ra tätou te faaära noa nei te Atua i ta na Ètärëtia tei rotopu O ia no te äo, e no te turu i te feiä tei tïtau i te hau Evaneria a te Metia, i reira e ìtehia ai te òaòaraa no te hoê oraraa àmui Teretetiano. Te turu nei te Atua ia tätou,i te mea te faahau nei O ia, ia tatou na roto i ta na àiraa maa moà. E tapaò no te faaìte te auraro nei te Ètärëtia i to na Fatu, tei äò,tei haapii,na teie mau ôhipa e haapäpü ia tätou e,tei rotopu te Atua i te ïti, e te rahiraa taata i te faaearaa, ma te turu päpü na roto i te Varua Maitaì.

Te parau ta Ietu e faahiti nei i roto i ta tätou ìrava,ia tià i te taata faaroo ia ìmi i te mau raveà ätoà, eiaha te taata ia topa i roto i te èteneraa. Ua tae änaè i reira e tapaò faaìte e, te paruparu nei ta tätou faaìteraa i te mau tïtauraa a te Atua. Ia tià ra ia tätou ia faaitoito i te raveraa i teie ôhipa i te mea ia òre tatou ia haapaò e rahi noa atu teie pupu taata mea maitaì äè ia ïti mai teie pupu taata e ia rahi te pupu taata te faatupu nei te hau.

E aha te raveà e tupu ai te itoito ?

Te raveà e tupu ai te itoito, mauti ra, ia haapaòhia te tiaì i to ùtuafare e te parau no roto mai i te vaha o te Atua. Oia mau, o ta Ètetiera ia e faaìte nei i te pene 33 i te ìrava 7 O OE HOI, E TE TAMAITI A TE TAATA NA, O OE TEI HAAPAÒHIA E AU EI TIAÌ I TE UTUAFARE O ITERAÈRA E TENA NA, E FAAROO MAI ÒE I TE PARAU I TO Ù NEI VAHA E NA O NEI ATU AI I TE ÄÒ IA RÄTOU.

Tei roto i te äo a te Atua e noaa ai to tätou itoito, i te mea te parau ta na e horoà nei ia tätou e parau ia tei òre roa e faaruè ia tätou. E àpee noa ra te reira ia tätou i te mau vahi ätoà e tae noa atu i to tätou hopeà. Eiaha ra tätou e manaò e te faahapa mai nei te Atua ia tätou aita roa ia, te haamaitaì mai nei ra te Atua ia tätou, ia tià Atoà ia, ia tätou ia haamaitaì i te Atua, ma to tätou àau ätoà, e ma to tätou varua ätoà e tiài ai.

ia ora na.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens