Overblog Suivre ce blog
Editer l'article Administration Créer mon blog
20 mai 2014 2 20 /05 /mai /2014 16:26

Mau taiòraa

Ioane 14, 1 – 14 Te faaitoitoraa

Irava tumu, Ioane 14, 6 Ò vau te èà, e te parau mau e te ora, aore roa e taata e tae i te Metua rä maori èi ia ù.

Ei hiòraa mätamua.

E tià ia pärauhia i roto i te èvaneria i papaìhia e Ioane i te pene 14, i te mau ìrava 1 e tae i te 14. Ua taòtiahia te taiòraa i nià i te parau no te tïtauraa i ta na mau pipi ia päpü te tiàturi i te Atua ma te aueue òre i mua i te haafifiraa rau no te oraraa faaroo. No reira o Ietu i te ìrava mätamua i faaitoito ai ia rätou ma te pärau e, eiaha e horuhoru to òutou àau, e faaìte faahou o Ietu i teie pärau i te ìrava 27. Teie pärau ta Ietu no te faaìte ia i te mau pipi, i to na taamuraa i nià ia rätou, i te mau taime atoà o Ietu e faahiti ai i teie parau, no to na ia ìte i te paruparu o te mau pipi i mua i te mau òhipa e tupu rä, no te mau tau e ä muri atu. No te mea tei roto te mau pipi i te hoê taime te pitaataaraa to rätou tiàturiraa i te Atua. Noa atu rä teie huru to te mau pipi i mua ia Ietu, te tïtau nei o Ietu ia rätou ia tiàturi i te Atua e ia na atoà e tià ai.

Te huru o te taiòraa

Te mau pärau mätamua o te taiòraa, te horoà nei ia, ia tätou i te hoê taupupuraa no te maramaramaraa, i te hinaaro e faaìtehia nei e Ietu. No te tahi auraa o teie mau pärau te haafatatahia nei tätou i teie manaò to Ietu, e rave rahi te parahiraa i te fare o ta ù Metua. Oia hoì, te fare ta Ietu e faahiti nei, mauti ra ia te mau fare pure, ia riro i reira e haamorihia ai te Atua, ia riro i reira e faanahohia ai te parau no te nunaa o te Atua, e i reira atoà e faatupuhia ai te hanahana o te Atua, na roto i te mau àrueraa, e te mau haamaitaìraa. Eiaha rä i roto i tera manaò e, no te hoê fare i nià i te raì, i te hoê vahi naeà – òre – hia i te tiàturiraa o te taata. Te fare Metua o ta Ietu e parau nei, mau ti ra ia to tätou ia tino, tei riro èi hiero no te vairaa no te pärau a te Atua. I te mea e pärau tutuu teie na Ietu i ta na mau pipi hou O ia a haere ai i pihaiiho i te Metua. Te taiòraa ta tätou e farerei e parau tutuu na Ietu i ta na mau pipi, e i ta na ÈTÄRËTIA.

Te taupupu o Toma e o Firipa.

  • Te manaònaòraa o Toma, tei i nià ia i te pärau no te èà e rave, te pahono nei o Ietu, ò vau te èà, O ia te èà no te mea tei ia na ra te pärau mau, e no te mea tei ia na rä te ora. Oia hoì tei roto te Metua ia na, e tei roto O ia i te Metua. E òre roa e taata e tae i te Metua, èi na roto ia Ietu, ta Ietu e parau nei ta na mau haapiiraa, ta na mau faaoraraa maì, ta na mau temeio, ta na faaamuraa i te mau taata e rave rahi i te maa, ta na faatiàraa i te taata mai roto mai i te pohe, e te vai atu ra. E te reira ua ìte te mau pipi.
  • O ia atoà ia te manaònaòraa o Firipa, ia faaìte o Ietu i rätou i te Metua ati – rä – atu ai. Teie manaò to Firipa, no te arataì ia Ietu, i te faaìteraa i te huru no to na tuàtiraa i te Metua, e to te Metua tuàtiraa ia na. Te èà e te Metua, na pärau ia teie tei faaìte i te òhipa o te tià ia ravehia, èi faaitoitoraa no ìteraa i te mau faanahoraa i ravehia e te Atua no te ora o te taata.
Te faaitoitoraa a Ietu i ta na mau pipi

Te faaitoitoraa e horoàhia nei e Ietu, o ta na ia e faahiti nei i te ìrava 12 Amene, amene, e parau atu vau ia òutou, o te faaroo mai ai ù ra e rave e rave atoà o ia i teie mau òhipa ta ù e rave nei, e teie manaò i te ìrava 14, ta òutou e äni ma to ù iòa rä na ù ia e rave. Teie mau parau ta te Fatu no te tuu ia i te mau pipi i mua i te mau hopoià e tià ia rätou ia òhipa, no te faaìteraa i te hanahana o te Atua. O ta rätou e tapeà tamau maite, ma te àueue òre i mua i te mau manaò tià òre o teie nei äo, tei haaparuparu i te tiàturiraa o te taata i te Atua. E ia noa atoà i te mau pipi, i te haamahanahana i te àau paruparu o te taata, no hoìraa i nià i te èà, o te Atua, te parau mau a te Atua, e te ora a te Atua. E no reira i parau ai e, Ò vau te èà, e te parau mau e te ora, aore roa e taata e tae i te Metua rä maori èi ia ù.

No te aha o Ietu i faaau ai ia na i te èà ? no te mea O ia te àveià mau tei faaìte i te vahi e tià i te taata ia rave. O te hohoà ia no te tatauro o te Metia, tei tuhahia e maha maaraa èà, te èà ta te Metia e parau nei e tuàti ia o ia i te mau vahi atoà. Te vai atoà rä te èà, eita e tuàti, tei reira ia tätou i te piiraahia e ära, ia òre na te ànimara ia e haapii mai i te taata ua hape te èà. Te òhipa i tupu i te tau o Paraama, i to Paara faaueraa ia Paraama e haere e tohu ia Pohe te nunaa o te Atua, i nià i te èà te faatauiraahia e te Atua to na èà, e na te ateni i faaìte ia Paraama e Merahi na te Atua teie i mua. Oia atoà ia o Tauro, i nià i te èà no Tamateto, ua taorahia o ia e ta na iho puaahorofenua i nia i te fenua no te tano òre te èà. O Ietu o ia te èà e hanahana ai te Atua.

E aha te pärau mau e faahitihia nei ? o to Ietu ia i hinaaroraa, ia mauhia te hinaaro e tïtauhia ra i te taata i te faaìteraa a te pärau a te Atua. Mau tei roto i tera manaò e, e täpeà maite ia òre ia mahere ia vetahi ê, o ta te parau ia e faahitihia ra e te feiä i ü rätou i te mätaì i te vahi tautairaa, te naò ra to rätou reo e, MAU, MAU, MAU te hoë. E faaroo atoà teie parau i roto i te àrearearaa a te feiä paari, te naò nei rätou e, MAU, MAU, MAU te himene, oia hoì eiaha ia paruparu, ia mau noa ra te itoito. O ta Ietu atoà ia e parau nei i ta na mau pipi, ia mau maite rätou i te ture a te Atua, ia òre àueue i mua i te mau fifi o te ao nei.

E aha te ora o ta Ietu e pärau nei ? o te Ietu ia faaìteraa i te reo mana o te Atua i roto i te tau no te rahuraa.

  • Te Maramarama
  • Te fenua – miti
  • àihere – tumu raau
  • Te tiàrama rahi e naìnaì
  • Te mana e te ïà
  • Te mau ànimara

Te hohoà o te Atua i nià i te tane e te vahine ( Tenete 1, 27) teie te ora e pärauhia nei, eiaha te mau pipi i faatea i te rahu a te Atua.

Oia atoà ia tätou, eita e tià ia tätou ia faatea i na pärau e toru nei, te ÈÀ, te PÄRAU MAU, TE ORA, i te mea o te reira te faatupuhia i roto i te Fare METUA o ta Ietu e pärau nei, e parahiraa to tatou i reira, o tätou te òfaì tiàva èi tapeàraa i te papaì o te fare ia òre ia purehu, o tei pärauhia te ÈTÄRËTIA a Ietu Metia i te ao nei. o ta tätou ia e faatupu nei i teie mähana te horoà a tera e tera, èi àtuàturaa i te ÈÀ, èi haapuairaa i te PÄRAU MAU, èi Faaitoitoraa i te ORA, e ua naeàhia i teie nei 184 mätahiti te tupu noaraa teie òroà MË, tei haamata i te 1818 i te fenua Raìatea i te Ùtiroa no te taime mätamu roa. Ia mahanahan te Atua i te òhipa ta tätou e rave nei.

Aujourd’hui l’évangile de Jean au chapitre 14, versets 1 à 14, nous est proposé un texte d’enseignement, ou un le testament de Jesus. Parce que Jèsus a rassemblé ces disciples près de Lui comme père de Famille. L’objectit de ce rassemblement c’est l’EGLISE, le nouveau peuple de DIEU, un peuple ressuscité par Jésus pou la vie éternelle.

Oui, la nature de l’Eglise débordent à pleins bords, me semble – t – il, de la parole de ce dimanche. Il vraie que le mot Eglise n’est pas cité une fois, mais comment ne pas l’évoquer quand il est question de demeure et de maison du Père. La mission des baptisés, annoncer les merveilles de celui qui nous a appelés des ténèbres à son admirable lumière. On est encore plus au coeur quand on entend Jésus se définir comme le chemin, la vérité, et la vie. Sa vérité est d’être un avec le Père, de vivre en lui et d’accomplir ses œuvres. Des lors y- t- il une autre vérité pour l’Eglise que de vivre dans cette relation, qui demeure toujours un chemin avec le Père. Admirable lumière qui ne replie pas l’Eglise sur elle – même, mais la rend transparente à la clarté du Christ ressuscité.

Nous, qui nous rassemblons en Jésus soyons fidèle aux grands principes de notre foi. Approchons – nous de Jésus Christ, unissons – nous à lui, obéissons à sa Parole, croyons à son commandement, sans laisser les bourrasques nous ébranler. Si nous sommes unis à lui, nous serons l’Eglise qui invite les hommes, les femmes, les jeunes, garçons et filles pour l’aventure de la foi, et les pèlerins de ce temps trouverons en nous un avant goût d’une terre nouvelle, où coule en abondance une eau vive. Elle est droite la Parole Seigneur, elle est solide contre les vents, et l’Eglise, à travers les siècles, est le vissage du Christ vivant, ressuscité, le chemin, la vérité, la vie.

Et ce dimanche nous allons fêtés la 184 ème années de l’offrande de Mai, qui a débuté en 1818, à Ùtoroa, dans l’île de Raìatea.

Teraì or.

Partager cet article

Repost 0
Published by Mapuanga terai - dans Aòraa
commenter cet article

commentaires

Présentation

  • : Le blog de Mapuanga terai
  • Le blog de Mapuanga terai
  • : E parau no te faaìte i te mau tïtauraa e hinaarohia ra i te taata ia noaa i te tiàturiraa i te Atua te Vai Nei Au O vau e Vai nei. Te mau manaò i päpaìhia no te turaì ia i te mau feruri ia tià i te taatoàraa i horoà i te faufaa e vai i roto i te reira e te reira, no te mea te vai nei te turämaraa no te tautururaa i te mau faanahoraa e au no te faaaàno te parau.
  • Contact

Recherche

Liens